|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
 |
|
|
أدوات الموضوع |
16-02-2013, 11:03 PM
|
#1 | ||||
|
عضو جديد
|
تجربتي مع الوسواس القهرى و فافرين faverin
السلام عليكم ورحمة الله وبركاته ..
اتمنى تكونو كلكم بخير و في أحسن حال .. يا ريت من يقرأ مشاركتى يقرأها للنهاية وان شاء الله سيجد الخير قبل ان ابدأ بمشاركتى اود ان اوضح ان من اسباب تلك المشاركة ان ينتفع الغير بها وذلك لانى لما كنت مريض جدا بالوسواس القهرى كنت اريد ان اعرف عن تجارب أناس ف العديد من الادوية واثارها واي الادوية له افضل نتيجة واقل اضرار ..واكتشفت فى الاخر الاتى ..ان فعلا كل واحد له كدا زى ما بيقولو كيمياء يعنى فيه ناس تأخد دواء يعمل معاها مفعول وناس تانيه تأخد نفس الدواء ولا يعمل حاجه ويجيب كمان اعراض جانبية ..وفيه قاعدة عامة ان انت لازم تبقى متابع مع دكتور ولو يعنى لاى اسباب انت بتحاول تعالج نفسك من غير دكتور يعنى من خلال استشارة دكتور على النت لازم تأخد بالك من نفسك ..بس انا افضل انك على الاقل تتابع مع دكتور ودا ممكن من خلال موقع محترم وموثوق به من على النت دا يعنى اقل حاجه لو مش عارف تروح لدكتور ف عيادة لاى سبب بس ف حاجه لو مش متابع مع دكتور ف عيادة حاول تقرأ الاثار الجانبية للادوية بسرعة وتنسى خالص انك قرأتها ولو لا قدر الله حصل حاجه حتلاقى نفسك افتكرت انها من الدواء وحتبدأ تدور او تسأل بس على العموم اغلب الادوية لها اثار شائعة مثلا جفاف نوم معدة حجات بسيطة كدا دا اساسى بس اسبوع ولا اسبوعين على الاكثر وبتروح خالص الاعراض البسيطة دى واحذر احذر احذر انك تأخد دواء اى كان المهم انه مصنف انه دواء نفسى وتبطله من نفسك او حتى لو خدته كام شهر ومش جاب نتيجة وعايز تغيرة لازم زى ما بدأت بالتدريج توقف بالتدريج وتصبر كدا اسبوع وتبدأ ف الدواء الجديد....لانك لو مش عملت كدا .. حتقابلك مصاعب واعراض من دوخة وعدم اتزان وغيره يبقى احسن نتبع التعليمات.الكلام دا طبعا للناس اللى مش بتاع مع دكتور اما اللى بيتابع مع دكتور فالدكتور حيبقى مسئول وحيفهمه كل حاجه..تمام كدا.. قصتى من هنا انا كنت اعانى من وسواس قهرى قوى جدا جدا جدا لا يمكن تخيله دماغى كنت عايز اخلعها زى اللمبة اللاووظ..هههههههههههههههههههه بجد والله..بس بفضل الله اولا ثم هذا الدواء فافرين faverin للوسواس القهري ، واستمريت على هذين الدوائين لمدة تزيد عن 4 شهور تقريبا...مع ان المفروض المدة من 6 شهور لـ سنه ..بس الحمدلله جاب نتيجة كويسه وحاجه كمان بفضل الله انا حاولت اعالج نفسى سلوكيا يعنى اهمل الوسواس وحجات تانيه كتير حتلقوها على النت اساليب العلاج السلوكى للوسواس ولو الواحد استسلم او خد الدواء بس من غير مقاومة منه هو يبقى بينفخ ف الهواء ..تمام.. الحمدلله لا يوجد لدواء فافرين معى اى اثار جانبيه الا ما حدث اول اسبوع وهو طبيعى وممكن يروح كمان قبل اسبوع جفاف فم صعوبة ف الهضم او المعده . لكن لا يوجد اى اثار اخرى الحمدلله الخلاصة لازم الواحد يأخد بالاسباب ويعالج نفسه والله سبحانه وتعالى وفر لنا بفضله الادوية دى وامرنا اننا نأخد بالاسباب ولا نهمل ولا نتواكل ولكن نفعل ما علينا ونتوكل على الله .. غير صحيح ان الكل يشعر بكل الاعراض الجانبيه ولكن الشركة المنتجة بتعمل ابحاث على الدواء وتجارب سريرية على أناس قبل ما نتنتج لو لقت واحد من المليون حصل له اسهال مثلا لازم تكتب ان الاسهال من الاعراض..