الخط مشغول

بيانات اضافيه [ + ]

رقم العضوية : 36207  تاريخ التسجيل :  11 2011  أخر زيارة : 30-07-2012 (01:25 PM)  المشاركات : 3 [ + ]  التقييم :  10

لوني المفضل : Cadetblue

علاقتي مع زوجتي

السلام عليكم ورحمه الله

اخواني عندي مشكلة و حاب اعرف الحل المناسب لها ...


انا تزوجت من حوالي 8 شهور وبعد الزواج باسبوع سافرت لاني عندي ابتعاث لامريكا ..

المهم .. اول اسبوع من زواجنا كويس الحمد لله .. بعد الاسبوع الاول ضهرت مشاكل من كل مكان ...
بداءات زوجتي بأثارت المشاكل من جهه
لدرجه اصبحنا بعد الاسبوع الثالث من الزواج ( كل واحد منا ينام في غرفه ) من كثره المشاكل السخيفه اللي مالها اي معنى مثلا نمشي في الشارع و مسكت يدهاو حاولت اني ابعدها اقول ذا المكان مو زين باسلوب زين ... تروح تنفخ وترد باسلوب مو زين .. وبكل صراحة انا اتحمل كل شي الا قله الادب فتلقائيا ارد عليها فتكبر المشكله فما نكلم بعض الا بعد اسبوع او 5 ايام وبعدها تجي تتعتذر ...

وبعد كذا بداءت تبعد عن العلاقه الزوجيه اللي بين الزوجين ( الحميميه ) حتى القبله ...

وصارت المشاكل تكثر و تكثر . انا كل فتره اجلس معها جلسه صراحة و احاول اني احل شي من هالمشاكل او اننا نوصل لحل بعقل او حكمه و اعلمك ان بعض الامور ما تسوى ..
لكن لها الان 3 الي 4 مرات تطلب الطلاق و تقعد تبكي و تقول انا ابي اريحك انا ما استاهلك .. و تحلف دائما و تقول انا احبك بس انا مدري ليش اسوي كذا

حاولت اخليها تغير جو في امريكا ( طلعات و تمشيات اسبوعيا لكل مكان في امريكا علشان تنبسط و تبعد فكره الطلاق) ترتاح يوم لكن بدون اي علاقات حميميه و بعدها ترجع لنفس الموال

قلت راح ارجعها للسعوديه يمكن تتغير نفسيتها رجعتها بعد 3 شهور من الصبر على كل شي .. ورجعت و اقتنعت لكن قبلها عطتني كذبه كبيره ( قالت انها تشوف حلم يقول لها لا تنامين مع زوجك ) مع احترامي الشديد عرفت السالفه فيها تصريف ...

رجعت و كلمت امها وشرحت لها كل شي بعد ما عجزت معها .. امها حاولت حاولت تمسك البنت و تقول لها اذا ما تبينه خليها يروح في حاله تقول لا ابيه ... يوم رجعت تجلس احيانا اسبوع او 10 ايام بدون اتصال بس ترسل مسج تقول مقدر اكلمك ...

رجعت انا للسعوديه قبل شهرين وصلت للرياض لا اتصلت و لا قالت الحمد على السلامه ارسلت رساله بس ..... بصراحه شي يقهر وكان لها حوالي 12 يوم ما كلمت

و اكلمها في الليل بالغصب و قالت طلقني ... قلت او كيه بس احلفي بالله انك ما تبيني قالت ما راح احلف ... حاولت اذكرها بالايام اللي راحت ..... الخ و اعطيها من الكلام الزين انك حبيتي و انك دائما تقولين كذا وكذا تقول انا ما استاهلك .....


المهم رجعت لامريكا وما شفت زوجتي الا مرتين ... اصدقاي شفتهم اكثر من 10 مرااات و وزوجتي ما شفتها الا مرتين و بالغصب ...

وقلت الهدايا تغيير النفوس و تهديها و شريت هديه و جبتها.. تتغير يوم و بعدها نرجع لنفس موانا ...

حتي امها المسكينه دائما تتعتذر لي حتي انا رحمت امها ...

اقنعت زوجتي بفكره طبيب نفسي ممكن الحل .. وقلت ممكن انا اروح لو تبيني .. ممكن المشكله مني مو منك ... وصارت بعد عناء و مشقه تكلم دكتور نفسي لكن الحال كل ماله يزدد سواء

الان ان في امريكا و لي حوالي الثلاين يوم و لا اتصال و لا اي شي بس ترسل مسج كل اربع ايام و تقول وش اخبارك ..تقول مقدر اتصل .... مره تعبانه ومره مدري ايش.....

و يوم حولت اغصبها على الكلام قالت انا مقدر اكلمك علشان اني اتقرف و اكره الجنس .......؟؟؟؟؟؟؟



وش الحل ... هل الحل في الطلاق ؟.؟

المصدر: نفساني