|
انا نفسيه درجه اولى مجنون الا شوي يمكن اتنوم بالمستشفى
انا نفسيه لما اطلع برا اشوف الطبيعيين انتكست واعرف اني فعلا مومثلهم لابتفكير ولا بالاسلوب والتعامل ولا بشي
مجنوون الا شوي ماعشت عمري زي كل الشباب طلعات وسفرات ووناسه عشته اكتئاب ورهاب ووساويس شي يفشل والله الي بعمري كملوا دراستهم توضفوا تزوجو جابو عيال انا للحين ابكي على الاطلال
العمر يمشي وانا ولاانجاز يذكر لاتوجد ثقه بالنفس عندي ودايم احقرها وهي تستاهل اجل هذي عيشه والله شي يفشل
في كلام ان ممكن انقط بالمستشفى اتوقع هذا احسن محل لي وخل الحياه للناس الطبيعين والعدلين
المشكله انه مافي حل سويت كل شي سويت رقيه شرعيه جربت ادويه حاولت اطلع برا بس مافي فايد انتكست لما اشوف الطبيعين احس بقهررر وودي ابكي اقول بيني وبين نفسي ليه مو مثلهم
مشكلتي اني سريع التاثر اتاثر بسرعه لو شفت الناس عايشين ويضحكون وانا غرقان بالاكتئاب والله تحس ان مالك داعي بالحياه
انا مشكللتي نفسيه يعني لما اطلع من البيت اكون مكتئب جدااا وخايف ومرتعب شالمطلوب عشان على الاقل اعيش عادي ومااقارن نفسي بغيري لاني قبل المرض كنت ماقارن نفس باي احد بس احين لان حدث تغير صرت احس بالاختلاف بيني وبين الناس
انا ماغير محبوس بغرفتي على الابتوب وبحث عن علاج للحاله
والله زعلاااااااااااااااااااااااااااااااااان اني ماعشت الحياه مثلي مثل غيري الحياه متاع لاكن للاسف مو معاي كل شي ضدي ماعمري تمنيت شي وتحقق نفسيه تعبانه تتاثر من اي شي
كل الاشياء الي اتمناها والي عند الغير ماحصلت عليها والنفسيه مو مساعده انك تحاول وتحاول لان الياس والاكتئاب طبقوووو على نفسي المسكينه
صدقوني النفسيه اهم شي عند الانسان لما تخترب نفسيته ماقدر يسوي اي شي لما تستقر النفسيه قدر يعمل كل شي
وانا نفسيتي مومستقره متوتره وقلقه وتفكير ورهاب ووووو
السوووال الي يطرح نفسه الى متي؟؟؟؟؟؟؟؟؟؟؟؟؟؟؟
كيف الخلاص من هالعله ترا الواحد زهقققققق يبي يعيش حياته
انما للصبر حدود
|