المشاركة الأصلية كتبت بواسطة كلي أمل بالله

السلام عليكم ..
أنا عندي غير الوساوس والهلع حالة كانت تجيني مقطعة وماكنت عارفه وشي بس استمرت معي بالفترة الأخيرة وجايبة لي ضيقة ..
سألت عنها قالوا لي اسمها اختلال أنية بس أنا مازلت خايفة إنها فصام ..
أنا ماأعرف أشرح خلقة بس يارب تفهمون علي ..
أحيانا وبشكل مفاجئ أسأل نفسي مين أنا ؟ وليه أنا أنا ؟ ويمكن مو أنا أنا لكني موجودة بمكان ثاني أو إني ضايعة مدري كيف .. وأحاول أتذكر ماضيي وأحداث من طفولتي وبغض النظر عن ضعف الذاكرة لما أحاول أتذكر طفولتي .. أتذكر الموقف وكأني مراقبة له من بعيد يعني ماكأن الموقف صار لي أنا !! أحيانا لما أشوف نفسي بالمرايه ماأحس إنه أنا , عارفه إنه أنا لكن مدري كيف ماأحس إحساس فعلي إن هذي أنا !!
أحيانا وخاصة بالزحمات والأماكن المليانه أحس إني بحلم وأستنى أصحى وكل الي قدامي أحسهم فعلا حلم وأحيانا أسوي شيء غبي محاولة مني إني أقطع هالحلم .. لما أطلع مع أهلي مثلا لأي مكان ماأستانس لأني ماأحسه فعلا قاعد يصير.. أحيانا أحس إني آلة ومجردة من كل المشاعر ولي فترة طوييلة مابكيت وحتى لو بغيت أبكي مالي دموع!! وأحس العالم لي حولي كله مب صدق يعني الدنيا هذي كذب والناس كنهم دمى بس أنا أضطر أمثل عليهم (وشكلي ممثلة ناجحة لأن محد أبد شك إن فيني شيء غلط :/ ! ) يعني حتى أهلي أو صديقاتي لما يتكلمون أجلس أطالع فيهم وأقول صدق ذولا بشر؟ صدق هم الي يتكلمون؟ يحسون؟ أسئلة غبية مدري كيف عشان كذا دايم شاردة وماأركز ..
الأشياء قدامي أشوفها كنها لوحة وشفتو ألعاب الفيديو قيمز لما تلعب بالشخصية ماتشوفها بس طالع يدينها؟ كذا أحس نفسي .. أحس إني بس مكونة من عيون تشوف الي حولها بس.. وبأحيان كثيرة أخلط الحلم بالواقع مدري أنا أحلم ولا فعلا هذا يصير ..
بالله الي يعرف وش المشكلة وش الحل وكيف أتأكد إذا ماهو فصام لأن كل خوفي من إني أكون بكرا بمستشفى المجانين لأنه شعور صعب ماني عارفه كيف أوصفه ومسبب لي مشاااكل ..
بانتظاركم :(