نفساني - عرض مشاركة واحدة

14-09-2009, 11:53 PM

غيابك آه لو تدري بحالي في غيابك
التهت فيني جروحي والعروق اضحت ضمايا
في غيابك لهفتي ماعاد يرويها سحابك
من رحلت اشقيت روحي وما بقى فيني بقايا

قفت بك الدنيا ولا أدري على وين ..&.. وفيني بعد ماغبت الايام بارت
كلن توسع خاطره دمعة العين ..&.. وانا دموعي داخل العين حارت
لا عتني الفرقا على بعد غالين ..&.. ياشينها الايام لاقفت وجارت

أبطا وخلى سؤال يلهث بصدري
مدري يصون الغلا مدري هو يخونه

ويوم إني أسج بين أدري وما أدري
جا عقب البطا يسأل مكاني إشلونه

قلت انت مكانك هنا وأشرت ع صدري
وقال وانت مكانك هنا وأشر على عيونه

إشتقتلك يا بعد غالي بالحيل
ومن العنا كثرت أحزاني
القلب ميّل عليكم ميل
روّح عليكم و خلاني
أخاف وقتي يجي به ميل
و تصعب مواصيل خلاني

ياللي مفارق يشهد الله فقدناك
تعال باسم الحب جرحي خطيري
أنا غريق بالهوى هات يمناك
في زحمة أمواجك تعذر مسيري
مشتاق بالحيل يا كود فرقاك
عن ذكريات الحب وين العشيري
أرفق بقلب تالي الليل ناداك
وقتي حداني في هواك استخيري

لا تغرك الدنيا وتخدعك الأيام
دنيا تدور وكلها للزوالي
اليا صفتلك عام ما تصفى اعوام
دايم تبدل كل يوم بحالي
بقلوبنا كم حطمت حلو الأحلام
وانهد صرح بأول الوقت عالي
للموت دربٍ تسلكه كل الأقدام
ولا حد درى عن غيب سود الليالي

ماهو بكيفك تذكرني وتنساني
أشوف لاضاق صدرك جيت تشكيني
تجي أيام كلك دمع وتعاني
وأيام تنساني ولاتسأل أبدا فيني
لاتقول وينك تدري وين تلقاني
على غيري أكذب تعذر يابعد عيني
اللي يبيني على دربك يلاقيني

سلام جرح أغلى الأماكن والاطلال
والدرب ذاك اللي لبيتك مشيته
سلام جرح الغدر وأوهام الآمال
وانقاض حلم ليتني ما بنيته
مدري بقى لي معك شي على البال
ولا على ما قيل ليل وسريته؟!!
تبي الصراحة... ولا ما هيب تنقال
الكلمة اللي في ثرى الصمت ميته!!

منقول