نفساني - عرض مشاركة واحدة

20-03-2013, 04:41 AM

وعليكم السلام ورحمه الله وبركاته
انت ان شاء الله مابك الا العافيه بس الشيطان حريص انه يخليك تترك الصلاه انت عانيت وتعبت ومريت بايام مؤلمه لكن ان شاء الله ماراح يروح تعبك سدى ان شاء الله تكفير ذنوب وتمحيص

لازم تضغط على نفسك وتحاول تحافظ على الصلاه لان الشيطان يفرح ويستانس ويتشقق من الفرح لو شافك ماتصلي لانه بكذا راح يقدر يتسلط عليك اكثر الحين انت تقول بديت أنسى الايام لا أعرف ماهو اليوم حنى أحد قال اليوم مثلا السبت وبعد فترة أقعد فكر اليوم ايش أشك أن السبت وكذا حتى التاريخ وبعض ما أحس بالايام فجأة يقولون الاربعاء ماتفرق الايام عندي أنا أحس نفسي لست مريض
شف هو يتدرج معك لين تدخل في وساوس ثانيه وتبداء تتعب من التفكير وتبدء تدخل في دوامه

انت قادر انك تصلي وتقدر تخشع بالصلاه بعد من قال انها صعبه لالالا موب صعبه عليك يمكن مااحد يعرف قدر الالم اللي مريت فيه انت ولكن انت فكر كم من الايام راحت وانت صدقت وامنت بانك لاتستطيع التخلص من هذه المشكله اخي لازم تمسح هالفكره من راسك لانها ليست فكرتك انت اقنعت نفسك وانت لاتشعر انك ماتقدر تصلي خلاص احاسيسك ومشااعرك تبرمجت وخلاص تصير تحس انك ماتقدر تصلي وبعدها يبدى الوسواس يشوف شغله كلنا نتفق ان الوسواس القهري صعب ومتعب لكن الشفاء منه ليس مستحيل
ابسالك سؤال وانت فكر من اللي بيفرح اذا تركت الصلاه ؟
الجواب مافيه الا مخلوق واحد وهو الشيطان وهذا وش يدل عليه يدل على ان الشيطان سبب في مشكلتك وانت لازم تحاربه أنسى الايام اللي مريت فيها قبل حتى لو كانت مؤلمه انت حاول الان واعرف ترى الارداه مهمه الاراده والعزيمه وراح تقدر تصلي لان الصلاه صله بينك وبين الله سبحانه تخيل يااخي تقطع الصلاه يعني تقطع الصله بينك وبين الله سبحانه
انت حاول تغير الفكره اللي تخزنت في عقلك الباطن انك غير قادر على الصلاه امسح هذه الفكره تماما ولاتنسى تشكي لله سبحانه فضفض له قل له كل اللي مزعجك واللي متعبك الله عارف وعالم بحالك لازم تلجأ اليه وماراح يخيب رجاك سبحانه
وثانيا تعوذ من ابليس ودايم قل حسبي الله ونعم الوكيل رددها دايم
ثالثا يمكن تحتاج دواء مثل ماقال الاخ ابو حسن ولاتنسى تقرى الرقيه الشرعيه بأذن الله راح تتحسن

الله يشفينا جميعا