هل يتغير الوسواس؟

هل يتغير الوسواس؟

السلام عليكم ورحمه الله وبركاته ..

ممكن أن يتحول وسواس الموت الى وسواس العقيده ؟؟؟؟؟

لان افكاري صارت فجأه عن الدين وعن الله تعالى وأشياء أكرها ...

بس قاعده اقولها بنفسي وافكر فيها ...

وأخاف منها وأحاول استغفر وأطنش بس موقادره ...

احس بتبلد الشعور وماحس اني قاعده استغفر ..

شعور مرعب وخايس

استغفر الله .. ولا اله الا الله .. والله أكبر
أمنت بالله ربا ومحمد صلى الله عليه وسلم رسولا

المصدر: نفساني

اتفضلي اذا عندك تسائل معين عن العقيده او ايش يجيك بالصبط ونريحك اختي

لا تخبي عشان نعطيك الاجابات

وعادة هذا مو وسواس بل نوع من اليأس واعتقد بسبب الدواء وعادي رح يزول

اختي اول ماخذت الدوا جاني وسواس قوي في العقيده والدين لدرجة اصلي وانا ابكي لان لما اصلي اوسوس باشياء استغفر الله ولما اقرى قرآن نفس الشي لكن بعد فتره خف الوسواس لكن اللي ماخف الى الان هو تبلد الشعور الى اليوم ما اخشع ولا استمتع بقراءة القرآن واي شي له علاقه بالدين نفس قبل مادري وش هالحاله الله يطلعنا منها على خير

ب اذن الله مايتحول وسواسك للعقيدهه
وححتى لو تغير سمعت شيخ يقول ان
الوساوس الي في صدر الإنسان لا يحاسب عليها لأنها من الشيطان
بس لازم تتجاهلي هالافكار وتعوذي من ابليس
لازم تكوني قويه وانتي في بداية علاجكك وكل اللي تحسين فيه حيزول
وب اذن الله اسمع عنك اخخبار تفرح انك تشافيتي ياآرب .

لا تحاتين اختي معلمه اصبت به .. و الحمد لله تعافيت منه بفضل الله سبحانه .. اسأل العظيم ان يشفينا شفاءا لا يغادره سقم اللهم امين

يمكن لان نعطيه وي وايد اكثر من اللازم
وصار يتذاكه علينا

مالنه الا اسلوب التطنيش والعقل بروحه بيتعود بس يبيلها الاراده القويه !!

اكيد يتغير كل ماحاولتي تتغلبي علا نوع يجي نوع ثاني

الله يشفيك ويشفينا وانتي اول باول خلك متواصله هنا

المشاركة الأصلية كتبت بواسطة ام سما

اختي اول ماخذت الدوا جاني وسواس قوي في العقيده والدين لدرجة اصلي وانا ابكي لان لما اصلي اوسوس باشياء استغفر الله ولما اقرى قرآن نفس الشي لكن بعد فتره خف الوسواس لكن اللي ماخف الى الان هو تبلد الشعور الى اليوم ما اخشع ولا استمتع بقراءة القرآن واي شي له علاقه بالدين نفس قبل مادري وش هالحاله الله يطلعنا منها على خير

والله جنج تتكلمين عني :((( احس من خذيت الدوا صارلي يومين اوسوس واتكلم بأشياء اكرها وقاعده استغفر واستغفر وكل شوي اقرى سوره التوحيد

احس بتبلد الشعور بشكل مو طبيعي وقاعده افكر ان الشي بالنفس ما اتحاسب عليه فاستغفر بصوت عالي عسى الله يغفر لي الي بقلبي

المشاركة الأصلية كتبت بواسطة يتيمة فرح

ب اذن الله مايتحول وسواسك للعقيدهه
وححتى لو تغير سمعت شيخ يقول ان
الوساوس الي في صدر الإنسان لا يحاسب عليها لأنها من الشيطان
بس لازم تتجاهلي هالافكار وتعوذي من ابليس
لازم تكوني قويه وانتي في بداية علاجكك وكل اللي تحسين فيه حيزول
وب اذن الله اسمع عنك اخخبار تفرح انك تشافيتي ياآرب .

امييييين يارب الله يسمع منج انشالله

واتشافى واصير احسن من أول مع ان الحاله قاعده تزيد

بس انشالله تكون بدايه رحله العلاج بس

المشاركة الأصلية كتبت بواسطة الشفاء يا رحمن

لا تحاتين اختي معلمه اصبت به .. و الحمد لله تعافيت منه بفضل الله سبحانه .. اسأل العظيم ان يشفينا شفاءا لا يغادره سقم اللهم امين

والله حاله نطلع من شي ندش بشي يالله الحمدلله على كل حال ...

المشاركة الأصلية كتبت بواسطة المهاجرة للجنان

يمكن لان نعطيه وي وايد اكثر من اللازم
وصار يتذاكه علينا

مالنه الا اسلوب التطنيش والعقل بروحه بيتعود بس يبيلها الاراده القويه !!

ايييييي والله يبيله وااايد أراده شي متعب والله

المشاركة الأصلية كتبت بواسطة معلمه وافتخر

امييييين يارب الله يسمع منج انشالله

واتشافى واصير احسن من أول مع ان الحاله قاعده تزيد

بس انشالله تكون بدايه رحله العلاج بس

ايوا ذي بشرة خير هذا دليل ان العلاج بدآ مفعوله فيكك م شاء الله بعضهم يستخدم العلاج ولا يتغير شي قولي الحمدلله
استمري ع العلاج بمواعيده ولاتزيدي ب الجرعات وتنزليها الا ب استشارة الطبيب وانا متفائله لك خير دام قدمتي ع اهم خطوه وهي العلاج انك راح تتشافين واشوف لك رساله في قسم المتشافين ب اذن الله
ماحنساك من دعواتي ..

لا تفتحي باب مغلق

حاولي الإنشغال بالذكر والتسبيح والصلاة بوقتها

تجاهلي أي وسواس ينذرك بالعقيدة وإنما يريد بأن يدخل لكِ من عدة مداخل