يعنى اقصد كل واحد وظروفة.. دواء فافرين مناسب جدا للوسواس ودا وفقا لتجربتى وان شاء الله ينجح مع ناس كتير.. انا الوسواس راح منى خالص بفضل الله ف اقل من اربع شهور ولكن انا كملت لحد اربع شهور ووقفت تدريجيا مع ان المفروض زى ما قلت من 6 شهور او حسب الطبيب لن يشعر احد بتحسن لاى دواء نفسى قبل من اسبوعين لشهر ..يبدأ يعنى يحس بتحسن ولا يحكم على الدواء قبل ذلك وفيه ناس اكتر من شهر كمان .. والتأثير النهائى بقى حسب الحالة وحسب الشخص ..بس يكفى انه حيتبسط ويكون عنده عزيمة لما يحس انه بدأ يتحسن بعد انتهاء من العلاج بأشهر كثيرة احسست ان الوسواس ساعات بيجى لى بس بسيط جدا جدا جدا ولا يؤثر وحتى مش حاسس بيه كدا حاجه لا تذكر ودا كمان يمكن لانى مش استمريت كتير على الدواء..ما بالك بقى اللى يكمل 6 شهور مثلا او سنه .. اعمل اللى عليك وخد بالاسباب دوائيا وسلوكيا ..وادعى ربنا ..لانى كنت دائما ادعو الله خاصة ف تلك الفترة والحمدلله لازلت احمد الله وادعو الله ان يثبتنى قبل ما تأخد الدواء قول : اللهم انى اسألك ان استفيد من الدواء وخير ما فيه وان تجنبنى وتصرف عنى شر ما فيه... وتقول بسم الله الذى لا يضر مع اسمه شىء فى الارض ولا فى السماء وهو السميع العليم..توكلت على الله..وحسبى الله ونعم الوكيل ولا حول ولا قوة الا بالله العلى العظيم وصلى على الرسول عليه الصلاة والسلام ..وخد الحبايه..وان شاء الله حتكون زى الفل ..وانا عملت كدا.. ودى تجربتى اتمنى من كل واحد لما يخف ان شاء الله يكتب تجربته ..عشان الكل يستفيد..."حب لاخيك ما تحبه لنفسك".. كل اللى بيقولو لاى حد عنده وسواس..اقرأ قرأن او صلى او ادعى ربنا .ومش يقولو روح للدكتور معاهم ..دول ناس جهله جدا وسبب اننا اصبحنا دول نامية بجد ..والدليل ان ناس متدينه جدا عندها وسواس قهرى حتى فى الصلاة والضوء وغيره... ولذلك انا بقول ان القرأن والصلاة والدعاء صح مئة بالمئة بشرط ان يكون ذلك مع الدواء لان الوسواس القهرى مش مجرد فكرة دا نقص او خلل ما ف مادة اسمها السيريتونين .. والخلل دا مش حيروح الا لما نأخد الدواء ..وطبعا القرأن والصلاة والدعاء..اكيد من العلاج السلوكى لانه حيعمل راحة نفسية وربنا حيساعد المريض لانه خد بالاسباب ومش اهمل ولا تواكل .. اسف على الاطالة ..ودى مجرد تجربة ليست دراسة علمية او بحث علمى.. الغرض منها ان المريض اللى من نفس الحالة لما يشوف حالتى يشعر بأن الامل موجود وينتبه لبعض التعليمات اللى ممكن تقبله.. وانا غير مسئول عن اى حد يأخد دواء من غير متابعة طبيب .. اى استفسار ان شاء الله انا معاكم..واى حد عنده حالة خاصة ممكن يقولها لى وانا احاول اقول له ارشادات سلوكية لانى بحثت وبقى عندى خبرة ف الوساوس بانوعها.. وشكرا جزيلا ...اتمنى الدعاء لى ولوالدتى ووالدى واسرتى والمسلمين والمسلمات جميعا بالخير.. المصدر: نفساني
|
||||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
