|
|
||||||||||
الملتقى الإسلامي قال تعالى : (( إِنَّ الدِّينَ عِنْدَ اللَّهِ الْإِسْلَامُ ۗ وَمَا اخْتَلَفَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ ۗ وَمَنْ يَكْفُرْ بِآيَاتِ اللَّهِ فَإِنَّ اللَّهَ سَرِيعُ الْحِسَابِ )) |
|
أدوات الموضوع |
26-01-2010, 08:41 PM | #121 |
عضو نشط
|
قصتي فضيعة تعالوا اسردها حبة حبة .
كان معي زميلة تحكي لنا نحن البنات ايام الكلية قصص رائعة مفيدة الله يذكرها بالخير . المهم ما اطول عليكم حبيباتي .. تقول فيه وحدة من قريباتها كانت تعاني من عدم الانجاب لسنوات عديدة والبنت هذي لا تعمل رغم انها متخرجة من كلية التربية الادبية اللي في الملز قبل ان تكون مجمع .\الكليات المهم ظلت فترة تحاول في الانجاب اوحتى وظيفة تسليها وتشيل عنها هم التفكير في العيال وكان هم زوجها رغم هذه السنوات العديدة الاتحمل ببنت لان جماعتهم باقي عندهم فكرة الولدولاالبنت . بعد الطفش من لمراجعات في العيادة قابلت بنت ملتزمة حافظة لكتاب الله كما قالت فسالتها البنت اش فيك حزينة ومكتئبة لا يكون احدالعيال تعبان فصاحبتنا سقطت دمعتها وقالت من وين ياحسرة ما في البيت الا دمى لكل واحد له اسم فعندي خالد ومحمد وصالح باسم ابوية ونورة باسم امي . قالت وحدي الله وما ابغى اشوف احد اليوم زعلان لان اليوم اتممت تسميع اجزاء القران على المعلمة (بنات على فكة صاحبتنا ام الدمى التحقت بدار ذكر في اسمه دار القران كان تعرفونه .)فحكتلها البنت السالفة من الى وكيف ان زوجها يعاملها الشين لاجل الانجاب ويهددها بالاخرى والبنت تحبه وتتمنى الموت ولا الضرة . المهم قالت الملتزمةوكلنا ان شاء ربي ملتزمات بطاعته ولانزكي انفسنا ؟الزمي الاستغفار وان لم يتبدل حالك شاء ربي فلا تسميني فلانه . سبحان الله بعد فترة حملت البنت وفي نفس الشهر نزل تعيينها في منطقة النماص في الجنوب وبعد تسعة اشهر بشرها الدكتور بمولود اسمته (عبد الله )وبعد النفاس فقط باشهر قليلة حملت وكانت نهاية مانقلته زميلتنا عنها اعطاها الله الولد((البنين )) الوظيفة ((اموال )) الجو الرائع الممطر ((يرسل السماء عليكم مدرارا )) سبحان ****قلت وقولك الحق . ما رايكم في القصة التي لا زلت اذكرها من سنوات |
|
26-01-2010, 08:42 PM | #122 |
عضو نشط
|
هذي قصة حقيقيه صارت في االاجازه الصيفيه اللي فاتت
وحده من صديقات امي ضعيفه ماعندها عيال وزوجها كبير في السن ومريض مايوصل حتى الحمام اكرمكم الله وحالتهم المادية اسواء من السيئه علاج زوجها في الاسبوع مية ريال وماعندهم مصدر دخل معتمده على الناس وصدقاتهم المهم في الاجازه كل اللي يعرفونها ويعطونها سافرو طبعا من ضمنهم الوالده الله يحفضها... تقول صديقة امي وصلت مرحله مافي بيتنا الا المويه فقط ...والرجال له اسبوع ماخذ علاجه وصار بين الموت والحياة يستفرغ الله يكرمكم دم...