أبغى نصيحتكم تكفون

أبغى نصيحتكم تكفون

ي الربع وربي مالي غيركم والنَّاس اللي فاهمه بالأدوية
بختصر الموضوع وياريت تساعدوني
انا الحين استخدم فافرين 300 باليوم
واندرال حبه مساء وحبة صباحاً قوة 40
وقبل سبوعين ضاف لي الدكتور دواء مدعم اسمه اتابينا واعتقد هو السيركويل بقوة 200
انا مرضي وسواس قهري
الحين حاس رجفة قوية برجولي وحاس بشوية اكتئاب ودي ابكي
لكن الوسواس خُف شوي
عطوني رأيكم وش اسوي وربي مليت
جربت ريسبدال ودوجماتيل وبركسال كلها مانفعت والحين السيركويل
كلها كانت مدعم الفافرين
انا لي الان تقريباً سنه والوسواس تحسن بنسبة 60 بالميه فقط
ياالربع وربي مليت واحترت مدري وش اسوي

المصدر: نفساني

الأدوية المدعمة سببت لي كوابيس عجيبة غريبه
هل اغير الفافرين ولا اغير إِيش الصراحه التحسن بطيئ جداً وانا والله مليت
حتى رمضان اللي كنت افرح فيه الحين يضيق صدري يوم ادري انه جاي حاس ماراح احس بطعمه
غيرنا من دواء الى دواء وذبحنا التغيير
انا ابي حالتي تستقر عشان أبدا العلاج السلوكي

وش هو وسواسك

وساوس كثيرة وتفكير زاااايد

تم السحب علي
ي الربع ترا ابي مشورتكم بس
وشفيكم محد يرد 😫

الله يعافيك اخي

يمكن ما لهم خبرة بهذه الخلطة من الأدوية

بس لو احد يعرف ينصحك ما رح يقصر معك ان شاء الله ،،

اخي تعرف ان الدواء وحده لا يكفي ،، ادعمه بجلسات مع أخصائي ،، العلاج المعرفي السلوكي مهم جدا و سيساعدك ان شاء الله

شكراً ي أمل

ذكرتيني في أغنية ي أمل عطشان في وادي الضمى 😩😅

اخوي سبب الكوابيس هو الاتبينا وهو علاج مقلد للسركويل

الفرق بينهم

الاتبينا مصنوع بالسعوديه سعره اقل ( زياده الجرعه يعطيك نفس مفعول السركويل الاصلي )

السركويل اروبي هو الااصلي

بصفه عامه ادويه الذهان تسبب كوابيس بالجرعات المرتفعه

المشاركة الأصلية كتبت بواسطة طالب المجد

شكراً ي أمل

ذكرتيني في أغنية ي أمل عطشان في وادي الضمى 😩😅

العفو ،،

ما اعرف الاغنية لكن أتمنى تكون جميلة و مفعمة بالأمل مع انه مش ظاهر من عنوانها هههه
ما أحب اذكرك بشي يتعس :/

اسأل الله لك الشفاء العاجل ،،

هلا بطالب المجد اخبارك
والله كلنا في الهوى سوا انا اخذ فافرين 300 سركويل اكس ال 300 وسيالون 100 ملجرام
نفس المعاناة بس حاول تتعايش مع الافكار وتغير من حياتك
انا لي سنتين ونصف مع الادوية تحسنت 85 % فقط
و 15 % تغيير الروتين اليوم

مشكورين كل اللي ردوا
مشكور عبدالله
مشكورة أمل
مشكور عزيز حبيب قلبي
والله اخباري مدري كيف وضعي
يتحسن شي ويخرب شي
طيب ي شباب انا ماعندي ذهان بس قال الدكتور ندعم الفافرين وش رأيكم والله احترت
أخذ السركويل الأصلي مايسبب كوابيس !!

