المشاركة الأصلية كتبت بواسطة مدريدي صميم

السلام عليكم و رحمه الله و بركاته
كل عام و انتم بخير و صحه و سلامه يارب
و ان شا الله عيد الاضحي ما يجي الا و كلكم متزوجين و متزوجات من الي تحبوهم و يحبوكم
و تتيسر امورنا و اموركم جميعا يارب
انقطعت عنكم بسبب خيبه الامل بعد رفض المحاوله الخامسه و الي كانت طلب استثناء من شرط العمر
زعلت و اتضايقت بس رجعت فكيت في اواخر رمضان مع الصلاة و الراحه النفسيه الحمدلله
و انبسطت و فرحت حبيبتي و خطيبتي
جبت لها شوكولاته العيد و عيدتها عيديه محرزه و حلوه
و جبت لها بوكيه ورد علي حرف اسمها و فيه 200 ورده
و فرحت و انبسطت الحمدلله و طارت بها للسما
و رحت عند ارحامي في العيد و عيدت عليهم و ما قصروا والله
ساندوني و وقفوا معاي و قالوا نحنا معاك للآخر ان شا الله
الين ما تصير ولدنا و بنتنا حلالك و زوجتك
نفسيتي اتحسنت مع العيد و ان شا الله راح ارجع احاول من جديد
هالمره من جيزان و برضه لقيت معقب عالكلام الي يقال عنه انه ثقه
و ما ياخذ فلوسه الا بعد ما يخلص الموضوع
و راح اسعي بكافه الطرق و ان شا الله ربي ييسرها و تزبط معايا طريقه منها
استعينوا بالله يا إخواني و اخواتي و لا تخلو طريق لليأس الي قلوبكم
و اي جديد راح أبلغكم فيه ب اذن الله