تقول جلست استغفر واستغفر تقريبا استغفرت 1500 الف وخمسمية مره وكبرت اصلي مادريت الا بطفل يطق الباب واسمعه يقول خاله خاله تقول كملت صلاتي وبعدها فتحت الباب مالقيت احد..رجعت اصلي وادعي الا اسمع وحده تطق الباب تقول بيت فلان تقول جيت بسرعه وفتحت قلت ايه بيت فلان تقول رمت علي ظرف وسكرت الباب بدون ماتتكلم تقول لما فتحت الظرف لقيت فيه الف وخمس ميه ريال...تقول ماتتخيلون فرحتي عرفت ان الله ماينسى عبيده وان هذا ثر استغفاري الله ارسلي رزقي ورزق زوجي المريض كان هناك امرأه قد تعبت من ضيق الحال والدين الذي ورطها بها احد الاقارب ولم تجد حلا سوى الاستغفار وبذلك من الله عليها بان تقدم لها رجل ليتزوجها وقضى عنها الدين وهي الان تعيش برغد و الحمد لله بعد ان كانت تصوم لقلت الطعام |
|
26-01-2010, 08:43 PM | #123 |
عضو نشط
|
والله اني لما اكثر من الاستغفار الاحظ في نفسي طمانينه وسكينه وتيسير في الرزق
لدرجة ان صار زياده في راتب زوجي غير متوقعه وصار يعطيني هذه الزياده لي وهو لم يكن من قبل يعطيني اي شيء في يدي صحيح مايقصر علينا في شيء لكن انه يسلمها في يدي فهذا والله لم يكن الابفضل الله وحده بعد مداوتي على الاستغفاربكثره وباذن الله لن اتركه لاني المس بركته في حياتي كلها فنصيحتي لكن اكثرن من الاستغفار فهو اساس كل خير |
|
26-01-2010, 08:44 PM | #124 |
عضو نشط
|
حضرت محاضرة لاحد الداعيات وكانت تتكلم عن فضل الاستغفار وذكرت قصة انرجل كان عليه دين كثير وهو فقير ولم يستطع ان يرد الدين لاصحابه ففي النهار بابه يطرقه الرجال يريدون ارجاع اموالهم وفي الليل الهم يقتله وهو محتار جدا فسمع حديث الرسول صلى الله عليه وسلم (من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب)فلزم هذا الرجل الاستغفار وتقول الداعيه ان هذا الرجل كان يمشي وهو يستغفر وكان بقر ب مكتب عقار فراى صاحب العقار يسلم عليه ويعطيه مبلغ كبير من المال قال الرجل ولماذا اعطيتني هذا المال وانا لااعرفك وماالمناسبه قال صاحب العقار لرجل انني نذرت اذا بيعت لي ارض بمبلغكذا وكذا ساعطي اول واحد اراه هذا المبلغ
فقضى هذا الرجل ديون |
|
26-01-2010, 08:45 PM | #125 |
عضو نشط
|
قصّة إحدى الزّميلات حدثت لها شخصيًا، تقول بينما نحن في الطّريق في رحلة عائلية تذكرنا أننا نسينا موصل الغاز، وكنا بآخر الطّريق، ولا نستطيع الرّجوع، فقلنا ماهو الحل وكيف نعمل الغداء! وكان عمي معنا وكان رجل دين قال لنا عليكم بالاستغفار استغفروا، أنا ما استغفرت إلا وأجاب الله دعوتي. للأسف العائلة ضحكت عليه. قالو صح يمكن ينزل من السّماء أو نجده أمامنا نابتًا من الأرض!!! فاخذ عمي يستغفر الله حتى وصلنا نزلنا في الموقع ونسينا الموضوع لأنه كان مستحيل نرجع ورحنا نتمشى وعمي راح يتمشى لوحده، فرجع ومعه موصل غاز بيده وجده في مكان عائلة نسيته! سبحان الله هل رأيتم فضل الاستغفار حتى في الأمور الصّغيرة فما بالكم بالأمور الكبيرة استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله.
