نفساني - عرض مشاركة واحدة - من استخدم منكم دواء أندرال؟ وهل افاد في احمرار الوجه او اعراض الرهاب؟؟

03-11-2012, 04:34 PM

اقتباس:

المشاركة الأصلية كتبت بواسطة يحيي الزهراني

حياك الله أبا تركي وأهلا وسهلا بك. ارئ انك في شك وفي حيره أو ربما تكون مخاوف مابين الكونكور والاندرال ... أسأل الله لك الشفاء في بداية الأمر .. حدثتك سابقا عن الفرق بين الدوائين وتم اعطائك معلومات كافيه تناسب مدي أريحيتك ... أتذكر بأنك استخدمة الاندرال لمدة أسبوع وأنا ارئ انك ظلمت الدواء ولم تعطه حق قدره ... أريدك إن تعود لطبيبك وتستشيره بما قلته لك. سابقا وحاليا وليكن طبيب خاص بالأعصاب ... أسأل الله لك الشفاء العاجل .. تحياتي لك

لا والله ماستخدمته يادكتور يحيي ولكن مازلت على الكونكور , وانا اتكلم عن الكونكور هو اللي يتعب لأنه تعبني , وبالنسبه لطيب الأعصاب انا سبق وراجعته وهو اللي طلب مني اتوقف عن الكونكور واخذ الأندرال ولكن الى الآن خايف اخذ الأندرال لأن الحين مع الكونكور وتجيني نكسات احياناً فجأه يجيني خفقان واضطر ازيد من الجرعه أنا اخذ نص حبة من 2.5 ملجم ودكتور القلب سمح لي اخذ حبه كامله في الوقت اللي احتاجه فيها ..
وانا اخاف اخذ الأندرال ويجيني نوبة هلع بعد مرور وقت بسيط من اخذ الدواء وبكذا اخاف ماقدر اخذ جرعه زيادة من الأندرال لأن ماقد جربته ولا جربت فعاليته , والموصوف لي هو 3 مرات باليوم كل 8 ساعات ولكن خايف كثير اخذه خصوصاً ان مفعوله مو سريع مثل الكونكور , يعني اخاف اخذ الأندرال وتجيني نوبة واتهور واقوم اخذ من الكونكور نصف حبه واتوقع انهم مايتناسبون مع بعض ؟

وبرضوا دكتور جالس اوسوس الحين بـ ورم اسمه القواتم الله يبعده عنا وعنكم , وعشان كذا صايره تجيني نوبات هلع كثيرة خصوصاً بعد هالوسواس , فـ ما ادري وش رايك انت ؟
والحين جالس احاول اعمل فحوصاته مع العلم ان اهلي رافضين إني اراجع المستشفيات لأن لي سنتين من مستشفى الى مستشفى ومافي فايده , ولكن للأمانة في تحليل للبول لمدة 24 ساعه يبين اذا الغدة الكظرية فيها مشكلة او لا
هذا ماسويته , ومادري هل هو ضروري او لا ! علماً ان هرمون الكورتيزول كان عندي مرتفع لما حللت دم قبل فترة ووصل 32 والطبيعي من 7 الى 20 ولكن كنت وقتها جداً قلق وخايف من تواجدي بالمستشفى يعني جاني رهاب شديد مو طبيعي خصوصاُ وقت سحب الدم , ومع ذلك طبيب الباطنية ماقال شي وقتها وقال انا من ناحية الباطنية اشوف انك سليم !

وش رايك بالكلام هذا ؟ وهل اروح طبيب نفسي واختصر الموضوع ولا احاول اعمل فحوصات من جديد ولا شو ؟