المشاركة الأصلية كتبت بواسطة طالب المجد

ي الربع وربي مالي غيركم والنَّاس اللي فاهمه بالأدوية
بختصر الموضوع وياريت تساعدوني
انا الحين استخدم فافرين 300 باليوم
واندرال حبه مساء وحبة صباحاً قوة 40
وقبل سبوعين ضاف لي الدكتور دواء مدعم اسمه اتابينا واعتقد هو السيركويل بقوة 200
انا مرضي وسواس قهري
الحين حاس رجفة قوية برجولي وحاس بشوية اكتئاب ودي ابكي
لكن الوسواس خُف شوي
عطوني رأيكم وش اسوي وربي مليت
جربت ريسبدال ودوجماتيل وبركسال كلها مانفعت والحين السيركويل
كلها كانت مدعم الفافرين
انا لي الان تقريباً سنه والوسواس تحسن بنسبة 60 بالميه فقط
ياالربع وربي مليت واحترت مدري وش اسوي

اخوي طالب المجد سبب الكوابيس والاحلام المعفنة عندك هو علاج الاندرال وليس السيروكويل
انصحك نصيحة لوجه الله اترك الاندرال واستمر على الاتابينا وانشاء الله تضبط امورك
انا سبق واستخدمت الاندرال والله لا يوريك صرت ماعاد اقدر انام واذا نمت يجيني كوابيس واحلام شاذة بس الحمد لله عرفت بعد مدة ان سبب هذي البلاوي هو الاندرال الله لا يعيده ولا يعيد ساعته
اما الاتابينا والله انه دواء ممتاااااااااااااااااز بس استمر عليه هو مشكلته اول اسبوع يتعبك يسببلك نوم شديد وقلق وتحس جسمك ماهو مرتاح وتحس بقلق غريب بحيث انك ما تقدر تجلس في المكان الواحد اكثر من دقيقتين لازم تقوم تتحرك
ولكن بعد اسبوع تروح عنك هذي الاعراض المزعجة وتحس براحة عجيبة وانشراح في الصدر وخاصة اذا توك صحيت من النوم تحس انك تحب الحياة وصدرك منشرح
وعلى العموم هذي كانت تجربتي مع السيروكويل وانا صراحة اشوف انه افضل علاج مر علي في تحسين المزاج والنوم والشهية وتجربتي معه كانت ممتازة جدا

شكرًا حبيبي نَفَر من الجن
طيب لو وقفت الاندرال وش الحل مع التعرق الشديد والرجفه
كانت تجيني ولما استخدمت الاندرال راح التعرق والرجفه خفت شوي ! 😩

طفشت وتعبت من التفكير
الأدوية صح ساعدتني بس كأنها غصة بالحلق
قريت مشاركات أختنا حاذقة اغلبها وأحسها فاهمه بشكل كبير ماشاءالله عليها
اختفت مدري وين
ياناس انا خايف لايكون تشخيصي غلط
انا الافكار عالقة برأسي وافكار عن طهارة وجنسيه مو راضيه تطلع من مخي
مع قلق وخوف وأحيان ودي ابكي من الافكار
يوم تخف الافكار ارتاح
بالله وش تشخيصي الصحيح هل هو وسواس قهري ولا فيه شي ثاني
وسوست بالامراض النفسيه
الله يستر ويشفينا جميعاً

المشاركة الأصلية كتبت بواسطة طالب المجد

طفشت وتعبت من التفكير
الأدوية صح ساعدتني بس كأنها غصة بالحلق
قريت مشاركات أختنا حاذقة اغلبها وأحسها فاهمه بشكل كبير ماشاءالله عليها
اختفت مدري وين
ياناس انا خايف لايكون تشخيصي غلط
انا الافكار عالقة برأسي وافكار عن طهارة وجنسيه مو راضيه تطلع من مخي
مع قلق وخوف وأحيان ودي ابكي من الافكار
يوم تخف الافكار ارتاح
بالله وش تشخيصي الصحيح هل هو وسواس قهري ولا فيه شي ثاني
وسوست بالامراض النفسيه
الله يستر ويشفينا جميعاً

الادويه المصروفه لك للوسواس القهري شي واضح وهذا الي تعاني منه

الاتبينا مو شرط للذهان

يصرف عادي للمكتئب للموسوس والي يعاني من القلق لان الجرعات صغيره ولايحتاج للقلق حاول ماتعكر جوك وابتعد عن ماهو يسبب الاكتئاب تابع اشياء كوميديه تسلى يعني سوي روتين تشغلك عن الوسواس راح ترتاح انت تعطي الوسواس جوه يلعب فيك كذا يسببلك قلق خوف ضيقه والخ