|
|
26-01-2010, 08:48 PM | #126 |
عضو نشط
|
هذي قصتي نزلتها بموضوع قبل اشهر بس نسخته لكم
بنات سمعتو خطبة الشيخ الجبير عن الاستغفار وعن مشكلته مع الجراحين الخمسه اللي يبون يطردونه ترا القصه ماانتبهت لها زين بس الزبده انه استغفر الين وصل بيته وكانت النتيجه واحد مات والثاني سكت عنه والثالث اعتذر له والرابع قاعدوه يقول استغفروا هذا سر اكتشفته قبل سنه من اربعين سنه مدري عنه وش رايكم في الخطبه انا عجبتني وسويت اللي قاله والله اني طلعت من مشكله صعبه بس مشوار السياره كنت جايه من الكليه وقعدت استغفر(استغفرالله واتوب اليه) العصر انحلت مشكلتي يابنااااااااااات مبسوطه عندنا كنوز وماندري عنها |
|
26-01-2010, 08:51 PM | #127 |
عضو نشط
|
كيفكم يااخواتي انا عندي تجربتين مع الاستغفار
الاولى.. اخوي خطبنا له وحده هي عاديه لكن كانت ملتزمه وهذا اكثر شي شدنا لها لكن اخووي كان يبيها جميله وفي النظره الشرعيه كان يقول اذا مو ملكة جمال مشيت وتركتها من جينا عند الناس وانا لساني مافتر عن الاستغفار وسبحان الله كانت اختي جنبي تقول اكيد بيقول لا شوي واسمع رساله جوالي الا رساله من اخوي يقول الله يسعدكم على هالاختيار ابيها وماابي غيرها والحين مبسوطين ويحبون بعض الله يهنيهم القصه الثانيه صديقتي الله يهديها كانت تحب واحد بالسر وتراسله على المسن وكانت تسولف معاه رحت تجيب حاجه الا اخوها دخل وجلس على الجهاز تقول والله من غير شعور لبست شرشف الصلاه وسجدت وتميت استغفر وانا انتظر اخوي يجي يذبحني تقول تاخر وطلعت له بشوف السالفه تقول جيت وهو يضحك يقول صديقتي ذي فاضيه قريت اخر سطر وسكرت الصفحه بعدها توبة ونست هالشاب للأبد اسفه للاطاله ادري طووووووووووولت ...تقبلوووو مروري |
|
26-01-2010, 08:52 PM | #128 |
عضو نشط
|
لي تجربة مع الاستغفار ... كنت استغفر الله في اليوم مئة مرة تقريبا لطلب الغفران وبنية الزواج ايضا مامر علي كم شهر الا و3 متقدمين لي طبعا بفترة متقطعة لكن كانت مشكلتي اني بعد ماانخطب وخلاص الهى في الدنيا وانسى المداومة على فعل الخيرات وهذا من عمل الشيطان لكن الان عزمت باذن الله اني مااترك الاستغفار ابدا ولا الاعمال الصالحة ***** الله وايقنت انها بالاعمال الصالحة تدوم النعم ادعولي بالثبات والمداومة واعتبرو مني لايغركم الشيطان ....
