أنا اتخيل ولا صدق فيني شيء ؟

أنا اتخيل ولا صدق فيني شيء ؟

السلام عليكم و رحمة الله و بركاته

من ايام كتبت موضوع عن خفة الرأس ،
شعور مزعج ما ينوصف لحد .. كل اللي اقدر اقوله ان احس راسي فيه شي
خفيف و عادي يسقط ! تحسون من الوصف ان كيف هاللاحساس صح ؟ بس والله اللي اقوله صدق ..
بعد ما كتبت الموضوع بيومين تقريباً اختفى العرض هذا و بديت احس اني بخير و لله الحمد ..
الين ما دخلت النت و بما ان عندي نقص حاد في فيتامين د قلت بقرأ العلاج .. لكني قريت اشياء خلتني اوسوس من اول و يديد و اقول انا فيني مرض خطير بسبب نقص الفيتامين
اتذكر وقتها ما قدرت انام والله كل شوي ادخل و اقرا و راسي يعورني من الأفكار ..

الحين بسألكم عن شيء ؟
قبل النوم كيف يكون احساسكم غير الخوف ان يمكن ما تصحون ؟
مثلاً انا والله اعاني من النوم قمت اخاف انام مب لاني اخاف ما ارد اقوم لاا
لان قبل النوم تصير لي اشياء تخووووف الله لا يراويها أحد ..

اول شي تبدأ الافكار الغررررريبه و كلها تخص الموت ..
عقب يوم احس اني دوخت صدق اغمض عيوني احس نفسي يقطع و افتح عيوني بقوه و ارجع اغمضها و نفس الاحساس
والله صعب :( يعني ابا انام لكن ماقدررر

مادري هذا من القلق ؟ ولا الخوف ؟ ولا من السهرر مادري والله :(

من شوي و انا الحين بنام حسيت ان راسي ارتفع بالقوو
والله اخاف يصير فيني شي و انا نايمه
ولا هالاعراض كلها بتسبب لي جلطه و الخ

تعبت والله تعبت صرت اخاااااف من النوم اللي الكل يرتاح منه

المصدر: نفساني

آآآآآآآآآآآآآآآآآآآآآآخ
والله صعب الخوف من النوم...اسأليني أنا
تحصل أشياء مزعجة و مخيفة كما ذكرتي

بس لا تشغلي بالك ....كلللللللللللللللها من القلق
وسببها الخوف الزائد
ومثلما أفسرها أن العاقل الباطن تعبان وهلكان وودو ينام بس انتي خايفة وما ودك تنامي فيحصل صراع بين العقل الباطن و العقل الواعي

واللي يحصل أنك تدخلي بالنوم غصب فيصير معك فزع
ههههههههههههه بس مادري إذا كان هذا اللي يجيك

لأني شخصيا يصير معي كذا

الله المستعان وربنا يخفف عنا و يشفينا و يرحمنا برحمته

حاولي الاسترخاء وقراءة القرآن قبل النوم

الله يعينك ويعينا احساس كريهه والله
النوم معاناه والخوف عافس حياتنا
حبيبتي اقري المعوذات و البقره و ان شاءالله خيير لا تحاتي

والله يشافيينا ويشافي الجميع

نقص البوتاسيوم يسبب خيالات ووساوس وانتحار

تصدقي انا اليوم حسيييت راسي خفييف جدا ويت فبالي الجلطة
ولمن تنامين انا يصيرلي مثلج انام وانش فجأة ما في نفس

انا بعد اخخخاف ارقد و كل مره اقول هالمره احساس غيير
يعني امون هاديه بسس خايفه و الشي مخوفني)؛

نفس حالتك معاناة كل يوم لما اجي انام خوووف مو طبيعي

اسأل الله العافية للجميع

هذه اعراض قلق لا غير لا توسوسي ابدا اشربي حليب مع عسل قبل النوم عشان جسمك يسترخي اما بالنسبة لفيتامين د علاجه اعتقد قرات موضوع عن التين المنقوع احسن من الادوية لانها لا تعمل مفعول كبير وطبعا الجو هاي الايام ربيعي كل يوم تعرضي لاشعة الشمس نصف ساعة او ساعة في منطقة الرجلين واليدين وليس الراس والوجه ,, اما بالنسبة للجلطة هاذي مستحيل تجيك بسبب الافكار او القلق ههههه الجلطة تيجي فقط لاصحاب الضغط المرتفع مع مرض القلب ولكن ليس دائما يعني اذا تجاهلو علاج مرضهم واهملو نصائح الطبيب لا توسوسي كتيير

يا ربي تشافينا و تعافينا شفاءا ً لا يغادره سقم .. يا ربي انت اعلم بحالنا فاشفنا و عافنا يالله