نفساني - عرض مشاركة واحدة - الموسوعة الأدبية الخاصة بنا ( فليشارك الجميع )

06-11-2003, 03:14 PM

انا من كثر صدمات الزمان ولوعة الاقدار
.....................تعلّمت الصبر واهمل جراح القلب وطعونه
ولكنّي انا انسـان بشر يتحمّـل بمقدار
.......................ماني مثل الجمل لازادت احموله يجرونه
اطيح جدار متواسي ولكن ما يثير اغبار
.......................صويب ولا نزف جرحه ولا يدرا بمكنونه
تعالي فالشعر حاضر عطيني سيفي البتّار
......................ابضرب فلقوافي درب يسلّي القلب بفنونه
ابرسم حبنا العذري على القمرى على الانهار
......................وابرسم كل صرخات الجنين بلحظة جنونه
واحط بآخر الصوره علامه تنهي الافكار
.....................انا مالي على الاقدار سجين وتاهت سجونه
رضيت اللي انقسم يارب بما تامر وما تختار
.......................جدار وطاح متواسي ولادري كيف يبنونه
صحيح الجسم في لحظه يجيه الموت كالاعصار
....................وتجيه امراض تستعصي على منهم يداوونه
ولـو فكّرت بالنسيان يجي ما هيّض الاكدار
.......................مثـل رمحٍ زرق جوفي وطار الليل وسكونه
سجينة قلبي وين القـاك تركتيني بلا انذار
.......................وانا المسجون في قلبك اطالع من يمرونه
هـلا بك عد ما هـلّ الهلال وصاموا الاخيار
....................هلا بك عد ما عشتي مع النبضات مسجونه
احبـّك لا تلـوميني احبّك صدق عن إصرار
......................على بعدك على قربك على ليلك ومضمونه
تعـالي يجتمع طيفي مع طيفك على التذكار
......................نفكر كيف هذا الشهر يلاقي من يصومونه
تعـالي كـود نتسلل ونسرق للظلام اقمار
.......................ونسمع همسة النجمه تناجي الليل مفتونه
يبيها الليـل ما تطلع يخـاف النار والانوار
........................اذا منّه صحى طيفه على عبرات مدفونه
انا ويّـاك والفرقى تخاوينا على المشوار
.........................ندوّر فجر واشراقه بعد هالليل ومجونه
ولكن كيف نلقـاها وهذا الجـوّ زاد اغبار
..................ماعاد نشوف برق الحب ولا ندري عن مزونه
يموت الورد في غصنه ويصرخ ظامي الاطيار
............................ابي حقي أبي حقي ولكن ما يجيبونه
ترى برقٍ بلا غيمه خيالٍ ما يجيب امطـار
......................وصيـام الجوع ما ينفع ولو حتى يزيدونه

منقول ....