حياتي كلها لله

بيانات اضافيه [ + ]

رقم العضوية : 23348  تاريخ التسجيل :  03 2008  أخر زيارة : 21-10-2010 (02:17 PM)  المشاركات : 3,383 [ + ]  التقييم :  10

لوني المفضل : Cadetblue

الموت حق اللي يخاف يدخل

انا راح افتح قلبي واتكلم عن معانتي وابي من اي عضو
يخاف من الموت يكتب مشكلته وش اسبابها ومن كم سنه
وهل تحسنت بالعلاج او ماتغير شي انا مشكلتي بدت من وانا
عمري 15 سنه كانت خفيفه بالمره وتجيني الاعراض مره او
او مرتين بالسنه يعني مو مأثره على نشاطتي اليوميه وشوي
اكبر وتكبر معاي معانتي انا قبل ماكنت مهتمه لانها في نظري
حاله طبيعيه واستمريت سنتين وانا عايشه حياتي بدون مشاكل
صرت بصف ثاني ثانوي فجاءه من غير مقدمات وانابنام للمدرسه
جاتني اعراض خفقان بقلبي واحس اني بموت وريقي صار ناشف
واطرافي بارده وارجف من الخوف وعلى طول امشي
في البيت مااحب اقعد بمكان واذا جلست تجيني صرخات
داخليه اتحمل شوي وعلى طول اصرخ احس الصرخه من قوتها
ماكأنها تطلع مني وضليت ليلي مع الخوف الصباح طلعت المستشفى وكل شي سليم تخطيطات ومغذي وووووالخ
ماصدقت حالتي سيئه رحت العصر ونفس الكلام قلت في نفسي بدايه جنون اللي فيني وضليت اسبوع على هالحال مااذوق شي ونومي ساعه او ساعتين وعلى طول ابكي واخاف
من اللي حولي رحت مشايخ وكل واحد طلع فيني عله خفيه
استمريت شهور على هالحال بس الموت على طول ببالي
ومن شيخ لشيخ والطبيب النفسي رحته مره وحده وحسيت نفسي مجنونه ومن جيت البيت وانا اصرخ واستمريت من بيت راقي
الى اخر طبعا السياره اذا ركبتها على طول اصرخ ونومي قلق
وافزع كثير وعقب ثلاث سنوات قالت لي وحده اتعالج نفسيا
وبقناعه رحت وللاسف سنه كامله ماتحسن شي
نمت اسبوع في المستشفى وعلى طول يعطوني ابر
وعلاجات لاني ناأنام واذا نمت اصرخ واخاف ودايم خاطري
اهرب من الموت الى وين ماادري
طبعا نسيت اذكر اني تركت دراستي مااقدر ادوام
اذا طلعت مكان على طول احس اني بموت او التقيت
بمجتمع كبير او اذا جاني النوم وهالكلام من عشر سنوات
والى الان اعاني من الخوف من الموت ومااطلع ولو طلعت
اندم واتحسر على حالي من كثر الخوف
عقب هالقصه الطويله حابه اتعرف على احوالكم
ومن مثلي يخاف من الموت
لاتفكرون خاطري اشمت فيكم او تطفل فيني لابس
والله خاطري اتصبر احس في احد يعاني مو بس انا
الله يصبرنا على طاعته

المصدر: نفساني