|
انا كتاب مفتوح لكم .... خصوصا المرضى الجدد يمكن اختصر لكم الطريق
سلام عليكم
انا ماراح اطول عليكم ... او اتفلسف ....انا مريت بالمرض النفسي من 15 سنه
وتصدقون انه اول مامرضت ماكنت اعرف انه فيه شي اسمه مرض نفسي
وانه الدكتور اللي قالي انك تعبان نفسيا ماصدقته ....وقلت هذا يضحك علي
ووقتها يالتني سمعت كلامه واخذت الحبوب يمكن ماكان عانيت كل هالسنين
المهم اني كنت اصر واكابر مااخذ ادوية واقول ان اللي فيني بيروح مع الاصرار والمحاولة
لكن بصراحه ايام كنت اتحسن وايام لا وكنت اتجنب المواقف اللي تسبب لي التعب النفسي والهلع
لكن الحمدلله اخذت العلاج وتحسنت .... ولو اقولكم اني عملت اشياء عمري ماحلمت اعملها
تزوجت ... ركبت الطيارة .....سافرت بالبر لوحدي ... سويت اشياء كثير كنت اخاف منها
بس يوم تركت الدواء جلست فترة ورجعت انتكست لهذا رجعت للدواء واللحمدلله رجعت اتحسن
لهذا اقولكم الامل كبير عن تجربة 15 سنة وهذاني قدامكم لاني مجنون ولا شي
واللي يبي يسال اي شي انا تحت امره والله ماابي الا الاجر
|