حياكم الله

حياكم الله

السلام عليكم..

كيف حالكم جميعا...

ياليت كل احد يدخل الموضوع يكتب لنا وضعه
موظف او عاطل
كم له سنه يعاني وايش تدرج الوسواس معه
كيف بدأت معكم الحالة ومتى كانت وكيف كان تصرفك وقتها

نبي هالموضوع مرجع للجديدين لمعرفة كل امر يستحدث عليهم

المصدر: نفساني

انا بطبعي شخصية قلقة
ومن انا بالمتوسط وانا موسوسة بالامراض ودايم ازور المستشفى واسوي تحاليل بس ماكان مأثر على حياتي
وبرمضان العام فجأة وانا بالصلاة حسيت بشي يسحب روحي
وضيق تنفس وخفقان ورجفة
ومن وقتها بدا معي وسواس الموت عشت بتعب نفسي فضيع
استمر معي شهور الوسواس متواصل
من شهرين بديت اخف ويصير الوسواس مره يخف ومره يرجع اقوى

صرت ماحب اروح الإجتماعات الكبيرة والمناسبات يجيني خوف
تجيني النوبه او يصيبني شي
اكثر شي اتعبني غير الافكار السلبية والخوف
الغصة اللي تجي بالحلق والدوخة
لدرجة صرت أخاف آكل اخاف اشرق بالاكل :(

الحمدلله انا موظفة وهالشي نعمة عشان ماستسلم للوسواس واجلس بالبيت

ماستخدمت ادوية ولا رحت لطبيب نفسي

الوقت اللي تجيني فيه الحالة اصير اتعب بصلاتي احس بخوووف

انا مو موظفه
لي فتره طويله اعاني من الوسواس يجي ويروح لكن قبل7سنوات

بدت الحاله اللي قلبت وضعي وخلتني ادخل ضمن مسمى مريضه نفسيا
وسواسي مو مرضي يعني مو مسيطر علي الحمدلله لكن اذا جاء اكره نفسي واغلب وسواسي بالموت والامراض لكن بمجرد انتهاء السبب اللي سبب لي الوسواس يختفي الوسواس لين يطلع سبب ثاني ينرفزه

المشاركة الأصلية كتبت بواسطة ام سما

انا مو موظفه
لي فتره طويله اعاني من الوسواس يجي ويروح لكن قبل7سنوات

بدت الحاله اللي قلبت وضعي وخلتني ادخل ضمن مسمى مريضه نفسيا
وسواسي مو مرضي يعني مو مسيطر علي الحمدلله لكن اذا جاء اكره نفسي واغلب وسواسي بالموت والامراض لكن بمجرد انتهاء السبب اللي سبب لي الوسواس يختفي الوسواس لين يطلع سبب ثاني ينرفزه

كيف يعني إذا سمعتي بمرض او موت احد بس تتعبين

ماتجيك الحالة فجأة من غير سبب

اذا ما عمرك استخدمتي ادوية راجعي موضوعي هذا وانشاء الله يفيدك فائدة عظيمة
http://www.nafsany.cc/vb/showthread.php?t=108965

المشاركة الأصلية كتبت بواسطة ريحانة الغد

كيف يعني إذا سمعتي بمرض او موت احد بس تتعبين

ماتجيك الحالة فجأة من غير سبب

اذا سمعت بموت احد اتعب بس مو دايم يعني احد قريب او لي ذكريات معه
وسواس المرض والخوف من الموت بسبب هالمرض يجيني لما احس باعراض جديده علي واروح المستشفى ويطلبون تحاليل وتطول النتايج يعني اجلس طول فترة الانتظار تعبانه واوسوس انه مرض خطير ويقل نشاطي وتسود الدنيا بعيوني واحس بكآبه

انا حاليا عاطلة تخرجت قبل سنتين إلا
وبدأ معي من ثاني سنة في الجامعة يعني له سبع سنين تقريبا بس متفاوت يروح ويجي وآخر مرة جا اشتد لدرجة إثر ع مستواي الدراسي والآن بعد التخرج اثر ع صحتي بخصوص المعدة
طبعا مع القلق والهلع والأحلام المزعجة تزود الوسواس
أما كيف بدأ الوسواس ف كنت انا واختي نتكلم عن ناس نعرفهم ماتوا واقولها الموت نهاية كل البشر وكنت عادية ولما جيت انام فجأة وسوست بالموت وجاتني نوبة هلع لدرجة شربت زمزم وبعدها خفيت شويا بس مازال في وسواس ومنها والوسواس رايح جاي علي

انا مثل أم سما سبحان الله والوسواس كل مره يمسك بجهة لما يروح المسبب ارجع طبيعيه إلى أن يظهر خوف من شي آخر وهكذا انا اعتقد ان أعظم دواء للوسواس هو الرضا نعم الرضا بكل أقدار الله لأن الجزع هو بوابه الوسواس والخوف طبعا
يارب الشفاء فقط بيدك اغفر لنا التقصير والذنوب والخطايا وكل الذنوب دقها وجلها يارب أن كان مانحن فيه بسبب ذنوب فياربي اغفر تلك الخطاياوان كان من الشيطان فيارب جنبنا خطوات الشيطان وان كان من النفس الاماره ب السوء فيارب اجعلها بقدرتك إمارة بالخبر والطاعة لك فقط يارب أذكرك ونفسي بالتعلق بالله فلا منجا ولا ملجأ منه إلا إليه
لا اله الا الله محمد رسول الله