اوك راح اتكلم وياليت الاقي الحل عندكم بعد الله سبحانه وتعالى

انا بنت زي اي بنت امنياتي معروفه
حب واهتمام ومن هالكلام
اتأثر كثيراَ وحساسه لابعد حد
تعرفت على شاب في منتدى قبل سنتين تقريباَ
وقدر الله ان اقع في حبه
رغم اني لست حديثة عهد بالمنتديات وكم اقابل من الفئات
ولكن لم يشد انتباهي غير هذا الشخص رغم كل شي
وقعت في حبه وهو كذلك

بالبدايه العلاقه كانت عاديه اعجاب زي اي اعجاب
ولكن تطورت مره بعد مره
لان تواصلي معه صار اقوى من علاقة عضوه بشخص عادي
يعني توطدت العلاقه ع المسن وشوي شوي صار بيننا مكالمات جوال وشوي شوي
اضفته ع البلاك بيري

يعني دائما اشوفه كنت كثير احكي له مشاكلي وهو نفس الشي
ولا اخفيكم انه كان انسان بمعنى الكلمه

خوفه علي زاد من حبي له

بالنسبه لي كان هو اجمل شي كنت افرح لفرحه واحزن لحزنه
بمجرد سماعي انه مريض ابكي

كان يعرف عني كل شي واعرف عنه كل شي
وايضا شاف صورتي كم مره

انا ادري ان كل هالاشياء من بدايتها حرام
ولكن في ذاك الوقت كنت افكر بقلبي لا بعقلي

مرت الايام وحبي له يزيد واقسم لكم اني لم اعشق من قبل اي شخص
كعشقي له

وقدر الله وسافرت لقطر قبل شهرين انا واهلي واتفقت معاه اني اشوفه

ولاول مره اسوي مثل هالشي العظيم واقابله رغم انها مقابله وبفضل الله لم تتعدى الربع ساعه

ولم يكن فيها اي اعتدائات علي من اي ناحيه

وبفضل الله ان ربي ستر علي ولاني من عائله محافظه كنت معرضه نفسي للخطر اكثر

ولكن الحمدلله

كان وقتها يأنبني ضميري اني سويت شي حرام وشي شنيع
ولكن ماتلبث هذي الافكار الا ان تتبدد ويحل محلها سعاده ان اخيراَ
شفت هذا الانسان الي حبيته من اعماق قلبي
وتكلمت معاه وجهاَ لوجه

ورغم كل هالاشياء انا ادري ان مستحيل يكون هالشخص من نصيبي
رغم اني دائم ادعي ان ربي يكتبه لي زوج

ولكن الظروف والعادات والتقاليد تمنع زواجنا بشده

المهم
قبل شهر تقريباَ اخبرني انه مقبل ع الزواج
مااخفي عليكم حجم الألم الي حسيت فيه
لدرجة اني حسيت بإختناق بأنفاسي

ولكن انهيت علاقتنا بشكل نهائي من اجل ان يعيش حياته بإستقرار
رغم ان هالشي وابتعاده عني راح يألم قلبي كثير

وفعلاَ ابتعدت عن حياته حتى المنتدى الي كان يجمعنا طلعت منه

بس بعدها ماتتخيلون شلون كان حالي
اقسم بالله اني اصحى من النوم وانا حلمانه فيه وابكي
وكل ماتذكره ابكي
فقدته بشكل لايوصف

صوته وصورته والهدايا كلها تذكرني فيه
ساعدتني اختي شالت كل شي من عندي ومسحت كل صوره

بس انا مارضيت انساه وللليوم

كل مااجي اضحك احس بألم بدآخلي يزيد
الحياه ارتبطت عندي بهالانسان

اللحين صرت اشوفها سودآ
رغم النعم الي حولي ووجود اهلي والجميع بصحه وعافيه

الا اني ماقدرت اتخطى هالازمه

صار عندي ارتباط خوف بالمستقبل
لمن اجي اضحك دايركت يجي في بالي انوه ليه اضحك يمكن بكره افقد شخص ثاني

يمكن يصير لاهلي كذا او كذا

تبدآ عندي افكار الخوف

حتى الاماكن الي كنت ازورها وانا على علاقه بذاك الشخص لمن ازورها اللحين

يزيد الوجع ولا احس بالفرح اطلاقاَ

حاولت كثير اتغير وهالشي انعكس على صحتي وعلى علاقتي بلي حولي

ماقدرت

كل مره احس الذكريات تحاصرني والحزن يخيم علي
اتذكر اقترابه مني لمن قابلته وابكي وجع
اتذكر لمن صافح يدي وابكي الم

كل هالاشياء صارت تسبب لي الم

حماسي ومرحي السابق اختفى نهائي شلون ارجع زي ماكنت ماادري

مااحس بأي طعم لاي شي لمن اضحك اضحك كشكل بدون اي احساس بالفرح

لمن اتكلم او استنطع المرح تكون شكليه وليست واقع

احسساس اني وحيده يقتلني احساس غير طبيعي رغم وجود الجميع
بس ليه كنت احس بوجوده انه كل العالم بالنسبه لي

الا اللحين ورغم مرور شهر كامل وانا احس اني وحيدهـ
ماني متقبله اي شي

حتى فكرة الزواج صارت تألمني
شلون اتزوج بشخص ماراح يحبني مثل ذاك الشخص
شلون اعيش معاه سعيده
شلون احبه
وشلون وشلون
اشياء كثيره اجوبتها بمستحيل
يعني مستحيل احب ومستحيل انحب
مستحيل اعيش سعيده ومستحيل اتأقلم مع غيره

كل هالاشياء تحاصرني حتى الألم

والا ذا الوقت افتح ذاك المنتدى الي جمعنا وبدون تسجيل عضويه فقط اتصفح
ولمن اشوفه يعتصر قلبي انواع الالم

ابي اتخلص من كل هالاشياء
ساعدوني بليز

:(