|
الى نفسي والى من يهمه الامر
السلام عليكم ورحمة الله وبركاته
اول شئ احب اشكر القائمين على المنتدى وبصراحه انا تردت اني اشارك بس في الاخير وبسبب الضغوط الي اعانيها حبيت استشيركم
وأسألكم ليه الدنيا صار مالها طعم وليش كل ما تقابل احد تحس انك ما ودك تشوفه ولا تتعرف عليه
ليه زمان كنت احب كل الناس والحين ما اطيق اسمع صوت احد
اعرف ان طيبتي ذبحتني وخلت كل الناس يستغلوني لدرجة انهم ما يفكرون بالي اعانيه من الم وحزن ولا يقدرون الظروف اهم شئ عندهم شغلهم ينتهي او البي طلباتهم وياويل لو تأخرت عليهم اكون مقصره بعملي وغير مسوؤلة ومهمله
ترى والله اني اشيل عمل اكبر من اي شخص في ميدان العمل وما القى اي تقدير لا تقولون وش الي مجبرك الي مجبرني ان كل ما طلبوا مني شئ قالو مالها الا انتي وماراح نلقى غيرك وانتي اكيد ماراح تخذلينا
لين ما كرهت نفسي وجاني اكتئاب وكرهت العمل وصار لي غايبه ثلاثة ايام وما ودي اروح
وترى من طبعي ما افشل اي احد يطلب مني اي طلب خاصة لو ذا الشخص قريب لنفسي واعزه او احبه ورئيستي بالعمل لمست النقطه ذي فيني وتقربت لي بشكل فرضت نفسها حتى في بيتي وساعات تخليني اداوم حتى لو انا مريضه بحجة انها ما تستغني عني
وبالطبع حاولت اهرب واطلب نقل لكنها رفضت رفض قاطع ومافيه جدال
المهم ذي مشكلتي ابي حل لها نسيت اقول اني احزن على نفسي لدرجة البكاء لوحدي
وشكرا على تواصلكم .
|