cute alex

بيانات اضافيه [ + ]

رقم العضوية : 5011  تاريخ التسجيل :  11 2003  أخر زيارة : 26-01-2006 (07:01 PM)  المشاركات : 1,048 [ + ]  التقييم :  10

لوني المفضل : Cadetblue

الحلقة الثانية من ( هذي آنا )

في الساعة 8 صباحا تجمعت سيارات الشرطة في أحد المناطق
حيث أن هناك بلاغ عن جريمة قتل ,, و قد كان ذاك البلاغ صائب
إذ أنه في المنطقة المبلغ عنهارجل ممدد على الأرض و
قد لفظ أنفاسه الأخيرة قبل 15 دقيقةعن طريق الشنق بسلك
رقيق أدى إلى قطع عروق الرقبة , وقد بدأت التحريات حول
قاتل هذا الشخص لكن المجرم ذو عقل راجح لم
يترك وراءه أي دليل , أو أي شعرة تربط رجال التحري به ,
تم تفتيش جيوب الضحية حيث وجد فيها مذكرة ينص فيها على الإنتحار
و قد قال أحد رجال التحري ويدعى عمر :

من مذكرات القتيل إنه كان يبي ينتحر , إذا هي جريمة إنتحار , وتغلق
القضية بجريمة إنتحار

صوت يأتي من خلف عمر يقول :

وخر زين خلني أدخل ..... مستخفين فيني ؟

أحد رجال الشرطة :
ما يصير تدخلين .... ما عندك إذن دخول
عمر : نعم إختي شفيك ؟
_: معاك نورة من قسم التحري في كلية الحقوق و هذي بطاقة الجامعة
_: بس ما تقدرين تدخلين ما عندك الصلاحية
_: شنو شايفني فاصوليا معلبة عشان تقولي صلاحية ؟
_: لا محشومة , بس ما تقدرين تدخلين , و إذا ما طلعتي ألحين نضطر
نستخدم معاك القوة ...
_: أمانه خلوني أدخل , وحتى لو كنت مو مهيئة ألحين لكن هذا مستقبلي
_: لا تسبقين الأحداث خلي كل شي يأتي في وقته , ألحين ممكن تطلعين
بالطيب و إلا نستخد م معاك القوة
_: أمانه صدقوني إنها جريمة قتل مو انتحار
_: عندك دليل ؟ يالله ورينا شطارتك
_: ممكن تفحصون الجثة أولا
_: ليش بتعرفين وقت الوفاة ؟ من النظر صارلها 15 دقيقة
_: لا .أبيكم تفحصون هيكل الجسم , يعني إذا كان في مقامة للقتل
أو كسور أو .... يعني انت فاهم قصدي
_: أوكي ...

بعد ما تم الفحص ...

عمر : نتيجة الفحوصات تدل على إن كانت هناك مقاومة للمقتول
نورة : شفت يعني هي جريمة قتل , مو إنتحار
_: زين و بعدين ..... القاتل ما ترك وراه ولا دليل
_: بس جذي تنهي القضية ؟ مايصير جريمة من غير دليل
_: شقصدك ؟
_: يعني لازم تتحرون بعد
_: يالله طلعي لنا الدليل
_: يعني يصير أدخل موقع الجريمة ؟
_: دخلي بس ما تجيسين و لا شي , فاهمة ؟
_: أوعدك ما أجيس و لا شي , و لو تبي بعد أربط إيدي عشان تتأكد
_: زين , دخلي

بعد 5 دقائق صرخت نورة :
كاهو الدليل , شفت قلت لكم إن في دليل
عمر : شنو هو يا الفالحة ؟
_: شوف هذي نقطة دم فاتحة
_: ويعني ؟
_: على فكرة بعرف شلون إنت صاير تحري ؟
_: عن الغلط
_: أوكي ... اسمع , الدم إللي يطلع من الرقبة يكون غامج , لكن هذي
نقطة دم فاتحة , ممكن تفحصون هالقطرة عشان نتأكد
_: ما أدري انتي شلون تفكرين و إذا صارت فاتحة , ممكن هالقطرة
طارت من القتيل من مكان ثاني
_: أولا إن مكان قطرة الدم بعيدة عن الجثة
و ثانيا : شوفوا الجثة إذا كان فيها جرح أو خدش في أي مكان
_: زين ........... و كا الجثة و فحصناها ........ ما في جرح أو خدش
_: شفت و هذا دليل على إن هذي القطرة من القاتل , مو المقتول بينت
عليه أثر المقاومة ؟ عيل ممكن إنه جرح القاتل و طلعت منه نقطة الدم
_: يا الله فحصوا فصيلة قطرة الدم و شوفوها متشابهة مع فصيلة دم
القتيل أو لا

و تمت الفحوصات على القطرة لكن

عمر : نورة ....فصيلة الدم .....


.................................................. يتبع في الحلقة القادمة



قصة , وسيناريو , وحوار :douha

مع تحيات :douha


الله لا يحرمنا من ضحكتم الحلوة