نفساني - عرض مشاركة واحدة

09-02-2016, 04:35 AM

اقتباس:

المشاركة الأصلية كتبت بواسطة متفائله بك يارب

يا جمااعه من وجهة نظري الشخصيه حاولوا قدر الامكان ما تاخذ الادويه النفسيه لان اذا اخذتها مستحيل تقدر تتركها ...
انا ندماانه اشد الندم اني اخذت العلاج الدوائي لو يرجع الزمن لما فتحت على نفسي هذا الباب .. لكن الدكتور المعالج الله يسامحه اهو اللي بدأ معي العلاج بسرعه

وجهة نظر نحترمها ونحترم صاحبها
ياأختي الغاليه .. التشخيص الصحيح للمريض عندنا من الدكاتره بصراحه بنسبه ضعيفه
هذي نقطه .. الثانيه العلاجات تصرف بوصفه مقيده بالعربي راح تكون غير متوفره بستمرار وأحتمال ينقطع بشكل نهائي
مو لازم يقولها الدكتور لكل مريض
الثالثه ياأختي .. هذا قرار أتخذناه نحن لأنفسنا منذ بدايه موافقتنا لأنفسنا الذهاب
لعياده نفسيه للمعالجه فلا ألوم نفسي وأنا اللي جاي برجلي << مع أني أعرف ناس شخصيا" أسواء مني حاله ولايفكر يذهب لهذه العيادات مطلقا"
وحسب اللي أعرفه انه نسبه كبيره اللي استمرت عل العلاجات
الرابعه .. هذي خاصه فيني .. وكانت كالتالي :
قبل 14 سنه تقريبا" ذهبت لهذه العيادات وفتحت ملف وقتها حسيت فعلا" اسمحولي بهذا الكلام (اني انسان مختل عقليا" أو مجنون او....)
لأنكم تعرفون وضعها وتقييمها بين المجتمع فلذلك من شدة حرصي والحمدلله محد يدري عني ابدا"
عموما" دخلت عل الدكتور وشرحت له وضعي كذا كذا كذا أعطاني اوراق قال جاوب عليها وجاوبت عل الأسئله بعدها قال اجلس عل السرير
وخذ شهيق وزفير وبعض الحركات نسيتها طفشت من هالوضع قلت يادكتور مافي علاج اكله قال هذا بعدين قلت الشكوى لله وراحت الجلسه الأولى والثانيه والثالثه ماجيته
غيرت الدكتور وعطاني علاج من شلة العلاجات العاديه النفسيه اللي تستخدمها كل يوم
أستخدمتها فتره بسيطه وتركتها
وراجعتهم بعده فتره وأستقريت الى هذا اليوم عل العلاجات المقيده وهي فعلا" تعالجني بنسبه كبيره والحمدلله
والأنسان ماهو معمر في هذه الحياه يعتبر هذا العلاج جزء من حياته لابد من أستخدامه يوميا"
مع العلم اني لاأستخدم علاجاتي المقيده بشكل يومي
وتجربتي أكيد تخلف من شخص لآخر

المعذره عن الأطاله أحب أذكر التفاصيل الممله