|
الشفاء من الإكتآب بدون أدوية!!
بخبركم كيف تتشافوا من الإكتآب بدون أدوية!!
تريدوا الطريقة بالفعل؟؟
تريدوا أسهل طريقة ممكنة؟؟
هذي الطريقة :
قبل ما تنام كلم نفسك وقول أنا بنام ولما اقوم بيروح الإكتآب وكأنه ماصار ولا حدث وكل شي، ولما تقوم بترجع تعيش كأنك في الجنة!!
صدقتوا؟؟ اعتقد البعض بيجرب!!
اللي تضبط عنده يخبرني ويطلب مني أي شي بعطيه!!
ياناس يا اصحاب الإكتآب انا الوم الكثيير على معاناته وأقول انتم السبب في عدم شفائكم في كثير من الأحيان!!
اخطاء كبييييييييييره يرتكبها اصحاب الإكتآب وتخلي معاناتهم تطول وما يوصلوا للشفاء!!
البعض يقول بقاوم بنفسي وبتغلب عليه بنفسي ويستمر سنة أو اكثر وتضيع حياته من يده وهو مصر على موقفه انه اقوى من الإكتآب!! ، ، في أحد عنده مرض السكري ويقول بتغلب عليه بنفسي وبقدراتي وما بخذ الدواء؟!!
اثبتت الدراسات أن مرض الإكتآب هو مرض عضوي يصيب الدماغ ( خلل في كيمياء الدماغ يسبب الإكتآب وأعراضه) لكن البعض ما يصدق!! بس بيصدق انه فيه جان وغيره حتى لو فشل في علاجات القرآن والرقية!
والبعض بياخذ الدواء وقت يكون تعبان ولما يتحسن يتركه!! على باله بندول!! // الدواء النفسي لازم تواظب عليه وتاخذه يوميا وتتبع وصف الطبيب بالدقة وتستمر على الدواء وما تتركه إلا بإستشارة الطبيب لأن كثير من الادوية النفسية لازم تتركهن بالتدريج ما تقطعها مرة وحدة لأن يمكن تسبب اعراض خطيرة! // الأدوية النفسية تروح للدماغ ( لاتخافوا ماحد مات او صابه جنون من ادوية نفسيه ) والدماغ معقد ، احيانا يستجيب بسرعة وبعدين يتعود على الدواء وتحس ما كأنك تتناول دواء وبعدين ترجع تتحسن بعد فتره، واحيانا كثيرة ما تحس بتحسن إلا بعد فترة ( شهر او شهرين ) واحيانا تظهر اعراض جانبية في بداية العلاج وبعدين تختفي بعد مرور الايام.
والبعض بيجرب دواء واحد يمكن حتى اسبوع واحد وبيستسلم وبيرجع يعيش مع الإكتآب وكأنه عاجبه وضعه مع الإكتآب!! تدري كم عدد أصناف أدوية مضادات الإكتآب؟؟ تدري عدد خلطات أدويةالإكتآب؟؟ كثيرة ومن الصعب ما يضبط شي!
والبعض كل اسبوع بيغير دواء حتى يخلصهن كلهن ويطلع في النهاية بدون نتيجة ( كأنه يريد يركض حول الملعب بأسرع وقت  // حقيقة خليها ببالك ياللي تعاني من الإكتآب، أدوية الإكتآب تحتاج إلى صبر وتحمل وتاخذ وقت ، لاتحكم على الدواء بسرعة، اصبر على الدواء فترة ( نصيحتي شهرين ) وبعدين ناقش الطبيب، يمكن تكون الجرعة صغيرة! او يمكن تكون الجرعة كبيرة! بعد ما يتأكد الطبيب وانت ان الدواء غير مجدي جرب دواء ثاني، وبنفس الطريقة بالصبر وتعديل الجرعات بتوصل إلى الدواء المناسب بإذن الله،،
بالمناسبة،، اللي مجرد نفسيته تعبانه شوية وحاس بالضيق بس ممشي أموره وحياته تمشي عادي يعني عنده إكتآب بسيط، نصيحة لاتركض تروح تدور ادوية نفسية،، حاول الأمورالمعروفة مثل رياضة وتمشية وتغيير جو وقرآن وبتضبط امورك بإذن الله،،
الأدوية النفسية ((أحيانا)) من الصعب تتركهن،،
شدوا حيلكم واعملوا خطة للعلاج مع الدكتور وبتوصلوا للعلاج بإذن الله،، ( لكل داء دواء )
ملاحظة: الإكتآب يخليك يائس، بس لاتجلس تشوف نفسك بالمرآة وتقول ما مني فايدة ( مثلي خخخ) ، اسعى للعلاج ( بقرآن او رقية او دواء او سفر للمريخ لكن لا تجلس بدون خطة وبدون أمل وتنتظر الشفاء بمعجزة!
السموحة خدعتكم في البداية بس شو اسوي انقهرت من اخطاء اصحاب الإكتآب وخاطري الكل يتشافى ويتجنب الاخطاء الشائعة،،
انا عشت الإكتآب لدرجة إني بغيت انتحر لولا الإسلام حرم الإنتحار! لكن بعد اسبوع من استخدام الدواء ما فكرت في الإنتحار أبدا لأن صار عندي امل،
لازلت اعاني من اكتآب لكنه خفيف ومع الايام يقل بفضل الله ثم الدواء ( الأدوية من رحمة الله علينا )
بصراحة احب الناس اللي عندهم اكتآب أكثر من الناس الصاحين، لأنهم اصحاب انفس صافية وداخلهم طيب وصابرين على شي عظيم واذا عصبوا او اساؤا ما لأنهم يريدوا الإساءة لكن لأن المرض النفسي ضاغط عليهم،،
الإكتآب نوع من الإبتلاء يكفر الله به عن ذنوبنا ويرفعنا درجات في الجنة ويعطينا بيه الاجر الكبير على صبرنا، وتذكروا ( وأذكر نفسي بالأول ) ان مافي بلاء أبدي ، لكل مصيبة نهاية ( النبي ايوب "ع" شافاه الله بالدنيا ) ودوام الحال من المحال،،
بالتوفيييق جميعا للشفاء بإذن الله ،،
|