المشاركة الأصلية كتبت بواسطة الرهابي المكتئب

لأن المريض النفسي عندنا ماله حقوق ولامعاش وخاصة إن العوق النفسي أشد ألف مرة من العوق الحركي وأكثر المرضى عاطلين وغير قادرين على العمل وإلا المفروض كل مريض نفسي تتكفل الدولة بتأمين طبي مجاني له يشمل الصيدليات والمراكز النفسية ويُخصص له معاش بحكم إنه عاجز عن العمل وخاصة الفصاميين والمكتئبين من الدرجة الثالثة وأصحاب القلق القوي بمافيه الهلع المستمر , ولاأبي أطمح وأقول يزوجونه بعد .
لكن صدقني لاحياة لمن تنادي وسلم لي على الغرب الكافر اللي يعطف على هالفئة ولعل هذا سبب تمكينهم في الأرض وكما قيل إن الله ينصر الدولة الكافرة العادلة ويخذل الدولة المسلمة الظالمة .
بعدين مشكلتنا كمرضى لايوجد لنا من يطالب بالنيابة عنا والعتب على الأطباء النفسيين ووزارة الصحة , وزي ماقالوا الحقوق تبي حلوق شف كل يوم بتويتر المعلمين والعساكر وكل أهل التخصصات يِطلعون هاشتاق يطالبون فيه تحسين أوضاعهم.
يارجل حتى السجناء لهم حقوق وحنَا مالنا غير امسك الباب .
لو معي مبلغ هاجرت من كل العالم العربي ونحرت كندا أو أي دولة تحترم المريض النفسي .