نفساني - عرض مشاركة واحدة

23-11-2001, 10:19 PM

مرحبا،،،
شوف ياشراني بالنسبه لنظرة الناس العاديين واللي تعليمهم عادي واللي منصبغين بصبغه عربيه سعوديه بحته راح ينظرون لهذا التوكيدي على انه عدواني،،،،
اما الناس الفاهمه والمتعلمه والواعيه راح يحبون هذا الشخص واذا ماكانوا توكيديين راح يسعون حتى يصيروا بهذا الشكل،،،لان التوكيدي انسان راقي.
بالنسبه للسؤال عن مجتمعه غير مهم لان المهم هنا هو الشخص ذاته.
وطبعا هو لما يكون توكيدي راح يظهرهذا للجميع،،،،والطرق واضحه.
طبعا بالنسبه لنا درسنا التوكيديه في كذا ماده(اعتقد انها ثلاث مواد)ممكن يكون هذا السبب اللي سهل علينا الاتصاف بالتوكيديه،،،لكن في حاجه مهمه وهي الرغبه يعني (مثلا فيه بعض صديقاتي مابين عليهم التوكيديه لانهم مايبون يتصفون بها لسبب ما يمكن لانهم يستصعبون الامر)
وترى السالفه مو صعبه ،،، مثلا اهلي شرحت لهم التوكيديه واهميتها اختي الكبيره واخوي اللي اصغر مني تفاعلوا معي وصاروا مهتمين وبسرعه استوعبوا وحاولوا يكونون بهذا الشكل .
اما الاشخاص اللي ما عندهم اشخاص يعلمونهم فيه كتب تشرح هذا الشيء وهي كتب حلوه وواضحه،،،،،اذا تبي اعطيك اسم كتاب عطني خبر.
شوف شراني التوكيديه حاجه من الحياه وحاجه فينا نقدرنفهمها بسهوله،،،ماهي حاجه معقده.
في شيء فاتني اقوله وهو ان التوكيديه درجات،،توكيد عالي جدا،،،وتوكيد متوسط(وفي رايي ان هذي الدرجه انسب لنا) وتوكيد منخفض.
شراني عندي اساله لكن راح اسألك سوال واحد بس اذا ممكن تجاوبني عليه وذاماتبي براحتك،،،وش هو مستوى تعليمك ونوعه؟؟
وبعدين تراك ماقلت لي وش الهدف من اسألتك في المقال الاخر.