نفساني - عرض مشاركة واحدة

27-03-2024, 01:36 PM

احتاجكم بعد الله ضروري

السلام عليكم ورحمة الله وبركاته

حياكم الله جميعا اخواني اخواتي الكرام سامحوني على التقصير و كل عام حنا وياكم بخير و لله اقرب

الفترة الماضية و الحمد لله تعبت لكن على فترات متقطعة ،. كان في البداية يجيني خوف شديد كل كم يوم و يروح لحاله لين صارت تتكرر على نوبات الهلع و الكوابيس بعد الفجر مباشرة ،. من يوم اصلي الفجر و اقول وردي و اغمض انواع الهجوم اقوم مفزوعة لدرجة اخاف ارجع انام و اقوم انتظر لين الساعة ٩ الصباح أو عشرة ثم انام

بعدها صار يصاحب هذا الخوف اللي يستمر لساعات لدرجة فقدان التركيز فيمن حولي كأني جسد بلا تفكير

صار يصاحب هذا الخوف تسلط الأفكار الوسواسية اللي احاول اقاومها كذا ساعة لين ترحل بسلام

لين ثالث يوم برمضان تعذبت عذاب شديد من فجر ذاك اليوم لليل خوف و هلع و تسلط الأفكار الوسواسية لين حسيت ابفقد عقلي لدرجة ما اقدر اقعد بمكاني احس اني بطير من مكاني من رجفة قلبي و الخوف لا تركيز بصلاة و لا بقران و لا شي
حتى الوقت اطالع بالساعة ثم ارجع اطالع عشان اتأكد انا بنهار او ليل نسيان فظيع مع عدم تركيز

لين مر كذا يوم مع قدرة بسيطة على المقاومة لين جات الطامة فجر الجمعة الماضية يعني من ست ايام حتى النوم ماني قادرة انام
وسواس و أفكار متلاحقة خوف هلع قلب طوال الوقت يرجف اتحرك بشبه وعي احس اني بعالم ثاني مافي تركيز و كل ما اجي اغمض غصب عني مو بكيفي من شدة الإرهاق و التعب و انا جالسة يهجم الهلع و الوسواس و يزيد لدرجة احس برودة شديدة و رجفة و دوخة و بالاخير ما انام

اضطريت امس رحت طواري الساعة وحدة بالليل لمجمع طبي جنبنا قلت ابغاهم يعطوني اي شي يسكن اوصالي بموت حتى مدري كيف لبست و رحت مافي تركيز من الرعب و تسلط الوسواس لين قالوا فيه طبيب نفسي ادخلي عليه فاضي و كتب لي فافرين مع سيركويل حتى ما ناقشته بصعوبة اتكلم و اتنفس و عيوني تدور من الرعب ماني حاسة بشي حولي من انعدام التركيز

انا ابقلكم عن مخاوفي

المصدر: نفساني