اللي يحس انه كاره كل شي في حياته شو يسوي ؟

اللي يحس انه كاره كل شي في حياته شو يسوي ؟

السلام عليكم و رحمة الله و بركاتة

سؤالي في العنوان
انا تعبانة وايد و ما اعرف من شو بالضبط

شو أسوي كارهه كل شيء في حياتي احس بإحساس غريب ....

المصدر: نفساني

قلبي معك يا أختى العزيزة , فرج الله كربك و أزال عنكِ همك

اذا جاكي الاحساس ذا قومي واتوضي وصلي ركعتين وبالسجود ادعي الله ان يشيل عنك ها الفكره اللي مضايقتكي وارجعي بعد ماتصلي اشغلي نفسك باي شي وخلكي قريبه من اهليك ولاتجلسي لوحدك ترى بتزيد الافكار

وعليكم السلام ورحمه الله وبركاته

اللي يحس انه كاره كل شي في حياته شو يسوي ؟

الجواب يقوم يصلي ركعتين ويتعوذ من الشيطان لان هذا التفكير من وسواس الشيطان

))انا تعبانة وايد و ما اعرف من شو بالضبط ))

انتي تعبانه من الوسواس هذا هو السبب
تدرين ليش لانك شاغله نفسك بالافكار والهواجس تدرين ان التفكير والزعل والحزن الكثير موب زين للصحه ولا للنفسيه وربما يسبب القولون والاجهاد ووووووالخ
مشاعرك واحاسيسك تعودت على هذا الوضع يعني تبرجمت وكل يوم يمر وانتي على هالحاله وماتبغين تتعبين بعد اكيد راح تهجم عليك مشاعر سلبيه و تسألين من وين يجيك التعب يالسويدي


شو أسوي كارهه كل شيء في حياتي احس بإحساس غريب ....

انا اقولك وش تسوين تعوذي من ابليس وصلي ركعتين
الكره اللي تحسين فيه لان مشاعرك متلخبطه والسبب من التفكير
الاحساس اللي تقولين عنه غريب هذا بسبب ان مشاعرك واحاسيسك متشبعه من الوسواس والافكار التشاؤميه والاكتئاب والحزن واليأس ووووالخ كم شهر وانتي تعانين شهور مرت وانتي ماحاولتي تقاومين او تتعالجين فطبيعي جدا راح تهجم عليك احاسيس ومشاعر غريبه لكن تراها مجرد افكار كاذبه وانتي تصدقينها

صدقيني انا احس فيك واعرف شعورك جيداً لاني اعاني مثلك وادري انه شعور مؤلم ولايمكن وصفه شئ متعب ضيق ونكد وهلع ووسواس واحلام الله العالم بالحال مره اتشجع ومرات ايأس تفكير متواصل

لكن مايصير نخلي الوضع يتطور واحنا مستسلمين لهذا الوسواس ترى راح نكره كل شئ اذا استمرينا كذا
خلينا ندعي الله ونبذل الاسباب ومن توكل على الله ماخاب


يالسويدي خلي ثقتك بالله قويه لانه مااحد راح يشفينا الا هو عشان كذا خليك واثقه فيه سبحانه

لاتمشين مع كل فكره تخطر على بالك لاتسترسلين معها قاتلي الافكار والمشاعر السلبيه اللي في داخلك لاتجعلينها جزء منك

البكاء والشكوى ماتنفع احنا عطينا الوسواس مجال وفرصه حتى تمكن منا واذا ماقاومنا راح نتحطم بالقلق والاكتئاب




فكري بالامل بالفرح بالتفائل اهتمي بنفسك جددي افكارك لاتحصرينها في الحزن والسلبيه ارفعي يديك الى السماء واطلبي الله انه يعينك ويساعدك على تجاوز هالمحنه وخليك واثقه تمام الثقه انه راح يعطيك طلبك لانه الكريم سبحانه ومايرد من دعاه ورجاه ومافيه رب بهذا الكون الا هو سبحانه فكري باشياء تسعدك لاتلتفتين ولاتظرين للخلف ولتلك الوساوس



