ابي حل حق اكتئابي

ابي حل حق اكتئابي

السلام عليكم ..

اخواني انا حايشتني حالة اكتئاب وايد قوية وكله احس مالي خلق اسوي شي وكله متضايق وما اكل ولا اشرب وبس اكل تلوع جبدي وتكرمون ارجع اللي كليته وصرت ادخن وايد وكله افكر واذا قعدت مع الاهل او ربعي كله اكون ساكت وافكر انا توني طالع من علاقة عاطفية وكانت فترة طويلة وهالشغلة وايد مخليتني اكتئب ومادري شنو اسوي اخذ علاج ولا اراجع طبيب نفسي بس الطبيب النفسي يبيله تكاليف وايد وانا الصراحه على قدي وانا كنت ادور بالنت عن حل لقيت منتداكم واتمنى ان احد يفيدني بأي شي وابي اعرف العلاج شنو يسوي لاني جد تعبت ابي اكل مو قادر بس اكل

المصدر: نفساني

وعليكم السلام ورحمة الله وبركاته

أخوي بالنسبة لتكاليف العلاج حلها سهل وهو المستشفى الحكومي ..كلنا نتعالج في المستشفيات الحكومية أولاً عشان التكاليف ..ثانياً عشان نضمن أن الدكاترة تشخص أمراضنا بذمة وضمير ..

خذ لك كورس علاجي وإن شاءالله كل الاحاسيس الي تحس فيها بتكون من الماضي ..وراح تتغير شخصيتك الى الأحسن لأن الأدوية تعالج كل العقد الدفينة داخل النفس يعني دوا واحد يحلك مليون مشكلة ..

والاخوان إن شاءالله بيفيدونك أكثر انتظرهم ..
تحياتي

الله يشفيك

بس المستشفى الحكومي فيه سرية ؟؟ وماكو علاج اخذه الحين قبل لا اروح المستشفى لانه لقيت علاج بالمنتدى وسجلت اسمه بس اخاف الصيدلية مايصرفونه لي

اي اكيد فيه سرية وتقدر تدخل المستشفى وأنت متلثم أو لابس نظارة سودا وحد راح يعرفك ..
أما عن سرية الملف فارقد وآمن الملف ماراح يطلع عليه اي انسان غير الدكتور المعالج فقط ..

شنو اسم الدوا اللي سجلت اسمه؟
وإن شاءالله الدكتور رعد يرد عليك ويرشحلك دوا يناسبك ..

أخوي مو كل المستشفيات فيها أطباء يشخصون بذمة وضمير ولا حتى أغلبهم على الأقل بالمكان اللي انا فيه للأسف هالشي ما أشوفه بس 1 جد يعني اهوه الزين الاساسي من بين 6 ولا سبعة ويلعبون فيك لعب بالأدوية (ممكن أتكلم لباجر بمواقفي هناك) ومو بس الدكتور المعالج بروحه راح يطالع ملفك هذا بالنسبة للكويت ممكن دكاترة غير دكتورك يطالعونه مرات بحالات أو لو رحت للطواريء لأي شي بسيط مثلاً الدوا خلص مثلا وما قدرت تروح وقت العيادة الخارجية مثلاً أول سؤال عندك ملف؟ ويطلعونه والله أعلم عن مكانك يمكن غير عن البلاوي اللي شفتها عندي أو أنا مجرد حظي تعيس

مو كل المستشفيات بكل مكان بكل الدول نفس الشي

أنا إنسانة توبة افكر بالأدوية قبل ما افكر بعلاج نفسي وشنو انا ممكن اسوي أول واغلب تحسني على هالشي مو العكس الأدوية أول لا لا لا اذا مسألة اكتئاب وبس ليش الأدوية علطول ركض لها!! وبالذات على علاقة عاطفية اكتئاب على شي مثل هذا يحتاج وقت اتوقع مثل لمن أحد يتوفى الناس يزعلون ولكن الوقت ينسي ويعيشون هذا مثال... إلا الله أعلم في تفاصيل أكثر بالعلاقة العاطفية هذه مسببة مشاكل وتعقيدات ممكن يكون غير والله أعلم ما أعرف تفاصيل مشكلتك

