نفساني - عرض مشاركة واحدة

26-06-2014, 03:50 AM

اقتباس:

المشاركة الأصلية كتبت بواسطة رينال

اخ محمد خف علينا بالكلام
هذا شي خارج عن ارادتنا انتو ماشاءالله تشافيتو والله يتمم عليكم
لكن احنا مو على طول راح نتشافى ونعيش حياتنا زي اول
لازم نتخلص من الوسواس بلا رجعة ونتخلص من المشاكل والتراكمات الي جابت لنا هالوسواس
ونستجمع القوة الي تخلصنا منه يبيله جهد لازم ماراح انجح لازم يهزمني واهزمه
انا اسميها حرب وماعندي قوه الا التطنيش وهو جالس يحاربني باقوى شي يضعفني ويهزمني
الموضوع يحتاج وقت ويحتاج فضفضه
الله يشفينا يارب. ويساعدنا على هذا الوسواس

رينال
انتي عارفه وش معنا فصام
فصام يعني / وسواس قهري / اكتآب شديييييد / رهاب / هلع / هوس / تخيلات / اصوات / صور
هاذي جزء من اعراضه
وردي الي علقتي عليه هذيك الأشياء الي يتخيلها ويشوفها الشخص الفصامي
والفصام أقوى وأخطر وأشد الحالات النفسية والعقليه والذهنيه
احمدي ربك على العافيه والوسواس الي تعانون منه جزء لا يتجزء من الفصام
ما ذكرتها الا عشان اصبركم
وبعدين وش عرفك عن حالتي اني تشافيت ؟؟؟
عشان مشاركاتي وأسلوبي ؟؟؟!!!
يمكن اعاني اكثر منكم وأنتو ما تدرون ( ممكن )
يعني لازم احزن وأخلي المرض هو يتحكم
اعوذ بلله
لازم اعيش حياتي وأفرح وصهلل وأتمتع بنعم الله
يمكن اعاني اكثر منكم وأنتو ما تدرون ( ممكن )
لاكن تفويض الأمر للخالق سبحانه ينهي كل شي
كثير تجيكم نصائح طنش
عارف ما تقدرون
السبب ( الفراغ )
"ونفسك إن لم تشغلها بالطاعة شغلتك بالمعصية"
ثلاث ارباع الي يعانون من الأمراض النفسية بسبب الفراغ وعدم المخالطه
عن نفسي لاحظتها وقت الدوام ابداً سليم الحمد الله
تبدأ المعاناه اول ما ارجع البيت
لحالي فراغ
على طول عرفت السبب وبدأت اشغل نفسي
المشاكل والعوامل الخارجيه لها سبب كبير ومؤثر
سسسسسسسسلبية التفكير مثلك وحزنك على نفسك له دور كبير بخلق القلق النفسي
ومن الأشياء الي تخفف المرض بنسبة كبيييييييييييره تفويض الأمر لله وعدم الحزن
ثقي بلله وتفائلي خير
ابحثي وشوفي طرق التفائل
تتشائمين وتقولين شي غلط على نفسك اعملي حسابك راح يصبح حقيقه بنسبه كبيره
اكرر ثقي بلله انه ارحم فيك من والديك وبللللللللقوه افرحي
اكبر نعمه تصحين من النوم وأنتي حيه
اكبر نعمه تخدمين نفسك تروحين تجين
اكبر نعمه اعضائك سليمه ومافيك اي اعاقه
اكبر نعمه تنامين بهدوء بدون خوف من عوامل خارجيه
بالوقت الحالي تقدرين تجمعين او تحصين نعم الله عليك وفضله ؟؟؟!!!
مستحيييييييييييييييييييييل
وعشان وسواس تنسييين كل الأشياء هاذي ؟؟؟؟
اكبر نعمه تقولين ياوسواس لي رب رحيم احمده وأشكره على كل حال
بختصار بعد ماتتشافون راح تكتشفون ان ما أصابكم حكمه من رب العباد وتذكرو كلامي بعد مايمن الله عليكم بالشفاء
اغلب الردود الي اكتبها والمواضيع ناشئه من تجربة شخصية وما اذكرها الا بعد ملاحظة ايجابيتها ونفعها معي
اكرر الوحدة والفراغ اهم وأقوى اسباب الوساوس وسبب تعبك
المهم اقوم ارتبت عفشي اجازتي بكره تبدأ اسأل الله ان يعطيني خيرها ويكفينا شرها