نفساني - عرض مشاركة واحدة - زواج السعوديه من غير السعودي ( الأجنبي ).

20-08-2014, 03:33 PM

اقتباس:

المشاركة الأصلية كتبت بواسطة شوكلاط

وبعد الانتهاء من الرد ع المشاركات
اعتذر عن غيابي ليومين تقريبا والسبب معروف
لاني سبق قلت لكم نقرتين لعرض الصورة في صفحة مستقلة

_

الحمدلله الذي بنعمته تتم الصالحات
بالامس تم عقد قراني .. وبجد مو متخيل الوضع وانا عريس
أسأل الله ان يوفقني معها ويوفقها معي
وان يكتب لنا الحياة السعيدة ويرزقنا الذرية الصالحة
ويحقق لنا الامنيات وما نتمناه ويجعله عقدا طيبا مباركا
ويسهل لنا امور حياتنا .. ومسيرتنا بعد العقد

طبعا اللي صار معايا امس .. كان في شوية لخبطة
مع الفصل وتغير المسمى لمحكمة الاحوال الشخصية بمكة
صار في لخطبة وناس رجعوهم واعطوهم موعد ثاني
بس الحمدلله عندنا واسطة ومشيت الامور
لان الظاهر لازم يحولوها من المحكمة العامة لمحكمة الاحوال الشخصية
طبعا كمسمى ولا فعليا حتى الان داخل المحكمة العامة يتم كل شيء

اللي طلبوه مننا هناك غير الاثباتات
صك حصر الورثه طبعا اللي عندنا طبق الاصل وحتى يوم شافه موجود بالملف ما كان دقيق عادي جدا
التحاليل .. وبخصوص التحاليل سألني عندك الاصل ؟
قلت ايوا : قال جيبها عشان بعض الاحيان الصورة مو واضحه
وبالاخير بس كتب الارقام اللي مكتوبه يعني رقم التحليل حقي وحقها بالعقد
ما حسيت انه كان مهم للغاية من طريقة سؤاله لو ما كان عندي ما اظن ح يجبرني اجيبه والله اعلم
طبعا هذا في البداية قبل ما تدخل للشيخ لازم يجهزوا صيغة للعقد ويرتبوه بعدين تاخذ ملفك وتروح للشيخ

وخلاص الشيخ ما يسألك عن اي شيء فقط يعقد لكم بالصيغة والاجراء المعروف
من خطبة بسيطة ويسال الله لكم التوفيق وان على الزوج والزواجه ان يتصفوا بالتغاضي
مستشهدا بالادلة وان حالات الطلاق اغلبها بسبب تافه وان احد الاطراف لا يراعي او يتغاضى
وغيرها من الامور جزاه الله خيييييييييييييييييييييييرا

طبعا اصل التحاليل معايا ما اخذوه مني

والله ولي التوفيق
والحمدلله الذي بنعمته تتم الصالحات
وياااااااارب كما فرحتني في خطوبتي واتمام معاملتي وحتى عقد قراني
يارب فوفق احبتي هنا خاصة وفي كل مكان يارب العالمين

دمتم بود

الله يسعدك دائما وأبدا يارب.. زي ما أسعدتنا وأفدتنا بمعلوماتك .. حتى في وداعك ماشاء الله بتفيدنا بتجربتك

الله يهنيك ويرزقك من حيث لاتحتسب يارب