|
الحمدلله انا طبيعيه ومافيني اكتئاب -حياكم لمعرفه قصتي
اللهم صل على محمد وال محمد
بسم الله الرحمن الرحيم
اخواني الكرام انا انسانه طبيعيه حاليا بمزاج جيد وبسهوووله ابتسم واظحك الحمدلله .. والله يا اخوان كل مايمر وقت اتذكر ان في ناس مكتئبين وحزينيين ولازم اقولهم شنو سار معاي
انا ماكنت مصدقه اني شفيت من هالمرض والله مومصدقه وكنت احتاج وقت عشان اتاكد
اخر مره كنت مكتئبه قبل شهر واسبوع ! وانا حاليا انسانه ثانيه
يارب يشفي كل مريض وكل مكتئب امين
شوفو اول شي قبل لاتقرون شلي غيرني رجائا رجائا اي شخص بينظرلي نظره طائفيه لا يرد عالموضوع اوكي انا مادخلت وكتبت عشان نتناقش بالعقائد لان كل شخص مقتنع بعقيدته لكن عندنا امراض وهموم نبي نساعد بعض
بس عششان احطكم بالصوره
اول شي الي مايبي يعرف شنو كان فيني خل ينزل تحت ويقرا الكلام بلووون اخظر اسرع وبختصار تمام ؟
----
اوكي شوفو بنات شباب انا ماعرفت ان فيني اكتئاب الا شهر ٩ الي فات وماكنت مصدقه والظاهر وللاسف انا منزمان فيني هالشي بس مادري عن عمري
لان انا مريت باحداث وظروف كسرتي وايد ودايما علا بالي انا طبيعيه جذي ماكنت اتصور ان خلل بعقلي
ترا وايد صعبه احد يقولك انت شنو وانت ماتدري عن نفسك احس ماعرفني ؟ ماعرف منو انا !! شعور يخووف ويظيع
المهم بديت اخذ الافكسور بعد شهر من الصدمه اعتقد بلشت شهر ١٠ وكانت ٣ حبوب بليوم جرعه ٧٥
كانت جرعه عاليا جدا ودايما اذني مسكره واول يومين فتحت عيني بليل وشفت كل شي رمادي وووايد خفت هذا غير الثقل بالجسم
الحلو بالافكسور ان عدل مزاجي بعد اسبوعين فقط وبديت اطلع من البيت واسافر .. لاني الظاهر كنت مده طويله مااطلع وانا ماحس بنفسي
الي خلاني افكر اتركه ان الافكسور مايخليني اصلي !! تدرون ليش ؟ لاني ماركززززز
صحيح حالتي معاه افضل من الاكتئاب بس احس كانه مخدر مادري في شي يفصل براسي يعني ماحس بالوقت ماااحس بالوقت كلش وبطيئه حركتي يعني تمر علي ايام اذا بصلي الظهر على ما امشي واتوضا واقعد شوي وابي اصلي اوووووبس اذن المغرب !
اصلي كل الصلوات قضاء عادي عندي وماكو تركيز استغفر الله ولا ظميري يانبني عادي ماكو احساس
كاني مخدره ... للاسف ماكو روحانيه لذلك فكرت جديا ان اتركه اكون مكتئبه قريبه من ربي افضل من اخذ هالعلاج الي يخليني كاني سكرانه اغلب الوقت
ونتايج الافكسور اذا مثلا اربع ايام انا اوكي بعدها ارد انتكس يعني فووق اعراض العلاج ايضا النتائج مودايمه
استمريت عليه اربع او خمس شهور تقريبا وبعدين قطعته من نفسي بدون مقدمات السبب ان العلب الي عندي انتهت وانا ماستوعب ان لازم اروح عشان اخذ العلاج كلش ماعرف اخذذ او استوعب المهم استمريت اربع ايام مع الكهربه الي بلراس ينيييييت صج تعبت حيل وبعدين على ماستوعب شلون لازم اتصرف رحت للدكتور وقلت له اني هديتهم اهوه قالي انا رح اغيرهم لج بس الحين لازم تردين تاخذينهم عشان تهدينهم بالتدريج وتنتهي الاثار الانساحبيه قلت له اوكي
بس المشكله ان الافكسور كان منقطع من الصيدليات هذا كان شهر اثنين المهم الصيدلي قالي اخذي برستك هذا مثل الافكسور وعلمني طريقه الجرعه شلون تكون
انا اخذته لمده اسبوعين تقريبا اوكي ومازالت الكهرباا موجوده تعبت وايد وايد بس هديته لانه سببي نزيف وكنت وايد خايفه
اتذكر اخر حبه اخذتها
٢٥\٢
بعد هالتاريخ لي ثلاث شهور كنت انسانه مكتئبه وحزينه وايد احداث سارتلي ومشاكل الله يعلم حتا البيت الي كنت فيه كنت مهدده اني انطرد منه يعني ماكو امان
اشياء وايد كسرتي اكثر واكثر مابي اكتبها
المهم
٢٠\٥\٢٠١٤
بهالتاريخ حجزت ورحت كربلا
بروحي
كان الوضع صعب لاني بنت اولا ثانيا اول مرا اسافر العراق بروحي
مابقى عندي شي اخاف عليه او يهمني
كل الي ابي اطلبه من الامام شي واحد
شي واحد
ابي الله يرحمني
انا مويائسه من رحمه ربي بس انا مابي هالدنيا بس مابيها
ابي اطير واكون روح
واروح اي مكان
اكون بلبرزخ مع الي احبهم
انا رحت النجف .. وزرت الامام علي سلام الله عليه
ورحت كربلا وزرت الامام الحسين سلام الله عليه ودخلت عند اخوه العباس وزرته
....
مادري شقولكم بس من رديت الكويت وانا غير
ال البيت مايخلون احد
حبايبي ترا زوار الائمه في وايد مسيح وسنه يزورونهم لانهم يدرون ان لهم مقام عند رب العالمين وان اصحاب هذي الاظرحه لهم كرامات
انا ولا احد من اهلي يتصور اني تعالجت من الي فيني بسبب زيارتي لان محد يدري اني مريضه اصلا الوضع مختلط ببعض مشاكل علا الفلوس ومشاكل روحيه سحر ومشاكل بالعمل وغيره وغيره المهم ان محد داخل بتفاصيل حياتي ومحد يدري شنو كان وشنو تغير
بس حبيت اقولكم لاني متاكده في ناس مثل حالتي يتمنون علاج يرد روحهم
لانهم عايشين بس ميتين
والله ادري واحس فيكم
نصيحه لكل مكتئب .. زور العباس وسلم عليه وقوله مثل مامسحت على سبيجه .. امسح علي
احبكم كلكم .. سلام
|