المشاركة الأصلية كتبت بواسطة يارب سهل امري

اهلين ياعسل ،،، شوفي ياقلبي انا بقولك وش صار معي من بداية ماقدمت المعامله لان حالتك تقريباً زيي

اول شي رحت الامارة وهناك الموظفه قالتلي اكتبي خطاب موجه للامير مشعل انا ماكنت عارفه الصيغه وماقصرت معايا ونقلتني ايش اكتب طبعاً لازم تكوني جايبه معاكي ملف اخضر علاقي وهويتك وصورة منها لانك حتكتبي الخطاب بإسمك وبعدها اعطتني رقم اراجع فيه وقالتلي تعالي بعد اسبوع وفعلاً بعد اسبوع راجعت واعطتني رقم جديد اراجع فيه لشرطة جدة لان المعاملة اتحولت على الشرطة ورحت راجعت الشرطة اعطوني ورقة طلبات اجيبها عشان اكل ملف المعاملة وانا كنت مجهزتها من قبل وعلى طول اخذوها اذا حابه تعرفي وش الاوراق الي يطلبوها مكتوبه في موقع الاماره ادخلي وشوفيها ،،، واعطونا خطاب لمستشفى عشان نسوي تحاليل ورحت بعدها سويت التحاليل انا وخطيبي في المختبر الاقليمي اخذنا الخطاب وشوفي ياقلبي اهم شي يكون مختوم من الشرطه لانه اذا مو مختوم راح ترجعي تضربي مشوار للشرطه انا كذا صار معايه ومع الخطاب صورتين شخصيه لخطيبك وصورتين لكي و700 ريال عشان التحاليل للطرف الاجنبي هذا سعرها ، بعذ اسبوع طلعت النتيجه واخذها خطيبي واعطاها للشرطه بعدها طلبو حضوري عشان اوقع الاقرار وخطيبي حولوه للبحث واخذو بصماتو وبعد ثلاثه ايام رجع اخذها وطلعها لمكتب الزواج واعطونا موعد بعد شهر ونص ،، وبعدها رجعلهم خطيبي اعطوله رقم جديد وحولو المعامله على المحافظة الي انا ساكنه فيها عشان خطيبي في جده وانا ساكنه في محافظة من محافظات مكه وجلست المعامله اسبوع في منطقتي وبعدها رجعت لجدة
وبعدها اتحولت للامارة بس رجعت عشان طلبو نجدد اوراق عشان تاريخها قديم ،، وسلامتك انا لهنا وصلت معاملتي طبعاً باقيلي خطوتين وان شاءالله تعدي على خير الي هيا المحافظة والاماره

انا حكيتلك الي صار معي بالتفصيل طبعاً خطيبي هو الي يتابع المعامله لانه لازم انا اتابعها او هو لاني مقدمة المعاملة باسمي

وان شاءالله اكون مانسيت شي ،،، والله يكتب الخير والتوفيق للجميع..

00``00`