السويدي انتي تبحثين عن الشفاء صح لكن ماتقدرين توصلين له اذا كنتي محبطه ويأسه لان الحزن واليأس والاحباط يحجب عنكي الرؤيه وبكذا تشوفين الشفاء بعيد وصعب الوصول اليه فاالحل من الان ابدئي بطرد هذه الافكار وبأذن الله الشفاء يكون منك قريب

ويلا عاد ابي منك كل يوم تقرين على نفسك سوره الناس والفلق والاخلاص ونهايه سوره البقره
و الكرسي وانفثي على نفسك ابي تسوين هالشي كل يوم اول ماتصحين من النوم وقبل ماتبدين تقرائين على نفسك سكري عيونك واستشعري عضمه القران وتذكري انه كلام الله يعني الشفاء والراحه فيه وبعدين ابدئي بالقراءه
خلاص اتفقنا ابيك كل يوم تسوين هالشئ ومانبغى كسل حتى لو حسيتي بضيق تراه من الشيطان عشان يصدك عن الذكر لكن خليك اقوى واستمري

السويدي انتي بخير ومابك الا العافيه واللي تحسين فيه مجرد افكار وهواجس واحاسيس كاذبه ولاراح تضرك بشي لانها مجرد وهم هي اوهااااام لاغير اذا استمريتي تتبعينها راح تضغط عليك اكثر وعندها تعانين اكثر واكثر واكثر
الله يشفيك ويشفينا جميعا



الله يشفيك ويشفينا جميعا
الله يشفيك ويشفينا جميعا

الله يشفيك ويشفينا جميعا
الله يشفيك ويشفينا جميعا

الله يشفيك ويشفينا جميعا
الله يشفيك ويشفينا جميعا
الله يشفيك ويشفينا جميعا
الله يشفيك ويشفينا جميعا

يا جماعة الأخت السويدي ما تتناول أدوية نفسية وهي مكتئبة جدا

اشرايكم بفعلها؟

جاوبوا على السؤال لو سمحتم

هي ما تحتاج ادويه
هي لازم احد يساعدها
انا مثلك لكن اشد على نفسي
وانتي شدي على نفسك بقوة و حاولي
المشكله ما يحس بالنارإلا الي واطيها
الله يفرج همك يا السويدي
تصدقين احس انك من قطر ههههههه
الله يوفقك

مب لازم ادوية نفسية مانها فايده الحبوب تمرض انصحج تعالجين نفسج باردتح وقوتح وعدم التفكير في الموت

ماهي مشكلتك بالضبط ?

تراني مثلج ولاودي أزيدج

من فتره حصلت كلمه جرحتني ، قال ولد يرانا اتركي عنج الوسواس

مع انه هو مايعرف بعلتي ،،،

ماعرف هل هو جرح أو دوا ?

يمكن يكون لي دواء عشان اترك كل شي

مثل ماقالوا الجماعه صلي ركعتين واذكري لله، لاتعطين الشيطان فرصه

لله يكون في عونا

مشكورين كلكم على المرور ..
أختي غريبة دوم ردودج تفرحني الله يفرحج دنيا و آخره ..

بنت الظبي و عشقي الإمارات و البقية يزاكم ربي خير على الرد !!

ساكن مع همي ؟ لا انا مب من قطر من الإمارات.

لله يفرحج دوم ... شغلي سورة البقرة

يااااااارب :(

الخوف يزيد ما ينقص و قسم الإحساس قاعد يزيد و يخوفني اكثر و اكثر
قمت أفكر أن مب أنا اللي بموت أن الدنيا خلاص ما بقى شيء و تخلص
و أفكر ب يوم القيامه و علاماتها

خائفة وآيد مب قادره أنام و أفكر في شيء ثاني

آخخخخخ بسس

اختي السويدي


والحل ؟

كثير لايشعرون بمعاناتنا والتعب الكبير الذي نحمله لابل واسهزاء وسخريه من المنا..هم لن يشعروا بالمنا اذا نحن لابد ان نخرج من هذة... القوقعه....ومعنا رب العالمين هو ارحم بعبادة..شافاكم الله جميعا..