نفساني - عرض مشاركة واحدة

25-08-2010, 10:48 AM

السلام عليكم ورحمة الله وبركاته ....

إختي الكريمة إنتي صار لك 5 سنوات بمشاكل نفسية وسنتين هلع لو فيك شئ حقيقي كان ماكتفى بالألم يعني مرض القلب ماتعالجه أدوية الاكتئاب كان حصل تطورات الله يجيرك ويحفظك منها تبين ويعرفونها الاطباء . اللي عندك فكرة وخيال هو سبب مشاكلك وهذا هو الهلع عبارة عن أفكار سلبية وتضخيمها من خلال الخيال وشوفي عاد وين يشطح وينطح يمر فيك على كل الأمراض أو يسجنك فترة في مرض معين ويخليه هاجسك الوحيد اللي تفكرين فيه طول اليوم وممكن يحسسك بأعراضه وهذا كله لأن المخ هو عش الأفكار وهو اللي يحرك جسمك كله ويرسل الاشارات والاوامر الى كل عضو من اعضاء جسمك فاذا صار عندك فكرة مرض القلب المخ بيعطي اشارات وهمية تسبب لك الآلام في المنطقة اللي انتي موسوسة فيها وهي في الحقيقة ناتجة من العضلات والاعصاب المشدودة من التوتر والقلق وأنا بنفسي زبون دائم للطوارئ وما اقدر احسب كم مرة سويت تخطيط وقياس ضغط وباقي الفحوصات الخاصة بالقلب والتحاليل والاشعات مشوار سنتين من االوسواس والهم تعكرت حياتي وتجمدت طموحاتي وصار وقتي كله عيادات وأطباء وأدوية والسبب فكرة والفكرة مايعرف لها إلا فكرة مثلها تحاربها الفكرة
السلبية حطي لها فكرة ايجابية من جنسها يعني مثل الكلمة اللي قلتها لك في أول الكلام إذا جاء لك وسواس القلب وأمراضه وآلامه على طول قولي أنا من سنتين تعبانه أنا لو فيني القلب ولا غيره كان صبر علي هالمدة كلها
ولا صار لي شئ حقيقي وتطور مع الوقت خصوصا من غير علاج أنا جربت هالحركة وجابت نتيجة باكثر الاوقات تندحر الفكرة ويحاول الهلع يرسل فكرة ثانية بمرض ثاني وواجهيه بنفس الفكرة وثالثة ورابعة لما انتي تنهكين الهلع ويمل منك .

تحياتي...... .