" اللهم اغفر لي ولوالدي وللمسلمين والمسلمات والمؤمنين والمؤمنات الاحياء منهم والاموات " |
|
26-01-2010, 08:54 PM | #129 |
عضو نشط
|
اهلين عزيزتى
قريت موضوعك وحبيت اشاركم الفضفضه ياحبيبتى وسعى صدرك وعيشي ترى الدنيا كلها يومييييين وتنتهى مايسوى عليها الزعل والتفكير والحززن وهذى ارزاق من السماء انا يالغاليه ماسلمت من كلام الناس من طلعت من الدنيا وهالشي كان في صالحى هالشي علمنى انى اخلى كلام الناس آخر همي لان كلامهم ماراح ينتهى حتى لو الانسان بقبررررره لحقوه بالكلام اذا انتى تضايقتى علشان اختك انطخبت قبلك طيب انا شرايك ان خطبنى واحد وشافن وبعد الشوووفه مابغانى ؟؟ وعااااااااااااادى ولا زعلت بالعكس والله دعيتله من كل قلبي ان الله يرزقه بالي احسن منى لانى عرفت ان مو هو نصيبي وان الله كرررررررررريم ودعيت ربي وصرت استغفر اككثر من 1000 الف مره في اليوم واصلى في الليل ركعتين مع الوتر بالركعه الاولى اقرا سورة البقره كااااااامله والثانيه ال عمران كااااامله وادعيييييييي ان ربي يعوضنى والحمد لله ربي كانعد حسن ظنى سنه وجانى نصيبي الحمد لله والحين لى سنه متزوجه وماحملت ورررجع كلالالالالالالالالالام الناااااااااااس وانا عاااااااااااااااااااااادى لان صرت استمتع عليه ههههههههه واعرف كيف ارد عليهم الله كرررررررررررررررريم بس انتى كثيري الاستغفااااار وصلاه الوتررررررررر وشوووووووووفي كيف ربي بيكوووووووون معاكى كرررررررررررررررررررررررريم والله يرزقكى بالزوج الى تتمنينه يااااااااااااااااااااااااااااا ااااااارب عاجلا غير اجل |
|
26-01-2010, 08:59 PM | #130 |
عضو نشط
|
بسم الله الرحمن الرحيم
اليوم فتحت المنتدى ورايت الموضوع الجميل والرائع عن الاستغفار والارتباط مع الخالق عز وجل واشكر لاختى صاحبة الموضوع جزيل الشكر وقررت المشاركة بقصتى شخصيا والله العظيم يعلم انى صادقة وهو جل وتعالى على مااقوله شهيد انا تزوجت من سنوات عديدة لكنى لم يقدر لى احمل وظللت طوال العشر سنوات متلهفة موووووت على الاطفال الى درجة انى كثيرا مااحلم انى احمل طفلا او العب معه وهكذا ذهبت الى الاطباء وتعبت وخسرت الكثير مع ان مقدرتى المادية ضعيفة جدا ولكن حاولت كثيرا بلا فائدة واخيرا قررت لى طبيبتى عملية لعل وعسى تجيب نتيجة حينها رجعت البيت توجهت الى الله سبحانه وتعالى واصبحت اكلمه واطلب منه واترجاه وقلت سبحانك ياربى انا سوف اترك الاطباء ولن اعمل العملية ولن اخذ اى دواء تعبت .فقط ساتوجه اليك ياربى ساطلب منك يارحمن وظللت الح على طلبى كل يوم وكل حين واناجى ربى حبيبى مناجاة الملهوف والمستغيث والمتوسل ,,,, وبعد اشهر قليلة والله العظيم.........انا حالتى كانت ميئوس منها طبيا بعد اشهر قليلة اصبت بانفلونزا فتوجهت الى الطبيب لاراجع عشان الانفلونزا واذا به يطلب منى تحليل حمل قلت له انا يائسة من ذلك الموضوع قال لااستطيع ان اعطيك اى دواء قبل ان تعملى تحليل واذا بى اعمل التحليل الا وانا حااااااااااااااااااااااامل يالله ياربى سبحانك جلت عظمتك حملت والله العظيم بدون اى علاج والحمدلله اتم على نعمته ورزقنى بولد جميل . هذه قصتى اذكرها لاخواتى حتى نداوم على الذكر والاستغفار. |
|
26-01-2010, 09:10 PM | #131 |
عضو نشط
|
بقلكم قصة بنت خالتي
