نفساني - عرض مشاركة واحدة - ماادري من وين ابدا 😭لاتهملوني تكفون ادخلو احتاجكم

11-10-2023, 06:42 PM

اقتباس:

المشاركة الأصلية كتبت بواسطة رحماك يا الله

انا مريت بظروف وضغوطات بحياتي رغم هذا كله حاولت قد مااقدر ابي اني مستانسه وان مافيني شي

مريت بوساوس كثييييره وافعال قهريه

مريت بصدمات وعشتها من نفسي بيني وبين نفسيي
وعندي هموم محد يعرفها الا انا وامنيات اتمناها تتحقق

اول شي جاني وسواس الموت واخاف اني مااحقق شي اتمناه
ثالث شي اصعب شي وسواس الامرااض وخصوصا الامراض الخبيثه كفانا اللـّه شرها واياكم يارب وسنوات على هذا الحال اخلص من وسواس ادخل بوسواس غير الافعال القهريه اني افحص جسمي كله وغير اني اخاف امسك جسمي
غير الالامم اللي احس فيها برقبتي وصدري وظهري ورجولي وكل شي اي نعم سويت فحص اعاني من نقص فيتامين د وسوالي الدكتور تحاليل ماادري حق شنو بس الشيطان مصمم ان انا فيني شي خطيير

علما ان فيتامين ب 12 الحمدالله زين

للحين ماوصلت حق الشي الاهم واللي خلاني افقد الامل خله نفسيتي دمار
كما اعاني من انقطاع الدورة اكرمكم من من 6 سنوات انا عمري 31 لكم الحسبة كم كان عمري لما انقطعت

المهم سويت فحص هرمونات للاسف شخصوني بان حالتي حالة سن يأس مبكر وانا عمري 31 وانقطعت وانا صغيره

السبب الهموم والضغوطات النفسيه والوسواس القهريه والحزن

فعلا انا سنوات حزينه محد يعرف باللي حس فيه

المشكله ادخل واقرا سن الياس يعني خلاص كبرت صرت عجوز بتطلع لي تجاعيد والامم بجسمي وعظامي واني ماني نفس البنات اللي بعمري يعني راح انحرم من الزواج والانجاب قالولي الدكاتره نفسيتج نفسيتج شلون اعدلها وانا اشوف اللي حولي يتزوجون ويستانسون ويجهزون حق عرسهم وانا ناقصه بسبب اني وصلت سن ياس مبكر وانا بعمر صغير نفسيتي حيل حيل تعبانه وكل يوم اصييح وغيير الافكار اللي تجي وتروح غيرالالاام تخليني اوسوس احس باختناق برقبتي واكثر شي خرعني اللي يوصل سن الياس تجيهم امراض خطييره وخبيثه انا انصعقت ودخلت نوبة بكاء ووسواس وبس جسمي تعبت من اللي انا قاعده اسويه تعبت من الوسواس تعبت من الافعال القهريه حسيت اني انتهيت مالي اي هدف بالحياة حتى احلامي وامنياتي احسها تبخرت وان مافي شي بيتحقق لي ادري كله من الشيطان لكن غصبن عني يجيني هالتفكيير اخخخ ياررربي فرج همي ويسر امري واشرح صدري يارب تكفون طالبتكم هونو عليي ابيي دعواتكم لييي بالشفاء العاجل انا فقدت امي وابوي ماهم على قيد الحياة امي كانت تهون علي اذا حزنت وضقت اخخ ياربي نفسيتي تعباانه اعيش بصراعات مع نفسسي تكفون ادعووولي لعل احد منكم دعوته مستجابة ادعولي في صلاة القيام احتااج دعواتكم لاتنسوونيي

هذي الالام اللي في جسمك كلها بسبب القلق والوسواس ايضا من القلق ، وحتى التفكير في الزواج وسن اليأس حتى هذا من القلق

انا مريض وسواس قهري سابق ، الحمدلله شفيت ، وبعد ما شفيت اكتشفت ان القلق ما يجيب لك وسواس فقط ، حتى افكارك تكون سوداويه

ثقي تماما اي فكره سوداء وحزينه تجيك ، هذي من القلق والواسواس ، لا تعطيها وجه ولا تسايريها

لكن السؤال هل تستخدمي ادويه ؟

وانصحك تستخدمي زيت السمك بجرعة يوميه بسيطه ، تعدل المزاج والقلق وتمنع الوسواس