نفساني - عرض مشاركة واحدة

16-12-2010, 12:13 PM

ماتشوفين شر ان شاء الله اختى ومسالتج جدا بسيطه بس وايد اخطاء سويتيها ومو عن قصدطبعا اولا ان الكل عرف وانتى ادرى الناس ان نظرت الكويت بالنسبه لكلمه الطب النفسى يعنى مجنون وهالشئ خطا طبعا
عموما الى حصل حصل وماراح نرجع للماضى اولا اختى انتى ماسمعتج قلتى انا تعالجت سلوكى والعلاج السلوكى هو الجلسات مع الطبيب النفسى بدون علاج هالشى ماشفتج قلتيه اختى ليان انتى الحين راح منج كل شى الزوج والحبيب والدراسه والسمعه مابقى شى لج كلش ويائسه وشايفه الدنيا سوده الخ الخ الخ
شفتى بعد كل الى فيج والله يا اختى اقولج ان كل الى فيج هذا ولا شى بالنسبه للى صار فينى وصار حق اعضاء غيرج انا اختى دمرت حياتى انتى بنت لما تقعدين فالبيت عادى طبيعتكم هذى بس تخيلى رجل كله فالبيت هنيه المشكله
فى مثل اعلامي يقول
الخبر ليس أن كلب عض رجل ولاكن الخبر هو رجل عض كلب
معنى ان انتو عادى القعدت فالبيت بس احنا لالالالالالا مشكله مو للناس بالنسبه لاهلنا زوجتى اختى امى اخوانى كل هالناس راح يشوفونى بنظره ثانيه
الى احب اوصله لج ان مسالتج بسيطه جدا بس يبيلها اراده انا بعد الى صارلى الحمدالله يارب بفضل الله انا الحين بافضل حالاتى وعلى فكره بدوووووووون ادويه صحيح انى شفت ايام سوده بس استحملت وقلت ماراح اخذ ادويه مع انه كثير من الاخوان هنيه قالولى لازم علاج وقلت لا
صدقينى اختى وباذن الله ان كل الى راح منج راح يرجع زوجج وحبيبج راح يندم انه تركج وانفصل عنج وحمدى ربج انج انفلصتى عنه رجل مع اول مشكله تصادفج يتخلى عنج بهالسهوله ثقى تماما ان الله يحبج ان انفصلتو لانه شخص مايعتمد عليه بالمواقف واختار القرار السهل وقال اشوف غيرها مع انج قلتى انه يحبج بجنون حمدى ربج اختى انج تركتيه هذا ماكان يحبج
وعسى ان تكرهو شئ وهو خير لكم
والله يا اختى الكل راح يندم راح ترجعين لدراستج وراح تدرسين الى الدكتوراة باذن الله وكل الى قال عنج كلمه راح يندم عليها وراح تتزوجين ويصير عندج عيال وبتعيشين حياتج باروع مايكون باذن الله
بس الاراده يبيلج اراده
تبين تتشافين تبين الحياة ترجع مثل الاول انا مستعد ابدى معاج الخطوات الصحيحه لطريق العلاج
انا منتظر ردج اختى ولاتخافين احنا معاج بكل وقت موفقه باذن الله