وقولوا ماشاء الله لاقوة الا بالله ولدهاااااااااااا مريض...........وهي تكتب باحد المنتديات العلميه ..بهالمنتدى اهالي اطفالهم بهم نفس المرض واخصائيين ودكاتره فبيوم كتب احد الاخصائيين عن وجود علاج باحد الدول لهذا المرض..........ويكلف تقريبا 30 الف كتبت بنت خالتي رد لموضوع العلاج.. لو عندي فلوس كان اليوم وديت ولدي..من باب المزح لان تعرف الاهالي من سنين...(منتدى عادي اقصد مثل باقي المنتديات يكتبون فيه مواضيع متنوعه بالاضافه للعلميه) بنت خالتي اكتئبت.......ماعندها هالمبلغ هي مطلقه وماتعمل اتصلت على اهل طليقها...صكو السماعه بوجههااا وتهاوشت معهم رفضووووا..... بعد كم يوم قابلت مجموعه من الاهالي بمركز لعلاج ابنائهم بنفس المدينه..(الكل عرف بهالعلاج لان هالمرض تقريبا ماله علاج فالامهات تناقلوا الخبر وانتشر بسرعه) واخبروها ثلاث امهات من الموجودات عزمهم عالسفر.....وحده منهم حاجزه بعد ثلاث ايام والثانيه بعد اسبوعين والثالثه ترتب وضعها بتسافر........... هي حست بأسى وضعف وعجز............ رجعت البيت والدموع متحجره بعينها وماتذكرت غير الاستغفار صارت تستغفر صارت تنام تستغفر تقوم تستغفر بالسياره تستغفر........تستغفر وبنفس الوقت يجيها احساس انها بتطير من السعاده قالت لابوهااا جواز سفري شلون؟ قالها منتهي قالت جدده ؟ قالها ليش........قالت بنسافر لعلاج ولدي ...جلس يضحك ابوها وامها وكنهم حاسيين انها انخبلت (كان عندها يقين ان الله معها وانه استجاب لها وان الاستغفار بيفتح لها بعد الله الابواب المغلقه والرزق والفرج) هالكلام كله ما صار باسبوعين اقل.... دخلت المنتدى الي تكتب فيه..... لقت رساله بالخاص.............فتحتها مكتوب فيهااا عندي امانه لولدك؟ابي رقم حسابك؟ امانه شوووووووووو؟ قالهاااااااااا ارجوك مو لك لولدك لازم توصله؟ شفيك؟ انا قريت ردك يوم كتبتي لو عندي فلوس كان سفرت ولدي للعلاج؟ ؟؟؟؟؟؟؟؟؟؟؟ استفهامات........... طنشته يوم ثاني يوم تدخل المنتدى وترجي يااختي ارجوك رقم حسابك؟؟؟؟؟ يااخي انت لاتعرفني ولا اعرفك ؟ وش يضمنك ان فعلا عندي ولد؟؟ وانا ماطلبت مساعده؟ ووش يضمني انك صادق ..ممكن بس تبي تعرف اسمي؟ ترجاهااا ارجوك رقم حسابك............زوجتي شافتك بالمنام ووصتني اوصل الامانه لولدك ..فكرت؟ عطته رقم الحساب بعد خمس دقايق تشيك لقت........................... .....67 الف ريال اقسم لكم بالله اعرف هالبنت معرفتي بنفسي واعرف ولدها...................وسافرت وعالجته....... ولي مقتدرين وكانوا بيسافروا ماسافروا...بس وحده منهم سافرت سبحان الله... الاستغفار سحر يابنات........سحر مباح وماشاء الله ولاقوة الا بالله وارجوا كل من تمر على هالقصه تدعوااااااااااااااااااا بالجنه بغير حساب...للرجل هذا الي الله ارسله لهااا طبعا ماتعرفه لان بعدها اختفى بس قالها اسمي ((صـــــــــــــــالح)) الله يرزقه من خيري الدنيا والاخره ...ويجزاه الجنه بغير حساب الرجااااااااااااااااااء الدعاء له... |
|
07-02-2010, 04:41 PM | #133 |
V I P
|
الله يجزاكي كل خير اختي الغالية نعموة قلب و بصراحة موضوعك قيم وممتاز و أنا معك و رح أعطي وعد لنفسي أني الزم الاستغفار في كل حال من الأحوال لأني بصراحة دايما أشعر بضيقة الله يفرج همي ويشفيني في أقرب وقت وجعل الله لكي كل هذا في ميزان حسناتك
تقبلي مروري أختك ملكة السكوت |
|
07-03-2010, 08:48 PM | #135 |
عضومجلس إدارة في نفساني
|
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|