أحاسيس طفله

بيانات اضافيه [ + ]

رقم العضوية : 30429  تاريخ التسجيل :  05 2010  أخر زيارة : 28-05-2011 (10:10 PM)  المشاركات : 121 [ + ]  التقييم :  10

لوني المفضل : Cadetblue

السلام عليكم ورحمة الله وبركاته

بقولكم قصتي ...

كان يا مكان في قديم الزمان قبل سنتين تقريبا >>> هههههههه وه بس يا جدتي

كنت أساعد الوالده في المطبخ فجأه حسيت بشيء غريب حسيت بحراره غريبه في رجولي واختناق سرت أمشي ورا الوالد أقولها حاسه بحاجه غريبه ... طنشتني ..وقفت ابكي بقوه وبصوت جاتني اختي اللي اصغر مني وسألتني ايش فيكي قلت لها ماأدري صرت أبكي أكثرما كنت عارفه ايش اقولهم حاسه إني حموت خلاص ....وأخذتني لغرفه وشغلت التلفزيون وعلى قناة مجد القران" تجلسني وأنا أطلع من الغرفه وترجعني للغرفه.. راحت أختي الصغيره كان عمرها تقريبا 3سنين راحت تنادي بابا يا بابا أختي كبت على نفسها مويه حاره وهي تبكي دحين ..جااا بابتي وسألني ايش فيكي قلتلو ما أدري حاسه بحاجه تخنقني قالي نامي قلت ليش انتا تبغاني أموت يا بابا ؟؟؟؟ قال لا يا بنتي انا ابغاكي ترتاحي بس انتي باين عليكي تعبانه .... قلتلو لا يا بابا انا بروح للحرم وكنت وقتها بقول في نفسي لو مت حموت في الحرم ... رحنا للحرم وكان اليوم هادا صب فيه مطر وساحه الحرم مليانه موية المطر وأنا مع ماما وبابا وأختي الصغيره اللي أصرت تروح معانا وصلنا للحرم وكانت الساعه عشره تذكرت صلاة العشا وكنت ما صليتها دخلت صليت العشا وركعتين بعدها ..صليت وانا ارتجف وجلست بعدها ادعي" يارب اشفيني" ... وبعدها قمت وشربت موية زمزم وخرجت من الحرم خفت النوبه بدرجه بسيطه رجعنا ركبنا السياره .. وبابا قال لأختي الصغيره أدعي لأختك الكبيره راحت قالت بكل برائه وهيا رافعه يدها " يارب ينزل مطر" انا مع الخوف اللي فيني خلتني اضحك مشينا ورجعت النوبه مره تانيه قلت لبابا يا بابا بروح المستشفى .. رفض

رجعنا البيت وانا داخله سميت بالرحمن وبعدين دخلت لقيت كل اللي في البيت يستنوني وأخواتي اللي أصغر مني يبكو .. أخدني بابا للغرفه وقرا عليا وقرا لي في موية زمزم وقال اشربيها كل ما حسيتي بتعب .. بعدها راحت النوبه ..ورجعت بعد يومين
قريت على نفسي وصرت أشغل نفسي وراحت ..بعدها بأسبوع سافر باباتي .. رجعت النوبه وكانت اقوى من أول بكيت وأخدني اخويا الكبير بسيارتو يمشيني وصرت بعدها كل ما تجيني النوبه اخرج من البيت أتمشى أروح المكتبه أي مكان ... وإذا ما عدي احد يخرجني ارسم اكتب اي حاجه تشغلني عن النوبه بس بعدها ما عرفت شيء اسمو نوبة والأحلى من كدا اني تبت وبعدها بسنه رجعت النوبه ما كنت اقدر انام الليل من الخوف رحت فتحت الجهاز قلت في نفسي.. اكتب اعراض الحاله اللي فيني لين رمتني أمواج الى المنتدى الغالي وعرفت انو اللي فيني نوبه هلع بس الحمد لله حياتي احسن مع العلاج السلوكي