|
أعاني من مرض عضوي + الخوف
السلام عليكم ورحمة الله
قبل الكلام أتمنى واحد مختص يبتدي معاي لأني فعلاً أحتاج نصيحة قبل ماأتدهور أكثر
مو عارفة كيف أبتدي بس
بأعرفكم بنفسي
أنا عمري 32 سنة خريجة بكالريوس تربوي وعندي خبرات عمل كمعلمة
كنت متفوقة في دراستي كثير وتفوقت لما أستلمت التعليم لفترات مقطوعة وتميزت
لكن الآن كنت بصدد وظيفة ولكن تراجعت بعد حالتي اللي بأكتبها لكم تحت
نقطة التحول من 14 سنة أتخرجت من الثانوي وببداية أول يوم دوام ماقدرت أدخل الكلية كان السبت اللي يوم الخميس قبله حضرنا زواج وأغمي علي فيه
أغمى علي عند باب الكلية بعد في أقل من 48 ساعة مرتين إغماء
لفيت لفة طويلة على الشيوخ والأطباء ومابقيت ولا شيء
بالأخير بعد سنتين إلا شوي قرروا لي الأطباء مرض اسمه الوهن العضلي Myasthenia gravis
ياليت تقرون عنه هنا أو بقوقل
كود:
http://knol.google.com/k/%D9%85%D8%B1%D8%B6-%D8%A7%D9%84%D9%88%D9%87%D9%86-%D8%A7%D9%84%D8%B9%D8%B6%D9%84%D9%8A-myasthenia-gravis#
مع هذا أنا درست وأتخرجت وصار عندي بكالريوس تربوي
المهم هذا المرض يسبب ثقل بالعضل كله بالجسم حتى جفن العين
تقريباً أنا بخير وماعندي مشاكل كثير مثل المرضى للهم لك الحمد والله يديمها نعم ويحفظها من الزوال
والعلاج اللي بنآخذه عبارة عن بنزين يمشي الجسم وقت الضرورة مو علاج كعلاج لأن المرض نادر وماله علاج شافي
هذا المرض مع تجربتي وكلام المرضى عنه عدوه الخوف لما نخاف الرجفة اللي تجي تسبب شلل أكثر وأكبر
طوال السنوات وأنا تمام ماعندي مشاكل تذكر حتى ماجاتني نكسة قوية إلا مرة كان سببها نفسي وهي زعل كبير كتمته كتمته وأنفجرت بنكسة أجلستني بالمستشفى أسبوع وتعافيت
أهلي واللي حولي مقتنعين إنها عين صابني بعد الزواج وصادفت التفوق والكلية وووو
لكن بداخلي حبيت أصدق إنه مرض عضوي عشان ماأتعب وماأتعلق بوهم ومشايخ متشيخة !!
قبل أطلع مشوار أخذ حبة وأطلع
أروح سوق
وأتمشى
وأقضي شغلاتي وحياتي مو ناقصها شيء ومو باين إني مريضة أصلاً لأن المرض مايبين بالشكل
من ثلاث سنوات زدت الحبة إلى ثنتين لما أطلع مكان برى البيت وأخذ العلبة معاي لو أحتجت << ماأرتاح نفسياً إلا وهي معاي
هنا بدت الحكاية بشويش
صرت أخاف حتى لما أكون أقدر أمشي لازم أخذ حبة !!!!!! ليه طيب ؟؟ أنا أقدر أمشي !!حاولت أقنع نفسي ومانفع
حاليا ومن أربع أشهر صار علينا حادث ماصار لنا شيء الحمد لله لكن ونحنا بنصدم في اللي أمامنا الخوف كله نزل بركبي
تشهدت وسألت عن اللي معاي وماكان فيني شيء
بس ماقدرت أنزل ومسكت حالي ونزلت وطلعت مع أخوي رجعنا البيت وماقدرت أنام
صرت ماأحب أطلع من البيت ليومنا هذا يمكن مرات قليلة طلعت عشان علاج أمي للسكر وبس
مارحت السوق ناقضني أغراض وماقدرت أروح خوووووف لما أسمع صوت السيارة برى قلبي يدق بسرعة
ولما أطلع أبلع حبوب كثيرة والحبوب الكثيرة تضرني تسبب إسهال وأنتم بكرامة
تسبب رد فعل عكسي للمرض ويزيد التعب !!
مع معرفتي لهالأمر لكن عجزت أبطلها
كنت أقدر أطوف وأسعى عادي
ماقدرت من شهر أطوف إلا بكرسي وغصبوني أهلي على مشوار مكة لأنهم شافوني متضايقة
كلهم سألوني وش صار فيك وماقدرتِ ؟؟
الصوت العالي يشلني
الصراخ يشلني
ماأحب حتى أمي تناديني صوتها وأنا تعبانة يشلني لولا خوفي من الله صرخت عليها لكن أكتم ماأبغاها تخاف علي أكثر من خوفها الحالي
لاحطوني الصغار أولاد أخوي كنت أطلع أمشي معاهم ونروح الملاهي وماأتعب ومارحت معاهم ولما أمشي شوي لبيتهم أتعب !!!!!!!!!
أنا متدينة وأعرف الله وأصلي ومنتظمة ع الأذكار
مرتاحة ببيتنا وأشتغل بالبيت وأطبخ وقايمة بأموري كلها ومحبوبة وإجتماعية
بشهادة الكل أنا ناجحة ومحط أنظار بكل مكان أكون فيه
أمي وأبوي كبار بالعمر معتمدين علي كلياً حتى أروح معاهم لمواعيدهم وأنظم أدويتهم
صرت أخاف لما يطلبون مني طلب وماأنفذه أو أقول ماأقدر وأرتجف ويضيق تنفسي
أنشلل من الخوف
الخوف
الخوف الخوف الخوف
وبس
عارفة مشكلتي ومن لما لاحظت إني لازم أزيد الحبات بديت أطور نفسي وأكتب كلمات أيجابية وأشحن داخلي وأسوي إسترخاء وأهدي نفسي
لكن الآن مايفيد
عجزت أسيطر على نفسي
يمكن أنا شخصت حالتي
وحاولت أحلها وللحين ماشية على العلاج النفسي !! إن صح أنتم أهل الخبرة
أحاول أهدي نفسي وأطنش وأقرأ وووو
لكن بأقول لكم وش أحس
يدق قلبي بسرعة
أحس أحد يمسكني بقوة ويدفعني لتحت
تنفسي يضيق
أعرق بكفوفي
رجفة ومع الوهن يادوب أوقف !!! أو أطيح لما أطلع الدرج وأنا بهالحالة
المعالج اللي امي تجبرني أروح له وعشان خاطرها أروح
قال عين ثانية دخلت مع الأولى ومعاهم مس عاشقها ههههه وشغلات مرعبة كثير
أحتاج مشورتكم لأني أثق إن حتى الشيء الروحي علاجه نفسي
أكيد إني وصلت لحالة متطورة وأملي بربي أن يرفع عني ماأبتليت له
شكراً لكم
|