نفساني - عرض مشاركة واحدة

04-11-2013, 04:17 PM

اقتباس:

المشاركة الأصلية كتبت بواسطة د.رعد الغامدي

ماني عارف اختي كيف اساعدك

نصحتك بالدواء واعتقد انك بحاجة له، وتقولين انك مو مقتنعة بالادوية وخايفة منها :(

اكرر نصحي لك باستخدام الدواء
خاصة انه يبدو ان الاعراض تشتد عليكي، لأن اختلال الآنية من علامات شدة المعاناة

ولا أدري ليش وانتي بتصيرين طبيبة وهذي نظرتك للعلاج النفسي!!
لا، وتبين تتخصصي فيه!!

اختي انا وكثيرين من اصدقائي اطباء نفسيين وغير نفسيين نستخدم العلاجات وفينا الي عنده
اكتئاب واللي عنده مخاوف، والحمد لله امورنا زينة وناجحين في حياتنا.

كان الله في عونك

خلاص دكتور باخذه بحول الله بس أنا الحين في فترة اختبارات نهائية وأخاف ينومني الدواء أو شيء فبستخدمه بعد أسبوع بحول الله خلاص باخذه :(
الحالة هذي كانت تجيني فترات وتروح وماكنت عارفه وش هي ولا كيف أوصفها بس كنت أحس الناس الي قدامي مو حقيقيين مزيفين أو كأني عايشة جوا صندوق شعور بوصفه والله ماني قادرة بس يجي معاه خوف شديييد إني بفقد عقلي أو إني بيجيني مرض ذهاني وإن حياتي خلاص انتهت ..
قريت شوي قرآن وطنشت الموضوع وأشغلت نفسي وهدت نفسي واليوم الحمدلله ماحسيت بها الشيء وهو مو متواصل يجي بين حين وحين وإن شاء الله بآخذ العلاج وأوافيك بالمستجدات ..
أنا نظرتي للطب النفسي أبد مو قاصرة ولا للمرضى النفسيين بس لما شفت الواقع من منظور الشخص الي يعاني مشكلة نفسية ولبست حذائه, حسيته شيء فعلا صعب ومعاناة لأني جربت المرض العضوي الي نومني بالمستشفى وهدني ومايعتبر شيء مقارنة بتعب النفس , وإن الناس ماتتقبله وإنه بيبقى شيء عالق بذاكرتي طول العمر فهذا الي كان مخليني أرفض الدواء إضافة إني مرعوبة من الآثار الجانبية .. بس خلاص هذا كله راح الحين :(
طيب الاختلال هذا يروح مع السيروكسات؟ أو يبي له علاج آخر لوحده؟
سامحوني تكفون أدري إني مزعجة وكلامي كثير وموسوسة بس والله يعلم الله وش كثر إني مرعوبة وأدري لو بقول لأحد عن الي أحس فيه بيشكون إني مجنونة زي ماأنا قاعدة أشك بنفسي الحين , الله يكتب لكم بكل حرف تكتبونه هنا أضعاف من الحسنات.