نفساني - عرض مشاركة واحدة

14-04-2007, 01:25 AM

السلام عليكم ورحمه الله وبركاته اما بعد:
بما ان ظروف الحياه قد تشغلنا بعض الشى عن منتدانا العزيز لكن لم تنسينا اياه ابداا اخي ابو حفصه شكرا لك لترحيبك بي واسأل الله العلي العظيم ان يجعل مانمر به تكفير لجميع الذنوب والخطايا واعلم ان ما اصابك لم يكن ليخطئك وما اخطئك لم يكن ليصيبك وان مع العسر يسرا فو الله الذي لا اله الا هو لو علم المتعافون في الدنيا ما للصابرين من اجرومكانه جزاء لصبرهم على ما اصابهم في الدنيا لتمنوا لو قرضوا بالمقاريض ونشروا بالمناشير لنيل اجر تلك المكانه العظيمه (هذا فيما معنى الحديث)
فاالله الله بالصبر والثبات وعدم الجزع وبالنسبه لارسال مشرفي المنتدى لرابط المنتدى الجديد من الممكن انهم ارسلو ولكن ايميلي لي فتره طويله جدا لا ارتاده ويمكن يبغى له تعريف راح اسوي ايميل جديد واسجل الدخول فيه باذن الله.
اختي نادره كيف الاحوال ان شاء الله تودعين الكأبه والحزن باذن الله وماألمومك في اللي يجيك لان اللي فينا شي مو هين لاننا نشوف الموت لكن مانذوقه وهذا اللي مخلي الحاله صعبه شوي وان الحمد لله الفتره هذه احس احسن الفترات اللي مرت بي ولله الحمد الواحد لازم يحمد الله ويشكره على الزين والشين وعسى الله ينزل على المبتلى من امته الفرج القريب وانصحك اختي نادره با الانشغال بالدوام وعدم التفكير بالامور السيئه والله العظيم يااخواني واخواتي ان نص العلاج ابعاد الافكار السيئه عن بالك عن تجربتي الشخصيه ففي الماضي كنت استرسل مع افكاري المشؤمه وكانت الحاله ماتقصر تجيني طيران وبعد مامليت من كثر ماتجيني حسيت ان اللي فيني اوهام وخزعبلات وكنت اقول لو انه الموت مايصير فيني قوه للنحشه والاستنجاد بالغير
(طبعا انتم ابخص اذا جت الحاله ودك تهرب لمكان اللي يعطيك الامان او شخص عزيز عليك يساعدك ويخفف عليك) والموت الحقيقي تخور القوى ولاتستطيع انك حتى تتكلم وانك تشوف ملك الموت قدامك طبعا اتبعت هذه السياسه وقلت ان كان الموت الحقيقي بشوف الحق وخلاص وعلى كذا بديت اتحسن شوي شوي الى اني الحمد لله حسيت اني الان سويت انجاز عظيم واذا جتني افكار شينه بمرض او شي احاول اشغل نفسي بشي واقول الحمد لله انا الان بصحه وعافيه لكن المكتوب صاير وارمي حمولي على الله هو ارحم بي من نفسي وانا نقلت لكم تجربتي عسى ان تستفيدون منها واسأل الله مثلما انزل لباس العافيه على نبيه ايوب ان ينزله علي وعلى ابني وعليكم وعلى مرضى المسلمين اجمعين
آمـــــــــــــــــــــــــــــــــــين يارب العالمين
واتمنى منكم التواصل المستمر وعدم الغياب لنواسي بعضنا بعضا شاكره لكم