امانه خلوكم معي هالفترة لاني تعبت مره

امانه خلوكم معي هالفترة لاني تعبت مره

سلام عليكم

انا مدري وش صار فيني بعد الادوية النفسية

انا بمدينة مافيها عيادات خاصة فيها مصحة نفسية

والله لايوريكم وش المصحة النفسية بتبوك

دكاترة غير مبالين يصرف العلاج بدون حتى مايسمع

وكل مااجي زياره يجيني دكتور مختلف ويغير الدواء

المهم انا كان فيني وسواس الموت والامراض ونوبات هلع

لكن اللي فيني الان اكبر من هالشي لاني فوق كره ارضيه

واحسها بتطبح فينا قلق مو طبيعي من هالفكرة وجالس اعيشها

كل دقيقه وكل ثانيه وماصرت افكر بعقلي اللي اول كان معاي

يعني مااحس ببيتي ونفسي وهالشي احسه بيوديمي للجنون

هل احد مرت عليه هالشي ؟ والدكتور يقول اللي فيك قلق عام

وصرف لي سيبراليكس 20 وفافرين 100 وسركويل 100 ولي شهرين

ونفس الاحساس وبالليل يخف شوي ،، انا عارف ان الله حامي الارض بس غصب عني

حتى اني احس بتناقض كيف جالس اصلي وادعي وبنفس الوقت ماني بمؤمن بالقدر

نفسي اروح مكه بس خايف من السفر او اروح لللمدينة بس احس مقدر

اه اه تعبت

المصدر: نفساني

طيب يا اخي
روح لطبيب مختص حتى لو بمدينة أخرى

اسأل عن طبيب كفؤ ومعروف

وان شاءالله ترتاح معه

واضح انه تغيير الأدوية والخربشة سببلك قلق واضطراب

دور على حالك اخي
وزور الطبيب بأقرب فرصة

سلامتك :)

حاول تتواصل بمعالج سلوكي كويس يساعدك بعد عون الله في تجاوز ازمتك
لاتقلق هي فعلا مجرد افكار وسواسية تطغى على الفكر والوساوس يجي بأشياء غريبة كثيرة بس مصيرها تروح ٳن شاءالله

لا ٳله ٳلا انت سبحانك اني كنت من الظالمين

ي اخ دموعي يبه تعوذ من ابليس والله مافيك الا العافيه وهل الاحاسيس جربتها وتتعب وتحس بالجنون ويجيك خفقان وتحس ودك تنحاش وان السماء بتنطبق ع الارض ويجيك تشكك بقدر الله استغفر الله كله من الشيطان لا تخاف ولا تحزن هذا الشيطان ركزز معي ركزي معي اكيد من الحالة الهلع ماتقدر تركز لكن ع قد ماتقدر ركز الي فيك هذا وسواس وهلع واكتأب وهذا يصير للكل انا قعدت سنين تجيني هل حاله والحمد الله عرفت انها من الشيطان وانصحك لا تكمل بالعلاجات انا الحمد للله عمري ماكليت علاجات والله ي اخوي الغالي ان مرة علي سنين تعبت مانام واقعد بس منخرع افز واحس كان يوم يجيني هل حاله ان صوت اشياء تتكسر الدنيا تتحرك اعوذ بالله شعور مرعب بس من دشيت بهل منتدى المبارك لقيت فيه ناس مثلي مع اني هههههههه كنت اقول بس انا بهل دنيا الي فيني كذا ولو اشرحه لاحد مايفهمني المهم تعوذ من بليس وبعدين كلنا بنموت ركز ي خوي والله احنا من ندش بحالة هلع وفزع ورهاب وختلال مانركز ياخي كلنا بنموت المريض والمتعافي الكبير والصغير ليش بنخاف !!!سؤال اطرحه ع نفسك ليش بنخاف للعلم ترى الي يكلمك ساعات ماركز ورد اوسوس وبعدين افقد تركيزي وعقب ارد اكرر هل كلام وهو الحقيقه الي الشيطان مايحب انك تذكرها الي هو ان الواحد بيموت ليش نتنكد بهل دنيا الشيطان يوشوش علينا ولا الله بيوفقنا وبيسعدنا ولا تفقد املك بربك لا تفقددددددددد الامل بربك الحياه شي قصير لكن لزم نستمتع فيها الرسول اللهم صلي وسلم عليه يعرف انه بيموت بسرمع هذا اسابق اهو امنا عائشه ولعب وضحك يعني انبسط بحياتك ولا تقعد تفكر ي اخووووي خذها مني نصيحه ف انا احس بالي تحس لاني مريت بنفس تجربتك لا واطين من تجربتك بس خل املك بالله كبير وعش حياتك ليش تكدرها وهي مو مستاهله لا تفكر بالمستقبل ولا تفكر بكره دعها لله فهو خير من تتكل عليه وصل ع النبي ولا يسونك الي يقولىاكل علاج او رح للدكتور ثاني ترى من جرف للدحديره انا متاكد انك ذكي وعندك فلسفتك الذاتيه لان مايصيب بهل الاشياء الا المفكرين والاذكياء ف لا تحزن وبتسمممممم

