نفساني - عرض مشاركة واحدة

26-02-2014, 08:56 PM

اقتباس:

المشاركة الأصلية كتبت بواسطة غفرانك يارب

طيب اخوي طبيعي اكون وانا لاهيه ومرتاحه فجأه اتذكر الموت ؟؟
وشف وين وصل لي الوسواس اقرا مواضيع واحد اسمه ابو رياض هنا بالمنتدى واختفى من شهر 8 من العام الماضي مادخل المنتدى رحت اشوف اخر تواجد له بالمنتدى يعني تقريبا له 6 شهور مادخل واقول ياربي سترك وينه ؟؟؟؟ يارب انه يكون بخير وبين عياله
اي واحد كاتب انه يوسوس على طول اشوف اخر تواجد له متى يارب يارب يارب لطفك

استغفر الله سامحيني ضحكت شوي ههههه (شر البليه ما يضحك) يا اختي وليه تقعدين تدورين على الموسوسين ومتى اخر تواجدهم , تلقينهم الحين عايشين حياتهم ويلعبون مع اهلهم ويحاولون يبسطون انفسهم وانتي كل تفكيرك وينهم لا يكون ماتوا ايييه اكيد فيه شي لانه كان يفكر بالموت ايه اكيد اجل اللي يفكر بالموت ويحس انه بيموت راح يموت وكلام كثير ما راح يوقف , انتي اقطعي هالامور من البدايه لا تسترسلين بالامور واصلا هذي خطه من الشيطان تلقينه حاط عشرين الف خطه واذا ما نجحت هذي الخطه يروح لثانيه , الحل هو الادعيه اولا ثانيا قطع الفكره من الاساس اذا جتك فكره على طول فكري بشي ثاني لازم تحاربين هالفكره بافكار ثانيه , كرري هالايات دايما (ربِ اعوذ بك من همزات الشياطين واعوذ بك ربِ ان يحضرون) (وإما ينزغنك من الشيطان نزغ فاستعذ بالله إنه هو السميع العليم) وفي الاول وفي الاخير هذا ابتلاء من الله حاولي تصبرين وتجاهدين في الامر وباذن الله كلها فتره وتعدي , وترا طبيعي الانسان يفكر في الموت كلنا نفكر فيه لكن نطنشه قد ما نقدر وندور لنا شغلات نحبها تاخذ تفكيرنا وتشغلنا عن هالامور واكيد بالاذكار والقران والصلاه راح تبعد عننا هالامور باذن الله