المشاركة الأصلية كتبت بواسطة عيون متفائلة

هلا بك اختي

مرة بدري رفع الجرعة بعد ثلاث ايام فقط

عشان كذا زادت عندك الأعراض

تدرين زمان صرف لي الطبيب البروزاك اللي نفسه الفليوزاك المنتج المصري ، صرفه لي بدون دواء مساعد في السيطرة على الأعراض اللي تبي تزيد مع أخذه تعبت كثير من ثاني يوم و زاد الوسواس و الهلع لدرجة ماني قادرة اجلس في مكان واحد و لا اصلي و لا اكل و لا انام
كهرباء فظيعة تنفض جسمي كله طوال الوقت لين دخت و رحت طوارئ و اعطوني محاليل وقتها صرف لي الطبيب ريميرون دواء مساعد يسيطر على هذي الاعراض

البروزاك دواء قوي جدا ما يتحمله مريض الوسواس لحاله كيف و انت رفعت الجرعة بعد ثلاث ايام فقط

اقل شي ترفعيها بعد شهر شهرين

انت الان ارجعي للجرعة البسيطة و استمري عليها شهر اقل شي و طمني نفسك بذكر الله طوال الوقت و تحصني صباح مساء و خليك على وضوء و اقرئي و استمعي لآيات السكينة و فالك العافية يارب