إذا اشتد المرض فعليك بالمنومات

المشاركة الأصلية كتبت بواسطة الإحسان

إذا اشتد المرض فعليك بالمنومات

وبيتم طول عمره نايم هذا بدل ماتقوله واجه انا من اوسوي اروح اهج انام شنو ستفدت صارت عندي عاده الحين احاول اتخلص منها ههههه انصح زي الناي ي خوي المنومات تذبحه اذا انا انام طبيعي من اخاف وسوس تعبت اجل وشلون مع المنومات ؟؟

المشاركة الأصلية كتبت بواسطة الإحسان

إذا اشتد المرض فعليك بالمنومات

المنومات تنصحه فيها اذا كان يحس بارق او ماينام بالليل ماهي علاج لحالته بعدين هو انسان اكيد عنده التزامات وعنده ناس محتاجه له يعني ينام ويخلي الناس تقول عنه عاله مامنه فايده اللي حولك لو راعوك شهر شهرين سنه سنتين ماهم مراعينك طول العمر لابد بيملون منك ومن وضعك خصوصا انه رجال متزوج ومسؤل عن اسره بدال ماتنصحه يدور له على مخرج من حالته تنصحه بالمنومات عمرها ماكانت حل
اخوي حاول وحاول ولاتياس لابد في يوم يجي الفرج

والله انا اشوف الحمدلله المنومات تريحني ...

مع اني اخاف منهم بس شسوي ارق موطبيعي..

والادويه يبيلها صبر طويل مو يوم وليله وانا بدايه علاجي وتوني باديه

احس بتعب موطبيعي

والحمدلله على كل حال ... انشالله الحال يتغير

الله يشفينا و يشفيك دموعي

مرينا بتجربتك ( دموعي ) و الحمدلله على كل حال
هيه فترة ضعف و تعدي ، لازم تحط في بالك هذا الشي
لازم تضعف هالتفكير عندك و تتغلب عليه بدل ما هو يتغلب عليك
خلك قوي و وكل امورك لله الواحد الأحد و أن لا حول لنا ولا قوة الا بالله


الله يقوينا و يشفينا و يبعد عنا الوسواس

دوعي ما شاء الله الدكتور عطاك علاج السيبرالكس والفافرين ... علاجات ممتازه للوسواس ..

ما تعاني منه الحين فعلا قللق زاائد

اسمع بما انك في مدينة تبوك ..

ادخل على هذا الموقع اسمه اسلام ويب كلهم دكاتره .. وعند كتابة الحالة اطلب ان يجيب عليك الدكتور محمد عبدالعليم اتوقع

http://consult.islamweb.net/consult/index.php?page=ask

اسال الله العظيم رب العرش العظيم ان يشفيك


جرب الرقية الشرعية

وحاول تتعوذ بالله من الشيطان كل ماجتك الوساوس
لان الوساوس من الشيطان



جرب حط فبالك وقل
كل ماجاني الوسواس راح اذكر الله
استغفر مية مره
ولاسبح مية مره


ولا كررلا اله الاانت سبحانك اني كنت من الظالمين
وابدا طبقها


كذا راح يخف الوسواس
تدري ليش
لان الشيطان مو من صالحه انك تذكر الله
وقتها باذن الله راح تخف عندك الوساوس




اتكلم من تجربه
انا عندي وسوواس واحس هالشي خففه

عندك بتبوك دكتور ممتاز له عيادة خاصة

أفكر اسافر لكم بتبوك علشان الدكتور

الهوى الغايب وين عيادة الدكتور النفسي بتبوك وايش اسمه لو سمحت

اخوي ما يحتاج كل هذا بارك الله فيك

دايم التعب من الحاله تحفز اكثر ولا تخاف

انت تحتاج مضاد واحد فقط وليس اثنين لان كلهم يقومون بنفس العمل

وتحتاج مهدئ مع بداية الجرعه العلاجيه لين سريان مفعولها وقد لا تحتاج مهدئ بس صبر لا اكثر

كل شئ ينحل اخوي وانا كنت مثلك ويمكن أردى منك ،، يا رجل كنت مستعد اموت مو خايف بس ... من القلق والخوف كنت مستعد اطعن نفسي وخلاص لكني صبرت الحمد لله والان افضل

كل شي ينحل اخوي،،، مافي شي ماله حل بالدنيا

جزاك الله خير ياماندوزا

انا الان وقفت الفافرين وزودت جرعة السيبراليكس 30

والسركويل 100

انا سمعت عن الفلوناكسول انه كويس بس خايف انه يتعارض مع ادويتي

بالرغم اني ماجربته بس قريت عنه هنا وش رايك اجربه ؟

خصوصا الان لاني امر بظروف قاسية بنتي متنومه بالمستشفا وزوجتي معها

ونا مع طفل اربع سنين بالبيت يبكي لو احطه عند جيراننا وخلها علا الله