المشاركة الأصلية كتبت بواسطة الحالم بغد افضل

بدون مقدمات
كنت بفكر اخد جلسات كهربا بسبب اني قريت عن تجارب ناجحه كتير وانها بتعالج الاكتئاب نهائيا وبتخلي الانسان يرجع لحالتة الطبيعية بنسبة 100% ودا اللي كان نفسي فيه , انا جربت اكتر من نوع دوا مضاد للاكتئاب وبتحسن بنسبة 60 او 70 في المية وعمري ما وصلت اني ارجع طبيعي ودا شئ كان تعبني جدا .
علشان كدا فكرت في العلاج بالصدمات الكهربائية ودورت عن بداية العلاج بالصدمات الكهربائية وازاي تم اكتشافه وبعدين سألت نفسي سؤال هي ايه اللي بتعمله الجلسات دي تخلي الاكتئاب يروح ؟
العلماء لغاية الان مش عارفين أليه عمل الجلسات الكهربائية ولكن العلماء اكتشفوا من خلال صور المخ بعد الجلسات انها بتعمل علي تنشيط الخلايا العصبية وتجديدها في مناطق معينة في الدماغ
ودا عكس الاكتئاب اللي بيسبب دمور خلايا عصبية في المخ .
لكن موضوع ان اجرب الجلسات الكهربائية برضوا مخيف شويه بالنسبة لي وخصوصا اني بعاني من الهلع برضوا , فكرت قلت مفيش ادوية تقوم بعملية تجديد وتنشيط خلايا المخ بدل الكهرباء دي وفعلا لقيت
ودي المواد الفعالة للادوية

MECLOFENOXATE
VINCAMINE
CITICOLINE
PIRACETAM

الجميل اني لقيت كلام ان الادوية دي بتعالج الاكتئاب ولكن الدراسة عليها قليلة بخصوص الاكتئاب
الادوية دي وظفتها انها تنشط خلايا المخ
انا جبت دواء مصري في المادة الفعالة دي PIRACETAM وبجربه حاليا بجرعة 600 مجم 3 مرات يوميا وحكتبلكم النتيجة بعد كام اسبوع لان مكتوب ان علشان يجيب مفعول بياخد وقت
وكمان اشتريت جهاز tDCS بيدي شحنات كهربائية صغيرة للمخ وقريت عنه برضوا كلام كويس للاكتئاب والقلق , الجهاز لسه موصلنيش واول ما اجيبه واجربه حقلكم النتيجة

اللي اتأكدت منه خلال بحثي وقرائتي عن العلاجات والادوية والجلسات وحتي الجراحات ان المشكلة في خلايا المخ ونشاط المخ , الموضوع مش نفسي ولا اجتماعي ولا معرفي سلوكي , الموضوع كله في المخ , كل دي اسباب ادت الي تلف في المخ , لو اتعالج الخلل في المخ حيرجع الانسان طبيعي
في انتظار ارائكم ومشاركتم لو ليكم تجارب مثيلة