ابوعمار15

بيانات اضافيه [ + ]

رقم العضوية : 33377  تاريخ التسجيل :  02 2011  أخر زيارة : 23-12-2020 (07:29 PM)  المشاركات : 15 [ + ]  التقييم :  10

لوني المفضل : Cadetblue

ابشروا اخوانى واخواتى

السلام عليكم ورحمة الله وبركاته

ده اول موضوع لى فى المنتدى ، انا شاب عمرى 30 سنه عندى طبعا نوبات هلع او panic attack الموضوع بدأ معايا وانا عندى 25 سنه وطبعا زى ما كلكم عارفين الاعراض واللى بيحصل فيها والتعب اللى بنعانيه كلنا الحمدلله

واحب ابشركم جميعا انى الحمدلله خفيت بنسبة 90 % تقريبا من غير اى علاج والتعب اللى بييجى بسيط لما بكون مضايق اوى من حاجه حصلت لى او لحد عزيز عليا والفضل بعد الله سبحانه وتعالى للموقع الجميل ده

انا لما دخلت على الموقع من تقريبا 3 شهور لقيت ان فى ناس كتير اوى تعبانين ونفس الاعراض اللى بتحصل لى عندهم استغربت جدا لانى كنت فاكر ان ده بيحصل لى لوحدى ، والحمدلله من وقتها بدأت ابص للموضوع من ناحيه تانيه خالص انا لو هاموت _ بعد الشر _ التعب ده مش هو هايكون سبب موتى وحتى لو مت انا الحمدلله مسلم و موحد وعقيدتى قويه وبتوب من الذنوب قدر المستطاع فايه اللى هايخلى ربنا سبحانه وتعالى الرحيم يعذبنى ، " بسم الله الرحمن الرحيم " مايفعل الله بعذابكم ان شكرتم وآمنتم " وسبحان الله اول ما تفكيرى بدأ يروح لكده الموضوع هدى جدا بنسبه كبيره وبدل ما كنت كل يوم بكون تعبان بدأ يكون يوم فى الاسبوع او يومين متفرقين وتعب اقل لحد الحمدلله هدى كتييييييييير عن الاول ، واللى لاحظته ان انا بتعب لما بعمل ذنب فبحاول على قدر الامكان انى ارضى ربنا وابعد عن الذنوب ونقط الضعف بتاعتى اللى انا عارفها .

نصيحتى لكم كلكم اهدوا وفكروا بعقلكم وناقشوا نفسكم انا تعبان ليه والحاله دى بتجيلى ليه وكل واحد عارف نفسه وعارف هو بيتعب ليه وايه اكتر حاجه بتتعبه ... ربنا يشفينا جميعا

السلام عليكم

المصدر: نفساني