|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الرهاب هل تعاني من الرهاب ...؟ لست وحدك في ذلك!... |
 |
|
|
أدوات الموضوع |
20-11-2014, 09:01 PM
|
#1 | ||||
|
عضو جديد
|
يعنني ببقا طول عمري اكره الناس والاجتماعات؟
السلام عليكم ورحمة الله وبركاته
اتمنى الجميع بخير . اول شيء انا مادري وش فيني ماني عارفههل اللي فيني رهاب اجتماعي او اكتئاب او ايش بالضبط! انا عمري 19؟تزوجت من عمري 18؟ احس فيني مرض قاعد يزداد؟ قصتي من الاول هي انني بالمرلحلة الابتدائية ماكنت خجوله وجريئه جدا والكل يحب سوالفي حتى المعلمات يسولوفون معاي ماكنت اخلي اذاعه الا واطامر فيها ماكنت اخلي حفل الا وانا اول من فيه ..كنت انتقد وابدي رااي واضحك وماعلي من احد؟ طلعت للمرحله المتسوطه احس اني فقدت امي اللي مانت معاي ومديرة مدرستي الابتدائيه بديت انطوي وماحب اسولف ولا ارفع صوتي حتى ماكنت احاول اكون صداقات جديده مكتفيه بصديقاتي اللي طلعو معاي من الابتدائيه وعندي رهبه شديده اني ابدي سالفه للناس غريبه غير صديقاتي اللي متعوده عليهم؟ حتى بعض صديقاتي يقولون انك انتي بالعكس تسولفين وتضحكين واسلوبك حلو معانا لكن اذا جلسنا مع شله ثانيه مره مانسمع لك نفس؟ حتى لدرجة تخلو عني بعض من صحباتي. المرحله الثانويه نقلت مدرسه جديده غير مدرسة الحي اللي صحباتي فيها؟ يالله كان ابشع ترم يمر علي بحياتي كنت وحيده والبنات يحتكون فيني وابدا مالي صوت اذا مشو مشيت واذا جلسو جلست مستحيل اسولف مسسستححححححيل بس اسمع واضحك مجامله؟تخيلو اذا سولفت ارتبك واحس وجهي يحمر واحس سالفتي بايخه؟ خلاص بس ابكي وابي ارجع لصديقاتي اللي من الابتدائي؟ماني قادره اكون علاقات اجتماعيه ابدددد ماغير حزينه والكل يحسبني مريضه؟ مستخيل اتعود ع احددد وامون عليه مسستحححيللللل. المهم رجعت لمدرستي ولصديقاتي القدماء ومشت اموري الحمدلله وبصعوبه رغم اني جريئه معاهم هوما الا مع الناس الثانيه ابدددددا ماقدر اتذكر نفسي معاهم لما كنا نتجاكر بالابتدائي ومع المعلمات ونتهاوش مين يطلع بالاذاعه واللحين هم استمرو ع اسلوبهم وانا اللي مدري وش فيني؟ سبحان الله انا اللي كنت مهجدتهم ؟وشايفه نفسي عليهم وبنت الاستاذه>تفكير الابتدائي؟ صرت اللحين بس اسمع لهم وهم يجاكرون المعلمات ويتكلمون عن الصعب وعن السهل وعن رأيهم بالفصل اللي عاجبهم واللي مو عاجبهم وانا مجرد مستمعه. مرت الايام وتخرجنا وتزوجت توقعت ان ذا الشيء فتره معينه وبتعدي الا واني طايحه ع وجهي؟ زوجي تعودت عليه بصعوبه وابدا ماحاول ابين له اني منطويه واكره الاجتماعات والناس؟ اول شيء انتقلت من مدينتي لمدينه ثانيه؟ماتتصورون قد ايش عانيت واي احد يمر بحالتي عارف شعوري ..اسواء لحظات عمري لما ازور اهله؟ ماتكلم بس ساكته احس سالفتي بايخه وماعرف اضحك؟ الكل يقول اني استحي وخجوله؟احسهم مررااا ملو مني؟ ولا لما يجيني خبر انهم حيزوروني يالله يالله قد ايش اكون محتاسه وخايفه ومرتبكه ومتوتره .. ومره اجتمعو (خالات وعمات زوجي؟والكل يمون على بعض وضححك وسوالف وهذي تسب هذي بمزحه وهذيك ترد والكل مستانس الا انا؟ والطامه يوم جاء وجلس زوجي!!!!يستناني بس اقول حرف؟ماقدر احس اني ارتبك وارتجف وماعندي سالفه حتى محد صار ينتظر مني هرجه؟ حتى بالجامعه ماعندي صديقات تخيلو؟ واسوي نفسي عند زوجي ان عندي صديقات واتراسل معاهم ع الواتس واقولو صار كذا بالجامعه وكذا وانا ماعندي سالفه؟ السؤال هل ممكن اتغير واصير جريئة واضحك واستهبل واعلق ع اللي يعجبني واللي مايعجبني ؟ اقدر اصير اجتماعيه احب الزواحات والمتاسبات والاختفالات ؟؟؟ اقدرر ولا بظل طول عمري كئيبه وحزينه وع هالنت وع صديقات الطفوله؟ لاتقولون لي روحي طبيب نفسي انا مستحيل افاتح زوجي بموضوع كذا مستحيللللل. ملاحظه ابوي الله يحفظه الاحظ ان فيه هذي العزله ولكن بشكل طبيعي يعني اذا لقى احد يسولف ويقدر يمشي الوضع بحلاوه؟ وانا ايضا فيه ناس امون عليهم زي بعض من عماتي وبعض من بنات عماتي وبعض من بنات خالاتي ؟ لكن ودي اكون جريئة مع الكل واترك الانطواء والخوف والرهبه اللي تجيني لما اشوف ناس غرباء ؟؟ ايش تنصحوني فيه ومن كان مثلي وتعافى؟ المصدر: نفساني
|
||||
|
|
20-11-2014, 09:09 PM
|
#2 | |
|
عضو جديد
|
وهل حبوب السييروكسات ممكن تعدل وضعي؟
ولا ماتستخدم لنفس حالتي؟ واذا استخدمتها اهم شيء اقدر اصير جريئه ومحبوبه واسلوف واضحك واتغلب ع الهم والارتباك اللي يجيني كل ماشوف ناس معينه او ناس غريبه؟ |
|
|
|
|
22-11-2014, 06:14 AM
|
#5 | |
|
عضو نشط
|
جربي العلاج السلوكي اول
لاتفكرين تاخذين حبوب الا بعد ماتجربين العلاج السلوكي وبما انه ماتبغى تقولي لزوجك مبدئيا اشتري كتب واقرايها ترى تفيد زي دع القلق وابدا الحياه كيف تكسب الاصدقاء وتؤثر في الناس هذي الكتابين لنفس الكاتب وفادت من تجارب كثيرين مرضى ويستخدمون ادويه نفسيه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
