ا،السويدي

بيانات اضافيه [ + ]

رقم العضوية : 39248  تاريخ التسجيل :  06 2012  أخر زيارة : 17-04-2025 (05:42 PM)  المشاركات : 1,219 [ + ]  التقييم :  10

لوني المفضل : Cadetblue

اللي أعانيه بدأ يكرهني عيشتي

السلام عليكم ورحمة الله و بركاته.
مرحبا شخباركم ؟
إن شاء الله بخير

أنا كتبت لكم قصتي قبل فترة

و الحمد لله لقيت منكم ردود تريح البال

الله يريح بالكم دوم

بس بعد حبيت أذكر قصتي أكثر و إن شاء الله كل الأعضاء يردون عليه

أنا لي تقريبا 6 سنوات و أنا أعاني من الوسواس القهري

بالأول بس كان في الصلاة كنت أصلي مليون مرة و أتوضأ بالملاين
صح كنت أصيح على حالي بس بالي كان مرتاح
كنت مرتااااااااااححححة واااااااايد

لو أصيح على حالي بس مسرع ما أنسى و أنشغل في شيء ثاني

عقب شوي زاد الأمر عندي وايد
بس بعد بالي كان مرتاح

و يوم كنت صغيرة يعني يمكن في الصف الخامس جي
كانت تيني فكرة الموت
كنت أخاف من الموت وايد
كنت أحس إني بموت جريب
كنت أقول الحين بموت ولا عقب
بس ما كان يكثثر وايد إلا وقت النوم

يعني كنت أحس إني لما بنام ما بنش .. بموت
و كنت تخيلوا ما أبا أرقد أتم لين الفجر أكتب وأرسم وجي عشان ما أموت

ههه يعني سبحان الله كأنه لو تميت ما بموت
كنت ياهل ياخي

بس الأفكار كانت تيني و تروح
يعني تي فترة تتم أقل حد يمكن أسبوع خلاف تروح

و يوم كنت في صف خامس ما كان عندي أي وسواس
إلا فكرة الموت

و في صف تاسع بدأ الوسواس القهري
في الوضوء و الصلاة و الطهارة و تكرار القول أو العمل

بس أرد و أقول مثل ما قلت قبل إني كنت مرتاحة البال
مب مثل الحين ....


و حتى فكرة الموت كان تيني و تروح يعني حتى و أنا فيني الوسواس القهري
كانت تيني فكرة الموت بس أبد ما كان بالي مشغول وايد
يعني كنت مريحة البال

كنت مرتاحة ..

إلين مع وصلت أول سنة في الجامعة

و في البداية كنت وايد وايد وايد مستانسة
ما أقص عليكم يوم أقولكم فرحااااانة
ياربي والله أتمنى هالايام ترد لي مثل ماكنت
و أرد مريحة البال
حتى كنت صح أخاف يوم أسمع حد ميت أو أسمع بخبر وفاة حد بس عاد أطنش ما يوصل الأمر للجنون الحمدلله
فجأة و لا أدري ليه أو كيف


خفت من الموت
قلت في البداية مثل غيرها
فكرة بتي و بتروح
بس كنت غلطانة
كنت طول الوقت أفكر فيه
و أقول لربعي
لا تسولفون وتزيدوني هههه

بس بعد كان بالي مرتاااااااااااااااااااااااااح
كنت مريحة البال في أول الأيام

لين ما ياني خوف مب طبيعي
كنت أروح الجامعة بالغصب

تخيلو لما أنش و أتجهز حق الجامعة أقول في نفسي أحس بموت
و ما برد البيت
و أتم على أعصابي لين ما أرد
حتى ساعات أطلب منهم من اللي في البيت يعني أهلي أوهم بنفسهم يون ياخذوني من الجامعة

لأني أنا أرد بالباص و ما أبا أطول وايد في الجامعة
أبا أرد بسرعة عشان شو أرتاح

و من أرد يبدأ الخوف

بس كنت أبكي
و ما أدري ليش بس كنت أحس ب خوف مب طبيعي و أحس بالموت

حتى أن أتم أنا على أعصابي و كأنتي أنتظر الموت

كلهم فهموني اللي في البيت إني في وهم
و لا تخافين من الموت لهالدرجة

المؤمن ما يخاف جي و أنتي مؤمنة
ريحي بالج و هدي

حتى ربيعتي حليلها الله يذكرها بالخير
كل ما كنت أفضفض لها و أقوللها
تقولي لا تسوين في روحج جي
ريحي بالي هي كانت مثلي بعد بس سيطرت على الفكرة من البداية ما خلت الفكرة تسيطر عليها
يعني كانت تحس بضيج و بالموت بس على طول غيرت من حياتها