والله انا مشكلتي اكبر من بس اكتئاب (مثل تقلبات مزاج حادة كنت افقد السيطرة- محاولات انتحار متكررة- أصوات وشعور بمراقبة 24 ساعة- إيذاء جسدي لنفسي بالتنويع بلا فخر- ولا ننسى أشياء مريت فيها مثل كذا تحرش..أقول أكثر! والأدوية ما فادتني العلاج النفسي اللي فاد

أحس اللي بهالملتقى بيتضايقون مني من كثر ما أقول علاج نفسي قبل أدوية

أحس الناس عبالها الأدوية مثل السحر بس تاخذونه الحياة بتصير أفضل وهذا غير صحيح

والله بقول هالكلام لمماتي لكل أحد يركض على الأدوية كحل أولي وما راح أسكت هههه لا جد

لأنه تجاربي على كم سنة معاها (الأدوية) ومع أنواع الأطباء والتنويم بعد كل هذا عالفاضي والعلاج النفسي كان المفتاح

هذا مو معناته انه صح في حالات تحتاج أدوية كحل أولي بدون لف ولا دوران

شوف عدد الأعضاء بالملتقى هذا للإكتئاب اللي يشتكون من أدوية مو نافعة معاهم وشوف عدد الأدوية اللي جربوها للحين

لا تتسرع أخوي بس هذه اللي بقوله

والسموحة شفت تشابه اللهجات فخذيت راحتي بالكلام

الله يشفيك ويشفيني

انزين اخواني بغيت اعرف شلون اذا بغيت اخذ استشارة من دكتور او مراقب في المنتدى عندي استشارة او موضوع شخصي ومهم جدا بالنسبة لي وحاولت ادخل على المراقب وارسله رسالة خاصة بس اعتقد مايصير ياريت من الاخوان يساعدوني او ان المراقب يرسلي او يتواصل معاي لانه مشكلتي وايد حساسه وماقدر اشرحها هني لانه فيها خصوصية جدا بس ياريت لو يتواصل معاي

اكتب موضوعك هنا في القسم المخفي عن الأعضاء:
http://www.nafsany.cc/vb/forumdisplay.php?f=20
بعنوان "إلى الدكتور رعد" وسيتم الرد عليك إن شاءالله

أخوي مكتئب وايد

اكتب في مشاكل الكبار

وماحد يشوف موضوعك الا انت والاداريين والاخصائيين

وان شاء الله أقدر أساعدك

دكتور رعد يعني اذا كتبت في قسم الكبار الاغضاء مايشوفون الموضوغ ويكون موضوعي سري ؟

مشكورة اختي حاذقة وماتقصرين
بس اختي يعني اذا كتبت في اللنك اللي انتي حاطته محد راح يشوفه الا الدكتور ؟

اكو اقسام مكتوب عليها خاص ولمه ادخل ما الاقي ولا موضوع .. اذا كتبت فيها يصير موضوعي مخفي ومحد يشوف موضوعي الا المراقبين والدكاتره ؟

اكتب في قسم عيادة الكبار والأعضاء ما راح يشوفونه بس المختصين والمراقبين انته تدخل القسم وما تشوف أي موضوع لأن مواضيع الناس سرية غير مكشوفه لك فيطلع القسم فاضي لكن اهوه مو فاضي وموضوعك بيكون نفس الحال

كل واحد يشوف مواضيعه وبس ما تقدر تشوف مواضيع غيرك

أخـــــي مثـــل ماقال لك الإخـــــــوه القســــم ســــري ولا يطلـــــع عليــه غيــــــر الإداريين

أكتـب مشكلتـك بالتفصيل لكن بإختصـار ،وأذكـر إذا كنت ذهبت إلى طبيب من قبـل أو إذا كنت تناولت دواء من قبل وإسم الدواء والجرعه وما إلى ذلك ، وخـلال أسبوع أو 10 أيام بالكثير سيتم الرد على تساؤلك ...

بالتوفيق