|
عطونا تجاربكم..(ابو فارس/ام احمد/يارب افرجها/مخاوي الاكتئاب ...والى باقي الاعضاء
اول شي السلام عليكم
ثاني شي انا سبق وكتبت مشكلتي واني اكل العلاج من 10 سنوات طبعا مافية دوا معين كنت سيروكسات بعدين تركتة عشان يزيد الوزن وبعدين انتقلت لسبرام وانفرانيل
بس ماكنت استخدمة بشكل منتظم فأنتكست حالتي ماعرف هو انتكاسة او عين طبعا انا ماوسوس بالعين بس احيانا الشخص يشك .. بعد الانتكاسة عشات اسبوع مؤلم جدا اخذت اثر من الي انا شاكة منهم وبديت اكل سيروكسات لي اسبوع والحمدلله بدات الحالة تتحسن وكنت اخضع للجلسات السلوكية عشان نوبة الهلع وكان مصاحبها وسواس قهري المهم بعد تحسني ولله الحمد استفدت من الجلسات من ناحية الوسواس القهري الهلع مازال تركت الجلسات ومرت سنوات الجامعة بعد فترة تركت سيروكسات بنص الجامعة وابتديت بافكسر وديباكين لان السيروكسات جدا زاد وزني
بروزاك ماستفدت منة فاكلت افكسور وديباكين والحمدلله بدات بالتحسن قبل فترة درجت جرعة الافكسر وكنت اكل باليوم جرعة 150 بس اخلية على فترتين يعني حبة 75المغرب وحبة 75 بليل وديباكين حبة 500 كرونو واموري نوعا ما متحسنة ماقول تحسن تحسن بس احسن من اول الحمدلله بعد فترة بدا الدكتور بتدريج علاج الافكسور من 150 الى 75 وانتكست حالتي وتعبت ولي شهر ونص راجعة لجرعة 150 وعطاني معاة زي المهدئ مع ذلك مازلت تعبانةة انا هذا الي مخوفني اكل اكل علاج وتعبانة ..
بتقولون ليش ماتسوين جلسات نفسية مع الدواء لان حضرت اغلب الجلسات النفسية بالتدريب واعرف وش بيقولون اعرف اني غلطانة المفروض انا بنفسي اروح لها وانتظم فيها لانها تفيد زيها زي الدوا مشكلتي ما اؤؤمن الا بالدواء وانا اعترف ان هذا الشي سلبي فيني ... الدكتور الثلاثا الي راح عطاني موعد بعد شهر وانا هالايام تعبانة فية بنفس المركز دكتور ثاني حجزت عندة موعد اليوم على مايجي دكتوري .. انا تجربتي بمواجهتي للضضيق والقلق مثلااذا جاني احاول مافكر فية اقرا كتاب مثلا وهو فيني
بس اتاألم احس ماركز وانا اقرا احس كل شي قدامي اشوفة بحزن فهمتوا علي ..
احاول اتماسك واقول لاتفكرين بأفكار سلبية اشغلي روحك اشوف نفسي اضعف واروح واقعد ابكي بالسرير لان مابي امي تشوفني بهالحالة لانها حساسة ...احاول اتماسك
بس احيانا احس بنهار احاول اطنش الضيق بس احيانا يألمني مرة لدرجة اخاف اني ماصيطر على نفسي او اخاف اضر نفسي .. للعلم اني اشغل روحي يعني ادرس اخوي
اشوف فلم مثلا اقرا كتاب احبة .. بس اذا جاني الضيق احس مالي خلق شي ومالي نفس شي ..انا بقولكم المشاعر الي احسها انتم علموني اذا جتكم كيف تتعاملون معها
عشان نستفيد من بعض ..
1-غثيان
2-احس اني بفقد السيطرة على نفسي
3-اخاف اضر نفسي
4-احس بضيق على صدري مع غصة (رغبة بالبكاء)
5مغص بالمعدة
6-احس احيانا اني بحلم
7-اخاف يجيني جنون
8-احس بخوف خوف خوف خوف بداخلي
طبعا كل هالاعراض من دون سبب يعني احس فيها بدوون اي سبب
فحصت الغدة الدرقية والحمدلله سليمة يعني السبب نفسي
هذي تجربتي والله يصبرني واحاول اتماسك ان شاء الله
عطوني تجاربكم
|