تقولي سوي مثلي .. حاولت و ما قدرت

حتى أختي العودة الله يذكرها بالخير
كانت دائماً تقولي لا تسوين جي في روحج
لا تخافين من الموت جي
هي بعد كانت مثلي
و حست إنها ما بتشفى مول
بس الحمدلله الله ما ينسى عباده شفاها

الله يشفينا كلنا

قلت بغير الجامعة لأني خفت منها
و كلهم نصحوني إني ما أوقف يمكن أندم

بس ما سمعت كلام حد
وغبت من الجامعة لين ما رسبت في اللفل إلي أنا فيه أتذكر إني كنت في لفل 5

توني يعني في ثاني لفل من دخلت لهاي الجامعة

المهم .. غبت وايد لين ما رسبت

و عقب سرت عشان آخذ أوراقي و أنقلها لكلية البنات اللي عندنا هني في دبي
و تخيلوا سرت .. بس سبحان الله المكينة مادري شيء عندهم كانت خربانة

ف عطتني الحرمة علشان أسوي بيانات الخروج من التيلفون

خذت البطاقة و رديت البيت
و قلت حق اللي في الكلية إني بدرس عندهم وجي

و قال بيزقروني و بيردون عليه خبر

بعد فترة ياني إتصال من الكلية إني مقبولة عندهم
بس يبون ورقة من الجامعة اللي أنا فيه
إن أنا خلاص طلعت من عندهم

و تذكرون البطاقة و الإتصال !
ترى أنا ما أتصلت فيهم

المهم رديت للجامعة و ما رحت الكلية

في البداية بعد حسيت بخوف بس طنشت مع سوالفي و يا ربعي

ومن رديت البيت كنت أوكي

إلين الفليل

آخخخ للحين أتذكر ذاك اليوم

خفت فجأة من الموت بعد قلت الحين أنا لمّا بنام ما بنش

و تميت أصيح واااااااايد

لين ما رمستني أختي .. وهدتني أمي الله يخليهم لي
و رقدت

و اليوم الثاني ما سرت للجامعة ههههه "


المهم قصتي ويا الجامعة وايد أليمة ترى

ما بقص عليكم لو أقولكم يتني فترة تناسيت
صح كانت الفكرة في بالي بس بعد مب مثل قبل

كانت أيام صعبببة وااايد في الجاامعة بس الحمدلله على كل حال

و الحين أنا في عالم ثاني

كنت خايفة من السفر و تحيدون يوم كتبت موضوعي
تحريت عمري ما برد من السفر وإني خلاص بموت هناك
بس الحمدلله رجعت
ولو إن الأيام هناك كانت حلوة ومرة بس الحمدلله على كل حال...............

عقب خفت من رمضان أجمل الشهور
و قلت إني ما بكمل في رمضان و بموت

بس الحمدلله كملت ولو إن الأيام كانت حلوة و مرة بس بعد الحمدلله على كل حال ............



الحين .. سمعوني زين

أنا وايد أحلم
في الأموات هالأيام

أبوي الله يرحمه متوفي من 6 سنوات تقريباً

الله يرحمه و يغفر له و يغمّد روحة الجنة و يوسع مدخله و يمدنا الصبر و السلوان.


اليوم حلمت إن هو مريض و بنروح نعالجه برع
ما كنت خايفة في هالحلم

كنت أبا أروح وياهم بعد بس ما رحت

خفت عقب ما نشيت من الحلم

شو سالفة أحلام الأموات هل هو دليل على قرب الموت أو الموت ....... ((((ki8ds4))))

تخيلوا كل ما حد يرمسني احس بخوف بالموت و بالغرابة

كل ما صار شيء احس بالموت

احس اني مب في عالم الناس عالم الاموات

مادري يعني شو هالاحاسيس اللي تراودني هالايام
احسس مخيفة تيني هالايام

الله المستعان بس

سامحوني على الإطالة

بس كالعادة حبيبت أفضفض
و بس .. وفضفضت

أتمنى تقرون قصتي عدل و لو إنها طويلة

و تجاوبوني وتريحون بالي بلو كلمة وحدة

و حبيت أقولكم شيء بعد إني الحمدلله أحس بديت أتحسن ب وسواس الصلاة

فمان الله .

المصدر: نفساني