ضيقة

ضيقة

السلام عليكم ورحمة الله و بركاتة
ضيقة شديدة
تعبانة
مخنوقة
مريضة
كتمة
حاسة بخوف
مب قادرة أنام احس قلبي بيوقف الحين
أنقذوني بارك الله فيكم

المصدر: نفساني

وعليكم السلام اختي السويدي ،

بارك الله فيج وبعد عنج الضيق والخوف والكتمه

ولا يهمج، لا تحاتين

بس صلي على النبي ، كرري الصلاة عليه يوم بتحسين بهالشي،

قولي أنا مافيّه شي وهذا من الشيطان

أنا اليوم طلعوني غصب ، جماعه من اهلي ، ويوم غيرت جو، حسيت إني خربت على عمري في الايام اللي فاتت

أحس بضيق، مخنوقه، كتمه وخوف

قلت ليش يمر يومي في حزن وهم، طبعا مب سؤالي لله ، ولكن اعاتب نفسي !

بس قبل مانرد بشويه حسيت بخوف ومابغي أرد البيت،

لأنه مع الناس أحس بأمان أكثر، ويوم أكون روحي أتم أوسوس ،

اختي

تمي أقري سورة الفاتحة سبع مرات الصبح و سبع المساء ونفخي على عمرج

امسكي المصحف اقري قرآن، بيبتعد الشيطان وبتحسين براحه

إن شاء الله فتره وتعدي ، وتكونين مستانسه

اختي باختصار
انتي تستخدمي ادوية اولا
لان علاج ذا الشيء بمضادات الاكتئاب

جزاج الله خير أختي بنت الظبي
كلامج ريحني شوي رزقج الله الجنة

أخوي عبدالله ون
لا انا ما استخدم اي أدوية طبية .

اختي نصيحة مني روحي عند دكتور لان علاج حالتك سهل
تخيلي هذا الشيء انك ما تخافين من الموت اكيد راح تكونين سعيدة
اتمنى عدم اهمال رسالتي والتفكير بجدية في هذا الموضوع

انتي الوحيدة القادره على انقاذ نفسك
اذهبي الان الى اقرب عيادة نفسية في منطقتكم واشرحلي مشكلتك لطبيب
والله يعافيك

اه يا سويدي نفس الشيء معي

احيانا اشعر ان الوسواس زال عني و احيانا ارجع اسوا من الاول

كل مره اقول هذي المره حقيقه و ربي كتمه على تعب على كرهت النوم من الاحلام المزعجه

ربي يعين

ا،السويدي وياج اختي

دوم اشغلي نفسج ، وقولي الله ويايه مابخاف من شي

(( لما عصى إبليس الله فقال الله له اخرج من الجنة فقال له وعزتك وجلالك لأغوينهم ما دامت أرواحهم في أبدانهم فقال الله عز وجل وعزتي وجلالي لاغفرلهم ما داموا يستغفرونني))

يبالنا العثره الشيطان فنكون أقوى منه

أي لحظه إييج هالشعور الخايس، غيري مكانج، واذكري الله، وأرفعي صوتج وقولي عوذ بالله من الشيطان

وإن شاء الله تكونين من السعداء

وعليكم السلام والرحمه

شوفي احنا كلنا الي بالمنتدى نعرف هذا الشي وسوسه ومن اليشطان ونغالط انفسنا امس رديت على مشكلتي وفهمتي انها من اليشطان وسوسه فانتي معناه نفس الشي وسوسه قولي الله وعيشي حياتك صدكي الوحده والتفكير هي سبب هاي الاشياء اني من اختلط بالناس واطلع بره البيت مافكر نهائيا لو لاسامح الله بيكي شي كان بقى المرض ماعتقد بخروج ونواستج راح كف مابيك شي وعيشي حياتج

سالوفة ، انا يوم اطلع مع الناس وهم يتكلمون ويضحكون احس بعمري أنا بعالم ثاني

حتى لو اكون بوسطهم، وأرد البيت أصيح ، لأني ما اشعر بسعاده

الحين قمت اطلع وياهم، وامــثّل إني مبسوطه ، واسوي اللي في خاطري فيه

فحسيت العقده راحت .. فعشان جيه انصحكم تسون نفس الشي

والله كريم

الواحد يحاول انه يشغل نفسه و ينسى الوسواس و هو بين أهله و ربعه
و لكن من نرد البيت نبدأ نوسوس و ما قبل النوم عاد عالم ثاني
وجد تقومين و تطلعين من البيت تلوحين ل عالم مافيه شي :(

سويدية

شفاك الله وعافاك

كنت قلت لك عليك بعلاج العين وايات السكينة

وايات لابعاد الوساوس

وداومى على ذلك مع الماء والزيت المقروء عليهما

ام نسيت ام لم يعجبك تشخيصى!

ا،السويدي

يوم عندج انسان عزيز على قلبج، تفكرين شو تهدينه

او كيف تعاملينه !

ليش مانعز عمرنا، ونهدي عمرنا، ونبعد الخوف

انا ماعرف كيف ظروفج ، بس إذا تقدرين تسيرين النادي ، او تمشين في الحديقة مثلا،

اتطلعين الطاقة السلبية، عشان مايكون عندج وقت توسوسين قبل النوم،

يعني ترقدين بسرعه

وبعدين قولي أنا أحب نفسي ومابعذبها، بالوسواس ،

خلي حد يزورج في البيت، أو إن عندج حد من هلج جريب منج، تفضفضين له، تطلعون مكان

شوفي شو اللي يناسبج واللي يريحج سويه !

والله لو أقولج إنه الموت مب مقتصر عليّه عشان اخاف روحي، ولا هو مقتصر عليج عسب تخافين

فليش نعيش في حزن .. ؟ ونستبق الاحداث



مشرفنا ازهري وراقي

بالنسبة لي أنا وقفت الزيت من أيام ( يمكن كسل مني )

لكن مداومة على سماع الرقية الشرعية

وفي نفس الوقت ادعي ربي إنه يبعد عني الوسواس

ا، السويدي ادعي الله إنه يبعد عنج الوسواس، ماتعرفين يمكن الله يستجيب لج

وتتخلصين من هذا الأمر