شــــــــورايكم؟

شــــــــورايكم؟

السلام عليكم

الوسواس الوسواس الوسواس خلنا نتغلب عليه ، ليش نخلي الشيطان يضحك علينا ، هو مستمتع باللي يسويه فينا ، كل يوم يمر علينا بحزن وكدر , ونزيد عمرنا من الوسواس بإنه نسير نبحث عن هالكلمه في النت

تجاهلوا الموضوع نص العلاج

الشيطان يبغي يغوي بن آدم , يخلينا نحن محتارين وهو يتم يضحك علينا ..

اشغلوا انفسكم , العبوا رياضه، اشتركوا في برامج , دورات، اجلسوا مع ناس ومكان فيه حركه وسوالف واندمجوا مع الناس

يمكن وانتوا تسون هالاشياء الشيطان بيرد يوسوس وبتقولون مافي فايده ، من اللي نسويه ، لأنه هو مصر إنه يعيشكم في قلق ووسواس , من تجيكم الفكرة , غيروا مكانكم على طول

يالله نعيش نعيش بسعاده وخلنا نشجع بعض إنه نتغلب على الوسواس

ياليت يكون في تفاعل .. لأنه انا سجلت في المنتدى بس ما اشوف حد يرد على مواضيعي

المصدر: نفساني

بنت الظبي شلونك ان شاءالله طيبه ...كلامك صحيح لازم نغلب ونهزم الوسواس بس اوقات استغفر الله يكون الوضع زايد مع اننا تعودنا عليه الا تجيك اوقات نحس انو مو وسواس حقيقه انا بالذات وقت نومي اتعب وما انام الا بصعوبه تجيني ايام اقدر اسيطر عالوضع بس اوقات وربي احس اني خلاص ودي اصرخ ..بس لازم نشجع بعض الله يعيننا ويقوينا يارب انتي اش نوع وسواسك ولك كم .

مرحبا ام جميل الله يشفيج ويشفي الجميع يارب

كل ماترد الحاله قولي حسبي الله ونعم الوكيل وقوي عمرج.

انا احس هالشي ياني لانه صابتني عين وسرت عند شيخ يرقيني وقال اداوم على سماع الرقيه

وانا اقول وادعوا الله وابكوا وخاصة في السجود وان شاء الله بيطير الشر والوسواس

والله بحاول اختي رغم اجد صعوبه

و عليكم السلام و رحمة اللهو بركاتة

أهلين أختي بنت الظبي

صح الشي وايد صعب بس نحاول ليش ما نحاول

و الله المستعان.

اخويه كريم انا كذلك اجد صعوبه بس خلنا نحاول نتغلب على الشيطان

اختي السويدى الله يعينا بس وان شاء الله نسعد بحياتنا

انا بعد وياكم بحاول رغم صعوبة التنفيذ
الكلام سهل بس الفعل صعب
بس صح كلامج لاوم نحاول ومانستسلم

اختي جامعيه، المحاوله يمكن تخلينا ننجح في النهايه، ولو يوم احاول ارد اقول لالالا ماظن انبسط ! بس أحاول أهزم الشيطان، ولازم كل خطوة تخطينها وحسيتي بلحظة سعاده وفجأة حسيتي بخوف والوسواس بدأ ، تعووذي من الشيطان الرجيم

لأنه هو اللي يخلينا نفكر بهذي الطريقه ..

مره مرتين ثلاث اربع . الخ وإن شاء الله نفوز

ياااااارب يفرج همنا

وعليكم السلام
هلا اختي شحالج
لازم نتقلب ع الوسواس
وانا وادا زاد الوساس اصلي واقرا قران
وان شاءالله يكون الايمان قوي

هلا اختي ( عشقي الامارات] ) يمكن الواحد يوم يكون روحه اكثر يوسوس ، اتعوذي من الشيطان وأقري سورة الناس .. والله يزيل همنا جميعا

اختي بيض الله وجهك وستر الله عليك وعلي جميع بنات المسلمين معاااااااك الحق والله كلها وساويس من الشيطان خلونا نتحدا الشيطان لو كان خوفك من الموت
حبه الموت لا تخا منه اعتقد كل من عليها فان يعني بتموت اليوم او بكره او بعد الف سنه منت مخلد عيش يومك والله احاول اعيش اليوم بس ما قدرت وابي احاول
واحاوم واقاوم والله يشفيني ويشفيكم يا رب

ويهك ابيض اخي الكريم فيصل، بس شوفوا الوسواس يكون اكثر في البيت أو برع او نفس الشي، إن كان في البيت أكثر حاول تطلع، حتى لو طلعت ممكن الشعور يكون ملازمنك، بس اشغل نفسك، وحاول تحشر نفسك مع الناس، سير أماكن

مزدحمه ، تنشغل عن الفكرة ، كرر هالحركه كم يوم ، سير أمشي فرغ الطاقة السلبية ، وبإذن الواحد الأحد أن يشفينا جميعا